منتديات تو زوو

منتديات تو زوو (http://www.2zoo.com/vb/index.php)
-   قسم هواة الكروان ( الكوكاتيل ) (http://www.2zoo.com/vb/forumdisplay.php?f=61)
-   -   كوكتيلتي باضت بس في مشكله ..؟! (http://www.2zoo.com/vb/showthread.php?t=125660)

curly wurly 17-10-2009 02:36 PM
كوكتيلتي باضت بس في مشكله ..؟!
 
السلام عليم ورحمه الله وبركاااته

يا جماااعه انا عندي كوكتيلة وباضت امس بيضه واحده بس ..

والبيضه كانت مرميه في ارض القفص علما بأن القفص كبير جدا ..

شالتها الخدامه وحطتها فمكان مناسب .. :eek:

الحين المشكله انه ما اشوف الكوكتيله تقعد على البيضه ولا مهتمه فيهاا ..

هل السبب ان الخدامه مسكت البيضه ولاا لانه الكوكتيله اول مرة تبيض .. محتارة انا:confused:

وصراحه انا ودي يفرخون هي اول مرة لي ..

ولاحظت انه بطن الكوكتيله بعد منتفخه مثل ما يكون فيهاا بيض .. :12:

بس كل خوفي انها تطنشهم (البيض) شنو الحل ؟؟ :(

ارجو المساعده..

مــاجد 17-10-2009 02:53 PM
رد: كوكتيلتي باضت بس في مشكله ..؟!
 
المفروض انها ما شالتها بس يالله .. لك معلومه ترى قليل ان الكوكتيل يبيض اول مره بمكان جديد والبيض يفقس لنه يكون ما تعود ع الجو الجديد اغلب الأحيان ثاني مره يمكن يفقس بس لي باضت مره ثانيه لا تغير مكان البيض ولا تمسكه لنها كذا ما ترتاح ولا تجلس فوقه لنها ما عاد تأمنك انك تمسكه اذا باضت مره ثانيه ..>> ترى كذا تفكيرها بجد ..

واذا باضت بيضه ثانيه وفر لها الراحه والجو المناسب ولا تزعجها انها تبغى الهدوء بس اذا بغيت تغير الأكل والمويه


موفق ان شاء الله ..

curly wurly 17-10-2009 03:05 PM
رد: كوكتيلتي باضت بس في مشكله ..؟!
 
يعطيك العافيه اخوي ..

بس اصلا البيضه ما كانت في بيتهم لا .. كانت في ارضيه القفص

الخدامه شالت البيضه من الارض وحطتهاا فبيتهم بس ما تهتم لهاا الكوكتيله ..

الله يستر

لك جزيل الشكر اخي الغالي..

الأسد الملك 17-10-2009 04:55 PM
رد: كوكتيلتي باضت بس في مشكله ..؟!
 
وعليكم السلام ورحمة الله وبركاتهـ

فيه اسباب قد تكون هي المشكله

1- ان يكون البيض غير مخصب

2- حجم البياضه صغير ولا يوجد مكان لوضع البيض فيه

3- عدم توفير الراحه للجوز

iCare 17-10-2009 05:35 PM
رد: كوكتيلتي باضت بس في مشكله ..؟!
 
مثل ما قال الأخ الاسد الملك .. و هل شفتي الانثى قبل كذا تدخل البياضة ؟ إذا ما دخلت فللأسف كل البيض هالمرة ما راح تستفيدي منه , تأكدي من كون العش بحجم مناسب او حطي قياسات العش للمعاينة

تحية

صمت111 17-10-2009 06:56 PM
رد: كوكتيلتي باضت بس في مشكله ..؟!
 
الامر عادي جدا تطمن ولكن لاحظ البياضه هل هي ملائمه للطائر ام لا

واذا كانت اول مره فيكون هناك قله خبره من الطائر ولكن الانتظار جيد في المرحله الحاليه

وبيني وبينك شيء جميل انك الان متأكد ان طيورك منتجه وتبيض

تحياتي

علي الطير 17-10-2009 08:08 PM
رد: كوكتيلتي باضت بس في مشكله ..؟!
 
1- شوف انا اشوف الوضع عادي بسأنت حول انك تحافض على هدوء المحل الي اهم فيه

2- لكلا تطل عليهم يعني ((لا تعطيهم وجه )) بس تغير الماي والأكل

3- غط وجه القفص بشرشف خفيف ولا كلا تشيل بل قفص وتحط

ارجو اني افتك

curly wurly 19-10-2009 06:40 PM
رد: كوكتيلتي باضت بس في مشكله ..؟!
 
شكرا جزيلا للجميع.. كفيتو و وفيتو..

بس ما اظن رح يفرخون لانه الانثى اصلا صغيره ومو مهتمه بالبيض

و ع فكرة باضت بيضه ثانيه وبعد طنشتهاا

المهم مثل ما قال الاخ اني عرفت انو طيورة منتجه

ملاااحظة بسيطه:
انا بنت مو شب
(:
يعطيكم الف عافيه ..


تسلمو

NTFA 20-10-2009 01:53 PM
رد: كوكتيلتي باضت بس في مشكله ..؟!
 
معرووف أصلن بالكوكاتيل..

أول أنتاج له يكون البيض غير مخصب لآن أول مرة ينتجوون..

و في بعض الكروانات أول أنتاجها و ثاني أنتاجها هم بعد البيض مو مخصب..
عاد أنت كثر من الخضرة لهم.. عشان تزيد هرموناتهم و نشاطهم..
و معرووف بالكروان يحب الذرة و يحب الخس و الخبز اللين و الجرجير..أكثر شئ..

وفرها لهم.. لآنهم مفيدين جدا جدا لهم..

و إنشااء الله تشوووف عياااالهم..


تحيااااااااتي..


جميع الأوقات بتوقيت GMT +3. الساعة الآن 06:24 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو