|
سؤال عن انتصاب أذن الجيرمن
السلام عليكم
شحالكم اخواني ومبروك عليكم شهر رمضان اعاده الله علينا وعليكم بالصحه والعافيه حبيت اسأل سؤال انا عندي جيرمن شيبرد اليوم استوى عمره 4 شهور أذنه اليمين انتصبت بالكامل بس الاذن اليسرى ما انتصبت بالكامل ف انا خايف ما تنتصب ابدا وهذي مشكله وعلى فكره الكلب بيور يعني مو مهجن المفروض تنتصب اذنه وانا سمعت عن حبوب الكالسيوم وهل تنفع استخدمها يعني فيها فايده ولا ؟ والسموحه منكم |
رد: سؤال عن انتصاب أذن الجيرمن
اعتقد حبوب الكالسيوم اخوي راح توفي بالغرض
و اطمئن .. فهناك كلاب جيرمن لا تنتصب اذنها الا لما تتم 5 شهور و بالتوفيق اخوي |
رد: سؤال عن انتصاب أذن الجيرمن
آخووووووووووي انت اتركه الا عمر 5 شهور اذا مانصبت اذنه فيه طريقته تخليها تنتصب وبدور لك صور وجيبها لكـ !
لآكن هي كيف الطريقه ؟ تربط اذنيه وتنصبها كلها الثنتين مدة كم اسبوع وبعدها تفكه وتشوف كيف تنصب .. |
رد: سؤال عن انتصاب أذن الجيرمن
تسلمون اخواني على ردودكم
وان شاء الله بصبر لين ما يستوي عمره 5 شهور واذا ما انتصبت راح اسوي له طريقه الانتصاب ومشكورين |
رد: سؤال عن انتصاب أذن الجيرمن
اخوي اذا كان حجم الكلب كبير وخاصه من فصيله الشو لاين عادي تتأخر انتصاب الأذن اما الورك لاين سريع بالأنتصاب لاتخاف حتى يمكن يكمل خمسه شهور ولاتنتصب بس اخوي ابشرك بتنتصب ولاتستعجل حالياً لاتحط ايدك على اذن الكلب وعليك بالكالسيوم والغذاء الجيد على العمووووووم اتمنى لك التوفيق ملاحظه : لاتقوم بعمل اي طريقه لأنتصاب الأذن |
رد: سؤال عن انتصاب أذن الجيرمن
تسلم اخوي وانا والله اتمنى انها تنتصب اليوم قبل باجر واحاول اسوي اللي اقدر عليه وعلى فكره الكلب من النوع الكبير
وانا قبل قالولي ان الجرو اللي ابوه ضخم تتأخر اذنه ف الانتصاب وهذا ينطبق على كلبي لاني شفت ابوه ضخم وايد ف هل الكلام صحيح ياخوي ؟ |
رد: سؤال عن انتصاب أذن الجيرمن
اقتباس:
اقتباس:
نعم اخوي كلام سليم كلاب الجيرمن الشو لاين كبيره الحجم جراوتها تتأخر في انتصاب الأذن وخاصه كبيره الحجم اخوي فلاتقلق هذا أمر عادي صابتنا هذي الحاله قبلك وقمنا بالإستفسار عن طريق خبراء ألمان وقد تم تبليغنا بهذا الأمر وبعدها وبفتره تم انتصاب أذن الجراوه انته ألحين حاول بس ان تقوم بالتغذيه الصحيحه وجدول الكالسيوم و المحافظه على عدم لمس أذن الكلب وبتشوف وبتقول الرازم قال وهو على حق لاتستعجل اخوي ترها في الطريق الى الأنتصاب يالغالي |
رد: سؤال عن انتصاب أذن الجيرمن
تسلم اخوي والله نصايحك وايد مفيده
وكلامك يبشر بالخير ماعليه ان شاء الله بصبر وبجوف ومشكور اخوي الغالي |
رد: سؤال عن انتصاب أذن الجيرمن
كلام اخوي الرازم سليم الله يعطيه الف عافيه
عزيزي من اسباب عندم انتصاب واحد من اذاني الكلب نقص الكالسيوم او لما يكون في مشكله في عصب اذن الكلب بسبب عضت كلب اخر او اصابته فيها فلو كلبك ما اتعرض لها الاشياء فأطمنك باذن الله راح تنتصب بس حاول كثر له من الحليب والبيض عشان يعوض له الكالسيوم بشكل طبيعي والحليب عشان ما يسبب له اسهال اكرمك الله عطيه عيش مفتوت ورشه له بالحليب وافقع فيه البيضه واعتبرها له وجبه صباحيه احسن لك من استخدام حبوب الكالسيوم وباذن في الفتره الجايه راح تنتصب الاذن ولو ما انتصبت عطينا خبر واحنا ما راح نقصر معاك ...تخياتي |
رد: سؤال عن انتصاب أذن الجيرمن
انا كلبي مثلك اذنه تنتصب وتطيح معرفت وش قصتها
ناس قالو لي حط عليها زيت زيتون اكثر من واحد قاالي وهذاني اجرب بشوووف في نتيجه ولا |
| جميع الأوقات بتوقيت GMT +3. الساعة الآن 04:43 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو