|
مصدوم من الكلام الي سمعته ...شاركوني الراي ..!!
سلام عليكم ورحمه الله وبركاته حبايبي جايكم ومعي سالفه صدمتني طيري ولله الحمد روضته على الطلوع على اليد بدون عض والمسح على الطير وكثير مرات ينفش لي ريشه عشان احكه وبعدها يلف يبغها يعض ولكن بقيت مشكله العض لما احط اصبعي عند منقاره يعض عض قوي جداً ودايم عضاته داميه جربت كثير طرق ما نفعت معاه المهم اليوم كلمت واحد صاحب محل اعرفه والادمي خدوم قلته له سالفتي قالي طيب كويس طيرك يعتبر حار وما راح يولف ولا راح يوقف عض وهذا يدل ان الطير يبغى كلام بس ولكن ترويض لا الصراحه انا انصدمت من كلام الرجال ما ادري وش رايكم كلامه صحيح ولا لا ..؟؟ ودي بمساعدتكم بالموضوع .. محبكم الدائم محمد |
رد: مصدوم من الكلام الي سمعته ...شاركوني الراي ..!!
وعليكم السلام
لاماعليك ان شاءالله كلامه مو صحيح اتفضل هالرابط لموضوع طارحه خبيرنا ابو محمد عنوانه لاعض بعد اليوم وان شاءالله بيفيدك http://www.2zoo.com/vb/showthread.php?t=117364 والله يوفقك |
رد: مصدوم من الكلام الي سمعته ...شاركوني الراي ..!!
كفت و وفت اختي صوغه
شوف الموضوع وانشاء الله بتستفيد |
رد: مصدوم من الكلام الي سمعته ...شاركوني الراي ..!!
هلا اخوي محمد كلامه فريب من الصح لكن بيطول مثل سكر عندي لكن انا مو مثلك يوميا,,
انا اعطيه اسبوع راحه والاسبوع الثاني ادربه والحين ما شاء الله بدأ يعرفني اول ما ادخل البيت ينقز ع القفص لكن لحد الان اذا حاولت امسك ظهره يخاف وما عندي اي مشكله انا اهم شيء عندي الكلام لأن الطير الاليف كلامه عاااده يكون محدود (وجهه نظري) وانت الله يهديك مستعجل عليه . |
رد: مصدوم من الكلام الي سمعته ...شاركوني الراي ..!!
هلا فيك أخوي ميدو زووك
هذا الكلام أول مرة أسمعه,, لكن بالنسبة لطيرك,, ماعنده مشكلة,, ومو صحيح انه ماراح يترك العض,, جلس عندي طيرك يومين أو ثلاثة أيام,, نسيت والله كم جلس,, المهم انه ما عضني ولا فكر في العض,, وعندي مقاطع فيديو له وانا اشقلبه وأطلعه على يدي, وأمسك منقاره, وألعب معاه,, وحتى لو طبقت طريقة ابو محمد حقت العسل, ماراح ينفع,, إلا بشكل مؤقت,, لأن المشكلة قلتلك مو في الطير,, المشكلة في طريقة تعاملك معاه, وسرعة يدك, ومستواها, وشكلها... حتى ميزو ببغائي اللي ما يعض,, لما جيت انت تمسكه عضك ههههههههه على العموم بالنسبة للطير انصحك ما تحاول تمسح عليه لمدة طويلة أكثر من شهر,, حتى ينسى العض هذا,, لأنك حالياً جالس تدربه على العض بدون ما تشعر وركز على تعليمه الكلام,,, وان شاء الله ربي يسهل أمورك يا قمر تحياتي |
رد: مصدوم من الكلام الي سمعته ...شاركوني الراي ..!!
اقتباس:
هلا صوغه انا سبق وان جربت هالطريقه لكن ما ضبطت لاني يذوق العسل وبعدها يعض بسرعه احس انه ما يبغى عسل وابو محمد مواضيعه ما تمر من غير ما امر عليها يسلمو يا صوغه ويعطيك الف عافيه |
رد: مصدوم من الكلام الي سمعته ...شاركوني الراي ..!!
اقتباس:
o9Liii يسلمو ويعطيك العافيه يالغالي تحياتي لك |
رد: مصدوم من الكلام الي سمعته ...شاركوني الراي ..!!
اقتباس:
هلا بالطيب الغالي مو مثلي يومياً << هههههههههههههه قويه والله ماني مستعجل يبو محمد ابو محمد انا الحين لي شهرين ونص اروض فيه ولا استعجلت ولا شي لكن قافله مع من العض بس والله فديت خشمك |
رد: مصدوم من الكلام الي سمعته ...شاركوني الراي ..!!
اقتباس:
جلس ربوع وخميس وجمعه والمقاطع بعد عندي وانا الحين امسك منقاره والعب معاه واشقلبه وزي الحلاوه تدري اثر عضه ميزو باقي في ايدي إلى الحين هههههههههههههههههههه والله يا عضني عضه تدري والله صرت احرك ايدي عدل واعطيه الاكل على مستوى ارجوله والطير ميه ميه وياكل من ايدي ومن لساني لكن لما احط اصبعي عند منقاره يعض بحاول ما امسح عليه ابشر يا سكر ما قصرت يالغالي ونخدمك فـ الافراح اشكرك من الاعماق تحياتي لك ولردك |
رد: مصدوم من الكلام الي سمعته ...شاركوني الراي ..!!
ماقصرو الأخوان كفو ووفو
|
| جميع الأوقات بتوقيت GMT +3. الساعة الآن 01:34 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو