|
أنا أخاف !
السلام عليكم و رحمة الله و بركاته انا عندي مشكلة مع توليف الطيوور ! كان عندي كاسكو و قعد عندي شهرين ولا قدرت امسكه او اشيله :( !! بس الانجاز اللي سويته انه صار ياكل من يدي !! اللحين شريت لي كروان كمان مو اليف .. و عندي دروس منزلتها من اليوتيوب و ماخذه منكم النصايح و كل شي و اجي ابي اطبق معه الدروس و ادربه ما اقدر ! لدرجة انه لو طلع برا القفص اخلي غيري يدخله ! يعني ما احس انه طيري !! و ادري ان فيه قسم خاص للكرواان بس حبيت انزل موضوعي هنا لكثرة موااضيع التدريب .. اللحين الطير اكبر من سنة مو اليف و يخاف .. وديته امس لمحل حيوانات قصيتله اجنحته و اظافره .. و اللحين اذا طار يوصل لنص الباب و يطيح .. اللي انا اخاف منه .. 1- اخاف لما الطير بيخاف احس ان الطير عذبته و سببتله رعب و انا ماني عارفه اروضه ! 2- اخاف انه يطير على وجهي !!:D 3- اخاف انه يعضني .. ابي منكم طريقه تشجعني اني اروضه بدون خوف .. جربت حركة المنشفة و كل ما ارميها يطير و كل مايطير اخاف ! وش السواة !؟ الله يجزاكم الجنة .. ساعدوني .. |
رد: أنا أخاف !
اخوي افضل حل لك تسجل عند استاذنا سمساار وانا متأكد راح تستفيد.
http://www.2zoo.com/vb/showthread.php?t=110761 |
رد: أنا أخاف !
اقتباس:
اخوي محمد شف الاقتباس انا اشتركت قبل بالموضوع و عندي معلومات عن الترويض و رجعت اشتركت .. بس انا قاعدة اطرح مشكلة الخوف .. يعني ابي بداايه سهله .. |
رد: أنا أخاف !
اختي نصيحه خذيها مني
اذا خفتي من الطير راح يخاف منك وما راح يصير اليف لازم تحسسيه انك مسيطره عليه ببغائي من كثر ماني مسيطر علي صار يخاف يعضني ويحترمني |
رد: أنا أخاف !
طيب اختي الطير يعض؟؟كبير؟؟وين مكانه في البيت؟ممكن تفاصيل عن الكاسكو,,
|
رد: أنا أخاف !
اخوي المزماار والله حاولت كثير بس ماقدرت .. انا ابي طريقه سهله امسكه بدون مايعضني ولا يخاف و اذا مسكته خلاص كل شي راح يهون ان شاء الله ..
اخوي ابو محمد ترا هو مو كاسكو .. اقتباس:
اقتباس:
|
رد: أنا أخاف !
طيب جربتي معه العسل بالنسبه للعض؟؟؟
|
رد: أنا أخاف !
امس حطيت باصبعي عسل و بعدين هرب مني و خاف و انا خفت انه اول مره تكون عضته قوية لكن لو انت مجربها انها ماتجرح من اول مره ان شاء الله بجربها
|
رد: أنا أخاف !
والله العضات تختلف احيان تكون خفيفه جدا واحيان تطلع الدم ينزف
لكن خذي منشفه تكون سميكه شوي وامسكيه غصب عنه بيجعر لكن لا تفكيه لمده طويله وبيسكت تلقائيا وبيعض المنشفه ما راح يوجع ولا شي وبيفهم ان العض ما ينفع وياليت معلومات اكثر عن الطير عشان اقدر افيدك اكثر واي سؤال ثاني انا جاهز اختي |
رد: أنا أخاف !
اختي اخذي لج قفازات من محلات الطيور
وركبيه على يدج واخليه فتره وحاولي اتركبينه من يد الى يد ثانيه ومع الايام بيتعود بس اهم شي ما اتخافين منه تره الكروان عضته بسيطه حتى لو جرحت اليد بسيطة وما اتوقع بيطير على ويهج لانه يبي يشرد مستحيل ايي صوبج ههههه الله يوفقج اختي معاه وان شاءالله يتدرب وابشرج تدريبه سهل بس يبي له انج اتجابلينه يوميا واكيد بيتدرب بسرعه |
| جميع الأوقات بتوقيت GMT +3. الساعة الآن 03:32 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو