الافريقي حقيه فيه سهال ( اكرمكم الله ) وش الحل ؟
 

السلام عليكم

هلاوالله وش اخباركم

طبعا هو افريقي مصيود عمره تقريباً بين 7 الي 8 شهور المهم امس شريته الحمد الله

المهم اليوم الاحض عليه انه جاه فيه اسهال ( اعزكم الله )

وش الحل ؟

ثاني شي الباعني اعطاني مضاد حيوي معه اسمه ( ampicol ) هو عباره عن بودره احط نص ملعقه صغيره مع المويه حقته وتتحول لونها اصفر

الشي الثاني الحض عليه انه يفتح فمه كنه عطشان وش الحل ؟

وجزاكم الله خير

رد: الافريقي حقيه فيه سهال ( اكرمكم الله ) وش الحل ؟
 

والله حقيقة المفروض أول ماشريت وعرفت أنه مصيود أول شي تودي للبيطري
وتقول يفتح فمه هذا تعبان وفيه شيء بالتنفس أخوي أستعجل عليه ووده
بيطري ممتاز يقولن بالرياض في بيطيري بواحة الحيوان وده له بسرعه قبل لايصيرله شيء لا سمح الله

رد: الافريقي حقيه فيه سهال ( اكرمكم الله ) وش الحل ؟
 

هلابك ياغالي

شوف الطير يفتح فمه ويلهث بسرعه في ثلاث حالات والله اعلم

1- قله الماء او عدم توفره نهائيا

2- الحراره الزائده بالجو عن احتمال الطائر

3- مرض في الجهاز التنفسي للطائر

طبعا الاخير هو اخطرها واشدها فتك بالطيور لصعوبه علاجه واغلب الامراض التنفسيه تؤدي الى الموت في ظل تدهور العنايه البيطيريه لدينا

بس طالما تقلي انه معاه اسهال اذن الطائر يلهث من العطش لإن الاسهال المستمر يقضي على سوائل الجسم ويسبب الجفاف

نصيحتي لك تحديد نوع الاسهال بناء على لونه ( اخضر - ابيض ) ونقل المعلومات للعيادات البيطيريه

فيه قطره صغيره ايطاليه ناسي اسمها والله ممتازه اعتقد تحط له نقطتين في الماء وبحول الله تتحسن حالته ( واذا رحت للعياده قله ابي القطره الايطاليه المضاده للاسهال وان شاء الله تلاقيها )

وعموما الببغاوات المصيوده حصانتها ومناعتها اقوى وان شاء الله ياتباع الدواء المناسب ترجع صحه طيرك بسرعه

والله اعلم هذا الي عندي والاخوان ان شاء الله مايقصرو معاك

رد: الافريقي حقيه فيه سهال ( اكرمكم الله ) وش الحل ؟
 

آلله يقومه بالسلامه لك

رد: الافريقي حقيه فيه سهال ( اكرمكم الله ) وش الحل ؟