منتديات تو زوو - خطـــأ فــادح...!!

منتديات تو زوو (http://www.2zoo.com/vb/index.php)

- سؤال و جواب لقسم هواة القطط (http://www.2zoo.com/vb/forumdisplay.php?f=59)

- - خطـــأ فــادح...!! (http://www.2zoo.com/vb/showthread.php?t=117367)

خطـــأ فــادح...!!

السلام عليكم ورحمة..

أمس يوم نزلت أعبي الطاسه ماي لقطوتي..

لقيت بالمطبخ قارورة زيت زيتون..قلت حلو..أنا من زمان أبغى

أحط لها عشان شعرها اشوي يتساقط..فحطيت نقطتين مثل ما نصحتو..

وشميت ريحته قبل ما أحط..طبعاً أنا ما أعرف ريحة زيت الزيتون..:p

بس شميته ولا ارتحت له..قلت يالله يمكن مركّز..:p

ورحت وحطيته لها..وبعدها نزلت الصاله..وشفت أمي

قلت لها عندنا احنا زيت زيتون..!!>> أبي أتأكد بس...:p

قالت ايه..قلت أشوه..قلت طيب وين موجود..قالت بكرتون أو كيس..

قلت يعني مش اللي بلحالها موجوده بكيسه..قالت لاااا هذا ((ســـمــــن)) :wao::wao:

قلت وشوووووو...ورحت فوق بسرعه وشفت ميلودي شاربه ربعه..

قلت ياااااا ثوااااارتي...:o فقمت وكبيته بالمجلى..و غسلت طاستها..

وعبيتها ماي مرة ثانيه و حطيت لها قطرتين من الزيت الزيتون اللي تأكدت منه..:o

هل في احتمال القطه تتأثر بالسمن..:(؟؟

هي بالامس نشيطه ماشا ءالله..واليوم بعد تلعب وصحتها كويسه..

بس خايف من بعدين لا يصير فيها شي...:(

رد: خطـــأ فــادح...!!

هههههههههها .. لا ان شاءالله مابيأثر عليهاا

بس ليش تحطون الزيت مع الماي .. هي مراح تشرب الماي كله باليووم .!.

انا احطه مع الوجبه .. احط له 3 نقط .. لاني ضامنه بياكل وجبته كلها ( وجبه رطبه طبعا مو دراي )

و أفضّل هالطريقه عن المـاي ..

بالتوفيق خيوو .. :)

رد: خطـــأ فــادح...!!

أهاااا..لا أنا بس مرة كأني قريت رد من ردودك..

قلتي فيه ع الماي..أو الأكل..:p

بس مش ذاكر بالضبط..يمكن مو انتي بعد ملخبط انا..:o

زين طمنتيني الله يطمنك بالشهاده..:)

وان شاء الله المرات الجايه بحطه مع الأكل..

تحياتي,,

رد: خطـــأ فــادح...!!

انا سمعت قبل برضوو انو يحط بالماي بس يوم فكرت فيهآآ رحمتهآآ قلت مآآراح تستغيه تجي عطشانه

وتشرب زيت مع الماي افضل شئ يحط مع الاكل حتى القطآآوه يحبونه يخلي طعم بالاكل محبب لهم

رد: خطـــأ فــادح...!!

لا أنـا دايـما أقول مع الأكل .. بس فيه كم عضو وعضوه غيري يقولون مع الـماي

أساسا الزيت ماينمدج مع المـاي ..! ولا راح تستفيد القطوه منه كثير لان كميه الماي كثيره بالنسبه لـ 3 نقط فـ مستحيل القطوه تاخذها كلها في يوم واحد

بعكس الوجبه .. بياكلها كلها وكذا مره باليوم

انا إيما ياكل 3 وجبات في اليوم تقريبا وكل وحده فيهم .. معها 3 نقط زيت زيتون

رد: خطـــأ فــادح...!!

انا كنت بحطهـ مع الماي , بس أمي تقول زيت الزيتون يمشي البطن

إحتمال يجيها إسهال

موفق

رد: خطـــأ فــادح...!!

ههههههههههههههههـــ بصراحه موقف لا تحسد عليهـ يا لوييس

سمـــن

لا لا تخاف عليهــا

قطوي مرهـ شرب سمن

وما صار له شيء

بس صارت معاه تخمه

لأن السمن ثقييل

رد: خطـــأ فــادح...!!

لا طبعا متقلقيش السمن اكنه دهون زياده في الاكل عادي يعني طالما مره

رد: خطـــأ فــادح...!!

أشوووى طلع سمن

ولله خفت يطلع شي ثاني وأنا أقرا ..

لاماعليك أذا سمن عاااادي جداً ومايستدعي الخووف ..

رد: خطـــأ فــادح...!!

اقتباس:

مآآراح تستغيه تجي عطشانه
وتشرب زيت مع الماي

صح والله..تصدقين للحين الماي عندها ماتغير..:p

بروح اغيره نااااسيه..

اقتباس:

لان كميه الماي كثيره بالنسبه لـ 3 نقط فـ مستحيل القطوه تاخذها كلها في يوم واحد

اممممـ...صح كلام منطقي..:p

ومن بكرة راح ابدأ مع الأكل..:)

اقتباس:

انا إيما ياكل 3 وجبات في اليوم تقريبا وكل وحده فيهم .. معها 3 نقط زيت زيتون

طيب لابد مع كل وجبه زيت زيتون..؟ @_@ وإيما كثر ما نسمع عنه اشتقنا نشوفه..:p

اقتباس:

انا كنت بحطهـ مع الماي , بس أمي تقول زيت الزيتون يمشي البطن
إحتمال يجيها إسهال

أومممااا إسهاااال..@_@

اقتباس:

ههههههههههههههههـــ بصراحه موقف لا تحسد عليهـ يا لوييس

اقتباس:

لا لا تخاف عليهــا

قطوي مرهـ شرب سمن

وما صار له شيء

بس صارت معاه تخمه

لأن السمن ثقييل

وهذا اللي خايف منه..تطيح علي ولا شي..:o

الله يستر..

اقتباس:

لا طبعا متقلقيش السمن اكنه دهون زياده في الاكل عادي يعني طالما مره

تشكري يا توتومي على التوضيح..ريحتيني..:)

اقتباس:

أشوووى طلع سمن

ولله خفت يطلع شي ثاني وأنا أقرا ..

هههه..:p

لا الحمد لله الله ستر وما طلع شي ثاني..:o

اقتباس:

لاماعليك أذا سمن عاااادي جداً ومايستدعي الخووف ..

اشوووى طمنتوني الله يطمنكم..:)

تحياتي,,