احتاج مساعدتكم على الافريقي بليز :)
 

السلام عليكم ..
اخواني انا عندي كاسكو افريقي صارله شهر عندي تقريبا وعمره فوق السنه او سنتين عينه باديه تتغير للاصفر فاتح ... الطير اول ماخذيته يجعر بشكل مو طبيعيييي وحطيته بمكان مرتفع ومشالله كان من اول ايامه يصفر مره او مرتين باليوم والحين يصفر كثيير ما يسكت نهائيا ويخربط يطلع اصوات غريبه بس مشكله الجعير والعض اللي فيه .. الجعير خف شي بسييط لكن ليمه الحين لما اقرب من القفص يطير ويدعم الصحن ويعفس كل شي والصراحه مادري متى ابدا بالتدريب معااه
هل الوقت الحين مناسب بعد ما خذاله شهر بالبيت ؟ مع العلم انه ليمه الحين بمكان مرتفع وما يشوفنا كثير لانه محد يحب يقعد عنده مزعج حييل
مواضيعكم للتدريب والترويض كامله مشاءالله لكن المشكله عندي بالبدايه متى ابدي ؟ الوقت الحين مناسب ؟
اتمنى الافاده وشكرا

رد: احتاج مساعدتكم على الافريقي بليز :)
 

دامه بدا يتعود على الجو و يصفّر.. تقدر تبدأ من ألحين.. نزله و حاول تلاعبه .. و تعوده عليك.. و متى ما تعود شوي شوي بتقدر تمسح عليه ..

حاول تطعمه بإيدك.. كل ما قدرت.. و هالشي بيخليه يتقرب منك اكثر و يحس بالأمان..

و بعدين بتقدر اتطبق المواضيع الخاصه بالتدريب ان شاء الله ^^

رد: احتاج مساعدتكم على الافريقي بليز :)
 

ظن انه شهر مدة كافية

ابدا الحين ولتوكل على الله

رد: احتاج مساعدتكم على الافريقي بليز :)
 

مشكورين على الردود .. راح ابدا انزله من مكانه واخليه على طاوله نازله شوي وابدي اقعد عنده واخليه يجعر ليمه يمل .. واذا ابي اوكله لازم اجوعه صح ؟ وهل ضروري اقص جناحه وقت التدريب لانه مع الايام لازم اطلعه من القفص

رد: احتاج مساعدتكم على الافريقي بليز :)
 

لا تجوعه زياده عن اللزوم.. ساعه بالكثير أو ساعتين.. << انا ما استخدم اسلوب التجويع $_$

المهم.. لو يقدر يطير.. و جناحاته كامله.. ينصحون بأنك تووديه بيطري.. لانه في أعضاء صارت لببغاواتهم حاله عدوانيه من بعد ما قصوا جناحاتهم بنفسهم..

يعني الطير قلب عليهم.. ^_^

رد: احتاج مساعدتكم على الافريقي بليز :)
 

انشالله راح اوديه البيطيري يقص جناحه ومره وحده لازم يبرد منقاره لانه طايل وايد
ودي اعرف المنقار لازم انا اوديه البيطري ولا احطله خشبه اهو يبرد منقاره بنفسه ؟