|
تكفون ساعدوني طيري مادري شفيه ,.!
السلام عليكم
ياجماعه الخير طيري مادري شفيه !! انا توني شاريه من يومين واهو افريقي فرخ عمره يمكن 10 شهور .. الطير الله يسلمكم ما اشوفه ياكل كلش ما احس انه قاعد ياكل نهائيا بس اليوم الصبح ماكل شي بسيييط .. غير هذا ما اشوفه يتحرك بالقفص نهائيا وانا اليوم انصدمت منه طلعته من القفص ابي اقرب منه عشان مايخاف ويخف الجعير منه ووقفته على ايدي وقف عاديي وسكت بعدين طار مني ودعم الطوفه !! استغربت ورحت شلته مره ثانيه جان يطير ويدعم الطوفه الثانيه !! وبعدها رجعته للقفص وانا منصدم منه مع انه الطير وايد فطين وباله معاه يعني اي حركه يلتفت ويخاف من الايد حييل يعني مستحيل احط ايدي عنده ويعطيني ظهره وهالشي طمني انه النظر عنده اوكي .. مادري شنو السبب اللي يخليه يدعم الطوفه !! ياليت تفيدوني ؟؟ وثاني شي الطير ضعيف وودي اخليه يسمن شويه وماني عارف شلون احطله فواكه طبيعيه مو راضي ياكل ومشكله ثالثه الطير في على منقاره وصخ من خشمه ومادري شكله قديم بس مادري شلون انظفه وهو ما يرضى اقرب ايدي منه نهائيا وماني عارف اذا اهو منشول الحين ولا لا ومرات الطير يرجف شويه ويوقف عادي ؟ هل هالرجفه طبيعيه ؟ شكرا واسف على الاطاله |
رد: تكفون ساعدوني طيري مادري شفيه ,.!
اول شي تحط الطائر بمكان يحس فيه بالامان
يعني ارفعه عن الارض من متر ونصف الى مترين ونصف ومستحيل الطير راح ياكل قدامك الحين اول ما تبعد عنه وتخليه بروحه راح تسمعه انه ياكل وبشراهه لانه خايف منك ما يدري وش راح تسوي فيه اما بالنسبه للوسخ الي في منقاره ياريت تصوره واذا كان زي البودره البيضاء فهذي عاديه لانه ينظف ريشته وهذا من الريش تسمى قشره وهو يعطيك ظهره ويدعم الطوفه ع كلامك هذا من الخوف منك يبي يهرب منك باي طريقه اما الرجفه هذي من الخوف بس صدقني حطه في مكان مرتفع بحيث اذا وقفت جنب القفص تقدر تشوف المعالف الي فيها الاكل والمويه وخله لين ياخذ ع المكان ويرتاح بعدين ابدأ معه التمرين واقرأ المواضيع المثبته راح تستفيد كثير |
رد: تكفون ساعدوني طيري مادري شفيه ,.!
يمكن يكون تعبان يا غالي
حاول بأسرع وقت تعطيه ربع أو نص ملعقة عسل في الماء وحبة بركة مطحونة,,, واخلطهم واسقيه,, إذا تقدر تسقيه بالقوة عن طريق الحقنة أو الملعقة يكون أفضل,, وتأكد ان الماء نظيف, يعني ماء معبأ في المصانع,, ربي يحفظه لك ويحميه ما أبغى أخوفك لكن لا تتهاون في حالته يا غالي,, ربي يوفقك تحياتي |
رد: تكفون ساعدوني طيري مادري شفيه ,.!
كلامك صحيح انا حطيته الحين في مكان مرتفع و قاعد بالغرفه اللي جنبه وقاعد اسمع صوت الحب اللي بياكله :D وطلعت بره الغرفه وشافني من بعيد ووقف شويه ورد كمل اكل لكن بحذر كل شوي يرفع راسه يشوفني بس مادري شفيه مايصفر نهائيا بوجودي وعدمه ماله حسس بتاتا
وانا جبتلكم كم صوره وابيكم تشوفونها وتشخصون حالته الله يجزاكم الف خير لانه ماني عارف اذا هو فيه سهال وانتو بكرامه او انه خروجه طبيعي جذي ؟ وفي طقه بسيطه براسه ومبين انه جرح قدييم لانه ماكو اثر لدم بس مادري هل تأثر على صحته ؟ وشوفو المنقار واللي عليه هذا من النشله ولا وصخ عادي والجنس اتوقع انه انثى مبين ناعمه ومزيونه ;) هذي صوره صدر الطير وعلموني اذا صحته جيده ولا لا ؟ http://up4.m5zn.com/9bjndthcm6y53q1w.../rpt6tmp61.jpg وهني مبين الوصخ اللي على منقارهhttp://up4.m5zn.com/9bjndthcm6y53q1w.../ehaebkpvo.jpg الطقه واضحه فوق عينه اليمنىhttp://up4.m5zn.com/9bjndthcm6y53q1w.../zr3hibljq.jpg وعزكم الله هذا خروج الطير مادري فيه سهال او هذا طبيعي ؟ يمكن بالصوره مو واضح لكن مرات خروجه ناشف على شكل كره والاغلبيه سائل http://up4.m5zn.com/9bjndthcm6y53q1w.../notcbakyb.jpg |
رد: تكفون ساعدوني طيري مادري شفيه ,.!
وينكم يا شباب ليش فوق ال 70 شايفين الموضوع ولا احد راد !! فيدنا الله يجزاكم خير
|
رد: تكفون ساعدوني طيري مادري شفيه ,.!
عزيزي (الوصخ الي على المنقار) ما اتوقع انو من خشمه .. حاول تعتني بالطير اكثر .. ونظف القفص بشكل يومي
|
رد: تكفون ساعدوني طيري مادري شفيه ,.!
من ناحيه الجسم والصحه والريش في احد يفيدنا ؟
|
| جميع الأوقات بتوقيت GMT +3. الساعة الآن 01:00 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو