منتديات تو زوو

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   اكتب لكم ودمعتي ع خدي ارجوكم ساعدوني (http://www.2zoo.com/vb/showthread.php?t=121340)

العيون الحزينة 19-09-2009 05:17 PM
اكتب لكم ودمعتي ع خدي ارجوكم ساعدوني
 
السلام عليكم

انا من سكان دولة قطر الحبيبة وشريت قطة بمناسبة عيد ميلاد بنتي منذو 3 ايام وعمرها شهرين من النوع الشيرازي وكانت صاحبتها تعطيها حليب كم مرة في اليوم بس انا قطعت الحليب وصرت اعطيها الاكل الخاص بالقطط اسمة baby cat
ROYAL CANIN بالاضافة الى قطع من الدجاج مرتين في اليوم ويكون مقطع قطع صغيرة هذا بالنسبة للاكل المهم انا قمت اليوم لاحظت ع القطة انها تمشي شوي ومرة تثني ارجلها الخلفية وتزحف ع مؤخرتها وارجلها الاماميه تمشي عليها عادي وبعد كذا صار البراز اعزكم الله رخو وبعدين صار سائل وبعدين رجعت مرة وانا مادري ايش الي حصل والحين حطيت له شوي روب وانا حزينة جدا لانه هذة القطة انا شاريتها غالية كثير وكل هذا حصل اليوم بس وانا خايفة القطة تموت لانه انامن اسبوع كنت شاريه قطة غير هاذي وماتت وهي كان بمناسبة عيد ميلاد بنتي وبعد ماماتت شريت لها هالقطة عوضا عن الي ماتت وانا خايفة انها اتموت فارجوكم ساعدوني وانا زي ماقلت لكم انا من اهل قطر ولااعرف عيادة جيدة لان سبب موت القطة الاولى في البداية العيادة الانجليزية خذيتها عشان يكشفون عليها ويطمنوني ولكن الاخ الي هناك عطاها دواء للدود من دون مايشوف معها دود ولالا وصار معها اسهال وغثيان وبعدين خذيتعا العيادة العالمية وعطاها دواء وابر وبعدين ساءت حالتها وماتت في السيارة بعد الابر الي عطاها وانا الحين تعقدت من العيادات البيطرية الي عندنا في قطر فياليت الي يعرف يساعدني لاني حزينة جدا وماعرف وش اسوي ولاوش اكلها واخاف اخذها للعيادة يذبحونها نفس الي قبلها فارجوكم ساعدوني بسرعة

مربي الطيور 19-09-2009 05:54 PM
رد: اكتب لكم ودمعتي ع خدي ارجوكم ساعدوني
 
اختي

القطوه في اسهال و هذا من كثر الحليب

يجب اعطائها الرويال كنون للأطفال

وفي دواء خاص بس ماادري و نوعه راح احطه اذا لقيته

وربي يشفيها لك

العيون الحزينة 19-09-2009 06:46 PM
رد: اكتب لكم ودمعتي ع خدي ارجوكم ساعدوني
 
جزاك الله خير يامربي الطيور

*عاشقة القطط* 19-09-2009 07:43 PM
رد: اكتب لكم ودمعتي ع خدي ارجوكم ساعدوني
 
اختي مافي شي انشالله

اسهال ويروح

وماأنصحك تعطيها ادوية بشريه

لأنها مهما افادها الآن رح تضرها بعدين

عالجي قتك بنفسك

وانشالله بمجرد تطبيقك لكلامي هذا رح تصير قطتك بخير وعافيه

عمل مهلبيه ( 4 ملاعق نشا على ثلاث ارباع كوب ماء وربع كوب حليب )
ويحلى ويرفع على النار حتى تمام النضج وياكل القط
ولو بالغصب فتلك الطريقه توقف الاسهال
ولا يأكل القط الا المهلبيه تلك مره كل يوم فقط ولا ياكل غيرها

Luis 19-09-2009 08:44 PM
رد: اكتب لكم ودمعتي ع خدي ارجوكم ساعدوني
 
اختي وقفي الأكل عنها 9 ساعات

وخليها بس تشرب ماي..وبعد التسع ساعات

عطيها دجاج مسلوق..او بطاطس مسلوق ومهروس..

وشوفي نوع الإسهال وش؟

اذا دود (بكتيري)روحي للبيطري..واذا اسهال برد

تقدرين تعطينها دواء كابتين دواء بشري..2 مل مرة باليوم

وان شاء الله خير..وان ما تحسنت حالتها في يومين

شوفي البيطري..وما عليها شر ان شاء الله

Octopus 19-09-2009 11:29 PM
رد: اكتب لكم ودمعتي ع خدي ارجوكم ساعدوني
 
اول شي هلا بكي وبنتك في المنتدى :)
و نحن الحمد الله جيران و اشقاء :)
و بنسبة لسوالك أفدك ليوس :)
و عمر قطة أبنتك شهرين يعني سن الفطام :)
و انتي حاولي تدورين عيادات اخرى قربية من حارتكم:)

pinky 20-09-2009 12:01 PM
رد: اكتب لكم ودمعتي ع خدي ارجوكم ساعدوني
 
يااااقلبي :(:(

خيتووو شووفي في دوء بالصيديله البشريه اسمه " كآبكيت "

أو " كآبتين "

مرره كويس

عطيها 2 ملي مرره بالصبح ومره بالمساء ..

وماتشوف شرر

وبعديها عن الهوآء والتكيف

ووقفي عنها الأكل 9 ساعات عشان بطنهآ تسير فآضيه شوي .

بعدين عطيهاا أكل غير هلامي يعني اكل يمسك بطنهآ شوي مثلا بطآطس مسلوقه

ورووب .. ودجآج

واقطعي عنهآ الحليب واذا كنتي تعطينها اكلات بحريه بعد اقطعييها ..

حبيبه قططي 20-09-2009 07:00 PM
رد: اكتب لكم ودمعتي ع خدي ارجوكم ساعدوني
 
صحيح
اعطيها مهلبيه وكمان بطاطا مسلوقه بس اذا حزل لها شي بعيد الشر

وديها لدكتور بيطري تاني ....موفقه الله معالك

mixture 21-09-2009 01:51 AM
رد: اكتب لكم ودمعتي ع خدي ارجوكم ساعدوني
 
واضح انها تعاني من حاله تسمم في الاكل .... روحي فورا للمستشفى و خليها تنام عندهم الين تطيب عاده تنام في المستشفى 4 او 5 ايام الين تنظف بطنها ... انتي واضح من كلامك انك غير خبيره في مجال القطط لذلك المستشفى هو الحل الوحيد لك .... ياليت تشوفين صلاحيه الاكل بالاضافه هل الاكل محطوط في مكان مناسب عشان ما يخرب لان احيان صلاحيه الاكل غير منتهيه بس خربان لانه محطوط في درجه حراره عاليه او في مكان الرطوبه فيه مرتفعه و تكاثرت البكتريا في الاكل الناشف و السائل .... وانشالله معافيه عن قريب

خبيرهـ الحيوانات 21-09-2009 05:58 AM
رد: اكتب لكم ودمعتي ع خدي ارجوكم ساعدوني
 
هلا والله
نورتي منتدانا
والحمدالله انا من قطر واقدر اساعدك
مثل ماقال اخوي لويس اقطعي عنها الاكل 9 ساعات
واقطعي الحليب لان كثرتة يسبب اسهال والطعام المعلب وهو ويسكاس والانواع الثانية لاكن رويال كانن مايسبب مشاكل بس في اوقات المرض اقطعي عنها الاكل المعلب والحليب


بالنسبة للبيطري اممم ادل مركزين بيطري اولهم عند مستشفى الاهلي لاكن مب جدام ورة واحس انة مب زين وشغلة مب شغل عدل


اوك البيطري الثاني احس انة احسن من اللي عند مستشفى الاهلي وحطو عنة بـ جريدة الدعايات وانا قصيتة عشان لو شريت قطوة اطعمها ...اهو عند : الريان اليديد احذى سوق المعاضيد بأتجاة شارع ال شافي ... واذا مادليتية واذا بعيد او ماتقدرين الحمدالله عندة زيارات منزلية الدكتور د . اشرف دياب عندة الله يسلمج تطعيمات
علاج
عمليات جراحية
ادوية بيطرية
اذا كنتي تبينة اييج البيت اتصلي على الرقم تـ : 4803696 ج : 5374939 اسم المركز : المركز البيطري الحديث للحيوانات الاليفة انتي قوليلة مشكلة قطوتج واهو بييب لج العلاج
واي سؤال راسليني عالخاص :)
وماتشوفين شر يالغالية


جميع الأوقات بتوقيت GMT +3. الساعة الآن 11:22 PM.

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو