|
الى خبراء الكاسكو
السلام عليكم ورحمه الله
هذي اول مشاركه لي واتمنى من اهل الخبره انهم يفيدوني ... انا كنت يوم السبت بالاحساء ورحت محل حق الطيوراللي على يمين شارع الماجد واشفت اشكال وايده من الكاسيكو اللي بدون حجل فيهم اللي مروض واللي بدون بس احجامهم كبيرة وراعي المحل يقولي انهم اقل من سنه ..... الغريبه انه اعيونهم مش سود كامله سوده بالنص والاطراف تقريباً بيضه على رمادي وهو يقول انهم فرووخ .... وااشتريت منهم اثنين ولما جبتهم بعض مربي الطيور قالوا لي انهم اعمارهم اكبر من سنه وثمانية اشهر .... وانا تعبت والله ما اعرف من اصدق مع انهم هادياً ومايطلعون صورت الجعير الا اول يوم بس واركبهم على يدي .... ارجو من اهل الخبرة الافاده عاجلاً وجزيتم خير |
رد: الى خبراء الكاسكو
مرحبا أخوي والله احنا نعاني من مشكلة الثقة في البائعين وانعدام مصداقيتهم يعني ماتدري اللي باعك هو الصادق واللي البائعين اللي قالوا انها اكبر من سنة و8 شهور وماشاء الله شلون حددوا العمر بهالدقة ؟!!! وبعدين ترى صاحب المحل لو تجيب له افضل طير تقول له شريته من محل ثاني وش رايك؟؟؟ يقول لك : والله مو شي فيه كذا وكذا او عمره كبير او سعره غالي لعبوا عليك اتمنى تنزل لها صور عشان يفيدونك الأخوان وعالبركة وبالتوفيق يارب عفوك |
رد: الى خبراء الكاسكو
اخوي دام العين ابيض على رصاصي هذا فرخ ان شاء الله
الافضل تنزل صوره للعين |
رد: الى خبراء الكاسكو
مشكورين اخواني على سرعه الرد وان شاء الله احول انزل الصور قريب تسلمون لي
|
رد: الى خبراء الكاسكو
اول شي حياك الله بالمنتدى توزو
ثاني شي على البركه الطيور وبالنسبة لطيور اذا عيونهم بيضاء ولا رمادي فاتح فالطير عمره من 9 شهور الى سنه وعليها والحمدلله ان الطيور هادين عندك ماغشك راعي المحل الله يوفقك اخوي في الطيور ويتربون في عزك تحياتي ..... |
رد: الى خبراء الكاسكو
هلا فيك اخوي
اول شي دام على كلام تقول سواد بالنص وابيض على رمادي فعمره مثل ماوضح اخوي من 9 شهور اليد الرمادي يسير ابيض يكون وصل السنه بالتوفيق |
رد: الى خبراء الكاسكو
مادام مااا صفت عينه وصارت بيضاء فهوو أقل من السنه وألأفضل حط له صوره عشان يكوون الوصف أوضح وتأخذ المعلومه ألأصح وأذا تقوول أنهم أليفين ويطلعوو على ألأيد وما يجعرون بالعكس هذا شئ ممتاز أختصرت مشواار بالتدريب بس المهم تبعدهم عن التيار المباشر للمكيف وأقرأ المواضيع المثبته بالمنتدى راح تستفيد أنشاء الله منها ومبرووك عليك الطيور وألله يعطيك خيرهم ويكفيك شرهم |
رد: الى خبراء الكاسكو
مشكورين اخواني على سرعة الردود وانا حاولت رفع الصور وان شاء اله تطلع
[IMG]http://up4.m5zn.com/9bjndthcm6y53q1w.../fuq1arjw2.jpg[/IMG] [IMG]http://up4.m5zn.com/9bjndthcm6y53q1w.../tys0qvnlp.jpg[/IMG] [IMG]http://up4.m5zn.com/9bjndthcm6y53q1w.../7xw3dphib.jpg [/IMG] [IMG]http://up4.m5zn.com/9bjndthcm6y53q1w.../frnqsjpik.jpg[/IMG] |
رد: الى خبراء الكاسكو
ماشاء الله تبارك الله طيور حلوة الله يخليها لك
|
رد: الى خبراء الكاسكو
ماشاء الله اشكالها وايد حلوه
|
| جميع الأوقات بتوقيت GMT +3. الساعة الآن 07:12 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو