|
أحب ..طيور الحب
بصراحة ياجماعه أنا من دخلت المنتدى تحمست حتى افكر اخذ كل أنواع الطيور<<<خخخ:D
بس والله دخلت اليوتيوب وقعدت اشوف الطيور "تربية" المهم وأشوف طيور الحب ماشبعت منهم وانا اطالع ..واحد ورا الثاني :D ودخلت المنتدى هنا..على طوووووول:D والله وأشوف وحمستوني زيادة<<وبصراحه يعطيكم العافيه بس أنا أبغى أعرف من وين أقدر أشتري طيور الحب"زغاليل"أو الفراخ حقتهم لأني أحب أربيه من يوم اهو صغير هل هو من محلات؟؟؟ والا من ..مثلا سوق الخميس؟؟ ياليت تعطوني محلات في الاحساء أو في الدمام يبيعهم "صغار"وبكم سعرهم تقريباً وأصلا ..متى يفرخون؟؟ يعطيكم العافيه وأرجو أي واحد يفيدني |
رد: أحب ..طيور الحب
انا شريت طيور الحب من الدمام صغار اعمارهم تقريبا 3 شهور و الان الطيور بيضة
وهذي معلومات عن المحل اللي شريت منه الطيور اسم المحل : عش الكناري - شارع الخطوط الاربعة - عند ديوان المظالم اسعار الطيور في محل عش الكناري : الكاسكو ب 1500 طيور الحب الاخضر ب 350 زوج ببغاء الصن كنيور 1400 زوج الدرة ب 600 زوج الكوكتيل 600 زوج البادجي ب 250 زوج و بيبع طائر لوحدة بنصف السعر الموجود و عندة قطط و غيرة |
رد: أحب ..طيور الحب
يعطيك ألف عافيه أخوي
لكن الطيور المحل اللي تقول لي عنه..أعرفه وكم مره رحت له أنا أبغى صغار مرة,,,يعني أطعمهم يدوي بس يعطيك ألف عافيه..ماقصرت حبيبي |
رد: أحب ..طيور الحب
شدعوه شباب ماأدري كم مشاهدة...ورد واحد
يعطيكم الف عافيه على الاقل قولو ماعندنا شي نساعدك فيه وبس..:( |
رد: أحب ..طيور الحب
أخي الكريم صعب تلاقي فروخ طيور حب في أماكن الطيور ولكن ليش ما تأخد لك زوج طيور حب وتختار لونهم على كيفك وتتركهم ينتجوا وتأخد فروخهم وتأكّلهم يدوي وتدربهم أو إنك تتفق مع أحد في المنتدى على شراء فروخ طيور حب من عنده وبالتوفيق :) |
رد: أحب ..طيور الحب
يعطيج الف عافيه أختي ...والله جاتني فكره زي كذا بس ماأدري
من الحين :يـــــــا شبـــاب اللي عنده فراخ طيور حب ويبغى يبيعهم يراسلني على :alhosamvip@hotmail.com يعطيكم العافيه |
رد: أحب ..طيور الحب
أخي الكريم الأفضل أن تضع طلبك في قسم الشراء وأني بعد يومين إن شاء الله بروح الدمام أدور لي على مكاو وبسأل لك عن فروخ طيور حب وإذا لقيت بقول لك وبالتوفيق :) |
رد: أحب ..طيور الحب
يعطيك الف عافيه اختي..تعبتك معانا
بس ياليت اعرف متى التفريخ بالضبط ...إذا أحد يعرف |
رد: أحب ..طيور الحب
أخي الكريم إذا تقصد في أي فصل يفرخوا فالأفضل تتركهم ينتجوا في فصل الشتاء لأن فصل الصيف يكون التفريخ مهلك لهم ويجب عليك في فصل الصيف أن تهتم بتغديتهم حتى ينتجوا لك فروخ بصحة جيدة وإذا تقصد في أي عمر يفرخوا فيجب أن يكون عمرهم سنة أو أكثر وإذا عندك أي سؤال فأني في الخدمة :) وبالتوفيق :) |
رد: أحب ..طيور الحب
والله يعطيك العافيه بصراحه تعبتك معاي<<حتى لو عندي سؤال ماني سائل أحرجتيني
أنا بصراحه قلت شكلها ماهي رادة بس ما شا الله عليك<< كفو:D<<صب القهوة:D كفيتي ووفيتي أختي أرجو ماأكون سويت ازعاج لك |
| جميع الأوقات بتوقيت GMT +3. الساعة الآن 11:55 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو