ارجووو الافاده

تقدر تدز ريشه لمواقع وايد اهمه يسوولك تلحيل DNA ويردولك شهاده ان الطير ذكر ولا نثيه
وفي طريقه ثانيه اهيه المنضار Abdominal Laparoscopy
وفي طريقه اسهل بس يبيلها وقت وانا شخصيا مجربها معاى او من خلال الربع اللى اعرفهم
الكاسكو الذكر يميل حق الحريم تلقاه مع الحريم يلعب ويسولف
والكاسكو النثيه تميل حق الرياييل وما تحب الحريم من البشر
ما اقصد ان الكاكاسكو الذكر ما يتكلم وما يستانس جدام الرياييل بس يصير وايد احسن مع الحريم


ومن خلال الشكل
تقدر تعرف من خلال العين بس لازم يكون الكاسكو مرتاح مو متضايق او معصب
الذكر عينه مسحوبه من صوب المنقار
مثل هالصوره طبعا الصوره مو لى انا ماخذها من موقع ثاني

http://www9.0zz0.com/2008/10/17/15/996678461.jpg

اما النثيه تكون عيونها دائريه ومافيها اى سحبه مثل الذكر
وهذى الصوره
http://www10.0zz0.com/2008/10/17/15/491837315.jpg

ولازم تاكد هالشي مع الذيل
ذيل الذكر يكون الاحمر بالكامل ما اقصد الذيل
اقصد الريش اللى تحت الذيل اللى يسمونه اهل الحمام الرقام
يكون كله احمر
مثل هالصوره
http://www5.0zz0.com/2008/10/17/15/327793953.jpg

اما النثيه
يكون لون الريش الاحمر احمر الا ان الأطراف او الرقام لونهم احمر داش فيه رمادي
مثل هالصوره
http://www5.0zz0.com/2008/10/17/15/449494624.jpg


وفى طريقه تتاكد منها
الذكر راسه اكبر من النثيه ويكون مستطيل تقريبا تقدر تقول مصلفح او صنديحه
والنثيه راسها اصغر ودائري مدور
والمنقار الذكر يكون ضخم
اما النثيه منقارها رشيق
بس كل اللى قلته لك لازم يكون عمره الكاسكو سنه ونص واكبر
ما يصير اقل من سنه ونص ما يبين الا بال DNA او المنضار
وترا سن بلوق الكاسكو من 3 سنوات لى 5
وذا انت ناوي تفرخ اخذ كاسكو عمره 10 سنين يكون بعز شبابه وقوته
ول تاخذ كاسكو حده ربوه ولا كاسكو للى من يشوفك يجعر
خذ الوسط اللى ما يخاف منك ولا يكون ربوه
ولا تحطهم بقفص كبير ماراح يفرخون
حطهم بقفص
طوله 120 سانتي
وعرضه 80 سانتي
وارتافاعه 120 سنتي
وحط عشهم فوق على لقفص على جنب من الداخل طبعا

والعش مالهم على شكل حرف ال L بس يكون خشب متين عشان لا ينتفونه
مثل هالصوره
http://www5.0zz0.com/2008/10/17/15/646430259.jpg
وابعاده
الارتفاع 60 سانتي
الطول 60 سانتي
والعرض 30 سانتي
بس لبسه شبك محاكر من الداخل تحت الباب عشن يتسلقون ويطلعون ويدشون على راحتهم
لان الخشب املس صعب عليهم يتسلقونه
واهم شي تخليهم على راحتهم
مو كل يوم يايب الفريج ومسويه مسرح
مره باليوم تعطيهم اكل وماى وبس تنساهم ووخر عنهم اليهال
واهتم بالاكل مو بس حب شمسي
فواكه وخضروات بكل انواعها
بيض فول فاصوليا حمص
ويستحسن تحط عليهم زيت النخل لان يقولى الخصوبه عندهم
وتحط لهم ضهر خثاق وتحط كالسيوم بالماي تلقاه عند اى صيدليه

هذا الموضوع منقول للأفــــادة واللة اعلم

دعواتكم لنا

مع تحياتي اخوكم كاسكو 1000