|
تجربة نقل البيض والديايه راقده عليه
هذه تجربة وخاطري أنقلها لكم
كانت ديايتي تخش البيض في زاوية بعيده عن الأنظار داخل بيت الجيران في مكان هادئ ومافيه أي حركه المهم يوم من الأيام أختفت الديايه ما شفتها في حديقة البيت دورت عليها الصبح في اليوم الثاني لقيتها راقده على البيض في بيت الجيران استشرت واحد من أهل الخبرة في طريقة نقلها للبيت . قال لي : جهز قفص صغير وجهز فيه العش وروح الصبح وامسكها في يد وأنقل البيض جدامها لازم تشوف البيض يعيونها وأنت تنقله وبعدين خلها ترقد على البيض وسكر القفص سويت الطريقة وانجحت في طريقة ثانية: ( إذا ما كان عندك قفص صغير ) خذ معاك بطانية صغيرة وحط فيها رمل وبعدين خله تحت الديايه يعني تمسك الديايه وتشيلها عن البيض وتحط البيض على البطانية وخل الديايه ترقد عليه مره ثانية في نفس المكان وإذا ارقدت على البيض شلها بالبطانية مع بيضها وخلها داخل القفص وانتبه لازم وانت تنقل البيض يكون جدامها وهي تشوفك عشان ترقد عليه هذه الطريقة انجحت معاي |
رد: تجربة نقل البيض والديايه راقده عليه
مبروووك وعقبال مايفقسوا وبالتوفيق
|
رد: تجربة نقل البيض والديايه راقده عليه
اقتباس:
وان شاء الله يارب يفقص أتمنى ما يكون البيض اخترب في هالحر |
رد: تجربة نقل البيض والديايه راقده عليه
ماشاء الله التجربه الاولى حلوه :) يعطيك العافيه اخوي ماقصرت وان شاء الله تعم الافاده للجميع |
رد: تجربة نقل البيض والديايه راقده عليه
اقتباس:
تسلمين الغالية على المرور والمشاركة وهذي الديايه ملهوفه على الأمومه من قلبها نقلتها ثلاث أماكن ولا قامت من عالبيض وفي النهاية طلع كله خربان عاد أنا سويت خطه وانجحت وأفردت موضوع في المنتدى عن الخطة وهالديايه أنا مربيها من أول ما اطلعت من البيض تربية بيت تشوفني من بعيد تجيني ماتخاف مني حتى لما أروح لها ما تقوم من عالبيض متعوده علي الحمد لله عقبال ما تفرخ من بيضها الحقيقي مستقبلا - آمين - |
| جميع الأوقات بتوقيت GMT +3. الساعة الآن 07:31 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو