|
ممكن مساعدة - ارجو الدخول بليييز
السلام عليكم ورحمة الله وبركاتة :)
الحمدالله امي وابوي وافقو على القطوة :D لاكن امي صارت غريبة هالايام :confused: صايرة تحب القطاوة وراضية 100% على القطوة مع العلم انة امي قبل كانت تكرة القطااااوة واااااايد اكثر من ابوي :D وانشاءالله باشتري قطوة في العـيد :) المهـم ............................ قبل ماشتري قطوة ابيـكم تجاوبوني على الاشياء اللي ماعرفها عن القطط بلييز اخاف لو شريتها اتورط معاها بعدين بتصير مشكلة :( ارجووكم ياللي عندهم قطاوة ساعدوني 1 - هل الحليب يسبب اسهال للقطط ؟ 2- اذا شريت قطوة وكنت ابي اطعمها كم تطعيم اطعمها ؟ 3- سمعت انة الشامبو الخاص بالقمل ينفع لقتل البراغيث , فهل هاذا الكلام صحيح ؟ 4- لو شريت قطوة شلون احميها من الفطريات ؟ - ارجووكم عاد هاذا السؤال في غاية الاهمية :( 5- هل شامبو نيـزورال يمنع الفطريات ؟ 6- شنهي فايدة شامبو نيـزورال على القطط ؟ 7- باشتري قطوة عمرها 7 شهور او 80 او 60 شهور فهل يصلح اني اطعمها وهي كبيرة ؟ ارجووكم ساعدوني الله يجزاكم خير :) تحـياتي ;) ارجووكم ساعدووووني |
رد: ممكن مساعدة - ارجو الدخول بليييز
آهلا اختي خبيره ،، شوفي بقولك شغله بخصوص امج لما شافت القطه حركاتها وبرائتها صديقيني تتغير كليا امي ماتكره القطط بس كانت رافضه اني اجيبها للبيت لان بصراحه ماكو مكان لها ولما جبتها صارت تمسح عليها وتسولف عليها وتلاعبها وحتى مرات تسالني عطيتيها اكلها ولالا :) لانه شكلها سبحان الله يدخل القلب لما تلعب او لما شكلها وهي نايمه احس في المخلوق بريئ والحمدالله انها تغيرت نظرتها للقطط . . اقتباس:
اهو كثرته مالها اي لزمه للقطط خصوصا بعمر لـ 4 شهور وفوق يعني تقليل منها عادي مثلا تكون وجبه الفطور عادي بس مو دايما الحليب لانها فطمت الحليب يعني ماتحتاجه نهائيا اقتباس:
اهما " 3 " تطعيمات التطعيم الرباعي او FVRCP: للحماية من 4 امراض...: rhinotracheitis, calicivirus, panleukopenia and chlamydia التطعيمات عند 8..12..16 اسبوع من العمر...وجرعة تنشيطية سنوية.. RABIES virus او السعار: ابتداءا من سن 4 شهور ومش قبل كذه...الجرعة الاولية يستمر مفعولها لمدة سنة واحدة وبعدين كل جرعة تنشيطية booster dose يستمر المفعول 3 سنوات.. FELV vaccine: اسمه Feline leukemia vaccine للحماية من leukemia virus.. الدفعة الواحدة على مرتين الفرق بينهم من اسبوعين الى ثلاثة اسابيع.. ويبدأ اعطائها عند 10 اسابيع من العمر او اكبر مع جرعة تنشيطية سنوية.. الجدول التطعيمي للقطط: 8 اسابيع:الجرعة الاولى من FVRCP و FELV TEST 10 اسابيع:الجرعة الاولى من FELV.... 12 اسبوع:الجرعة الثانية من FVRCP.. 13 اسبوع:الجرعة الثانية من FELV. 16 اسبوع:الجرعة النهائية من FVRCP وتطعيم ال RABIES ملحوظة:ال FELV TEST اخبار يجرى لتطعيم ال FELV وعند اي سن للقطط. ملحوظة 2:عدم اعطاء اي قطة اصغر من 16 اسبوع تطعيمين مع بعض في نفس الوقت. القطط البالغة: لو كانت قطتك كبيرة في السن ولم تعطها اي تطعيم.. -جرعتين من FVRCP مع 4 اسابيع بينهما. -جرعة سنوية من الRABIES. -FELV TEST. -جرعتين من ال FELV مع 2-3 اسابيع بينهما. . . اقتباس:
بصرآحه ماسمعت فيه لانه في ادويه خاصه وشامبو والعلاج الريفلوشن فعال جدا لقضاء على البراغيث اقتباس:
طبعا التمشيط اليومي لشعرها اخارج القطه الى الشمس في الصباح الساعه 8 - 9 او قبل مغيب الشمس يعني الساعه 5 العصرُ وتشترين " شامبو نيزروال " وتحممين القطه اسبوعيا ااو كل اسبوعين مره وتخلين الشامبو بالجسم لمده " 5 " دقايق فقط وبعدها يزال الشامبو اهو ميزه النيزروال " يخفف من تساقط الشعر ويكون وقايه من الفطريات + رائحه حلوه للجسم . . اقتباس:
انا افضل الشهرين او 3 شهور حتى توها تكون القطه فطمت الحليب وتقدرين تسيطرين عليها وتعلمينها الطرق الي تبينها علشان تتعود لما تكون بـ 8 او 7 شهور تكون كبيره شوي يبيلها وقت تتعود اذا ماطعمت اي عادي تطعم حاله حال الي بعمر الشهرين وموفقه يارب |
رد: ممكن مساعدة - ارجو الدخول بليييز
هلا فيج ! هاوية الطيور ! ;)
مشكوووورة على المعلومات المفيدة ومااااااااااتقصرين :) وشكرا على ارشادي عن كيفية القضاء على الفطريات :D امي راضية لاكن ابوي نص :confused: لو عرفو عن كيفية القضاء على الفطريات اكيد بيشترولي :p ومشكورة يا ! هاوية الطيور ! على المعلومات :) طلعتيني من مشكلة الفطريات :o تسلمييين يالغاليـة :p |
رد: ممكن مساعدة - ارجو الدخول بليييز
اقتباس:
1 - اي من بعد الشهرين مو ضروري .. بس اذا انتي حابه تعطينها بين فتره وفتره .. يكون مخفف بماي وقليل الدسم او منزوووع الدسم 2 - وديها للبيطري وهو بيعرف .. تقريبا هم 3 تطعيمات .. تنعطى للقطوه سنويا 3 - ماااعرف بصراحه 4 - التعريض لاشعه الشمس + التمشيط اليومي عشان ماتصاب بتكتلات لان التكتلات ممكن تسبب فطريات + التحميم بشامبو نيزورال + لاتخلين عليها الطوق او الملابس لمده طويله .. لان بكذا جسمها بينكتم وممكن تصيبها فطريات + تحافظين عليها بانج ماتخليها تختلط بأي قطوه الا وانتي ضامنه صحتها .. بس والباقي على الله 5 - يساعد في منعهاا لان ينظف الجسم ويحميه من الأمراض الجلديه 6 - نفس جواب 5 7 - بهالعمر غالبا تصير القطط مطعمه .. فـ لما تشترينها تأكدي من صاحبها لو مطعمه او لا عشان لو مو مطعه تطعمينها انتي و اي عادي مو مشكله انا عندي قطوه طعمتها بعمر 7 شهور تقريبا .. بس طبعا يفضل التطعيم من عمر الشهرين عشان يقيها ويحميها من كثير أمراض وبالتوفيق غلاي |
رد: ممكن مساعدة - ارجو الدخول بليييز
هلا وغلا يا sisi_moon :)
مشكوووووووورة يالغاليـة على المعلومات انتي و ! هاوية الطيور ! :rolleyes: اي والله صدقتي بقولج : سبحان اللي يغير ولا يتغير :p الحمدالله انا ادل وين البيطري عندنا في قطر وعندي اعلان دكتور بيطري زيارات منزلية وباطعمها في البيت :o مشكورة sisi_moon على المساعدة جزاج الله الف خير يارب , الله يخلي لج قطاوتج يارب :) وننتضر باقي الاعضاء :o . |
رد: ممكن مساعدة - ارجو الدخول بليييز
, , اقتباس:
اقتباس:
اقتباس:
اقتباس:
ومآتخلينهآ تتخآلط مع قطط الشوآرع >.< اقتباس:
اقتباس:
اقتباس:
موفقهـ حووبي .. |
رد: ممكن مساعدة - ارجو الدخول بليييز
هلااااا والله pinky :D
مشكوووورة على المعلومات المفيدة وباين عليج خبيرة للقطط :rolleyes: تسلمين يالغلا :) تحياتي :) ------------------------------------ ننتضر ردود باقي الاعضاء :o ------------------------------------ |
| جميع الأوقات بتوقيت GMT +3. الساعة الآن 04:02 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو