منتديات تو زوو - وداعا ... كوكي

[IMG]http://www.2zoo.org/get-8-2009<font ...g_f64ucm98.gif[/IMG]

مساء الخير ..أو,صباح الخير والورد على الجميع

اصعب حاجه لما تتعلق .. بأي حاجه انسان او حيوان .. تكون اصعب لحظات

هذي العلاقه .. هي الوداع .. وهذا اللي صار معي ومع كوكي

كوكي ... طيري المحبوب فرخ دره اشتريته من يوم عمره 45 يوم

تعلقت فيه .. كانه ولدي او اعز حاجه املكها .. كل اللي اقدر

اقوله اني بأذن الله عملت كل حاجه تسعده وتعوضه عن حنان الام

لان حنان الام في الانسان والحيوان لايختلف بشكل كبير ولايمكن تعويضه بسهوله

اولى اللحظات لما صممت على اقتناء الفرخ طبعا ولاجديد عن طريق سوق منتدانا الحبيب

وعن طريق اخوي .. سامبل تيود بالخصوص ولله الحمد حصلت على الفرخ ..

وهذي اول لحظات وصوله للمنزل ..:(

[IMG]http://www.2zoo.org/get-8-2009-2zoo_org_gfzcbegz.JPG[/IMG]
كانت من اسعد اللحظات,, اللي مريت فيها اول مره امتلك فرخ لم يعتمد على نفسه .. لافي

الطعام ولا الشراب ,, استمرت الايام وعدة الاسابيع الى وصلنا لشهر ونصف خلاص قام يعتمد

على نفسه .. ويطير . ويعض بعد :o .. من يومه صغير ومبين انه واثق في نفسه

وهذي الصوره له بعد ماطار واعتمد على نفسه (سن المراهقه ;))
[IMG]http://www.2zoo.org/get-8-2009-2zoo_org_gkfl6urm.JPG[/IMG]

نرجع لحكايتنا .. مرت ثلاث شهور والطير روعه يصفر ويشكل ويلعب وانواع الخرابيط في الكلام

وياما كلينا عضات .. لكن الولد مايعرف المثل اذا كان حبيبك عسل لاتلحسه كله.:)

صور هالمرحله ,,,,

[IMG]http://www.2zoo.org/get-8-2009-2zoo_org_qhg38kd2.JPG[/IMG]

وبدت فصول رواية .. كوكي تنتهي تعرفون لما كمل خمسه شهور ونص عندي

جات فترة الاجازه الصيفيه وكنت مضطر اسافر وكوكي عند مين .. فحطيته عند احد اصحابي

اللي اثق فيهم .. سافرت وقلبي وتفكيري معاه..(ماعليش ممكن بعض الشباب يقولون هذا مجنون

متعلق بحاجه تسوى تراه طير لاراح ولاجاء لكن اللي ماعاس مثل هالتجربه ماراح يستشعر روايتنا)

وهذي اخر صوره له قبل مااعطيه صاحبي واسافر...

[IMG]http://www.2zoo.org/get-8-2009-2zoo_org_iiq97rpj.JPG[/IMG]
من يوم سافرت وانا كل يوم اتصالات الطير يااكل ويشرب تمام.. اول اسبوع ماصفر ولاطقطق ولاشي ...

الاسبوع الثاني صفر كم مره ويرقص ومن هالقبيل .. طبعا وانا رايح كنت حاجز فرخ كاسكو

انتاج محلي .. ولما رجعت من السفر ومعاي فرخ الكاسكو.. كلمت الرجال على اني باخذ كوكي
قال اوكي ... قلت انا خلاص اتقابل انا وياك بكره والعجيب ان كوكي كان يصفر لما كلمني

الرجال ومافيه شي .. لكن مرت الساعات وانا مشتاق اشوفه لما رحت اتقابل معاه في المكان المتفق عليه..

الرجال مايرد ... وتاخر نص ساعه ولما رد قال انا قريب .. وصل وسلمت عليه

وكذا والرجال احس ان فيه شي .. قلت له وين كوكي .. قال انا وجهي اسود منك

قال والله العظيم اليوم معطيه اكله الظهر ويصفر ويرقص ومافيه اي شي.. لكن لما جيت

العصر اخذه لقيته في هذي الحاله ... ومبين انه ميت من امس.. مع ان الطير سليم

ولافيه اي حاجه .. سبحان اللله.. كانت صدمه لكن كل شي مقدر ومكتوب

الرجال سلم لي مبلغ مالي .. في يدي عشان يعوضني وهو ماهو مجبور

لكن رفضت لان كل شي مقدر ومكتوب ... والرجال ماله ذنب

ممكن أطلت عليكم في الكلام .. وسرده ., لكن ماعبرت به

مشاعر صادقه,, نابعه من تجربه عشتها مع كوكي ,, لين وصل للي شفتوه

والله يبارك لي في .. سيكو (الافريقي الكتكوت عمره 3 شهور)

مر من هنا .. فارس مجهول