|
ساعدوني قطتي نفسيتها تعبانه وما بتاكل
السلام عليكم سؤال إذا سمحتم أنا قططتي ما تزوجت لها خمس سنوات ووديتها تتزاوج لمن جاتها فترة التزاوج 6 أيام وأظن ما تم التزاوج لإنها ما حملت فلمن طلبت التزاوج تاني وديتها خمس أيام بس لمن رجعتها نفسيتها تعبانه وما بتاكل زي أول أكلتها مرررره قلت وحركتها ولعبها مرره قل هل هذا بسبب إنه تم التزاوج لإن المره إلي فاتت جلست فتره أطول بس لمن رجعتها كانت طبيعية بس هذي المره متغيره وما تاكل كثير لها يومين هل هذا لإنه تم التزاوج وفي سن كبير لإن عمرها تقريبا خمس سنوات وهذي أول مره لها وكيف اخليها تاكل وترجع زي الأول ؟ممكن تفيدوني جزاكم الله خير |
رد: ساعدوني قطتي نفسيتها تعبانه وما بتاكل
اهلين اختي
كم صارها لما وديتي لها عند الذكر ممكن لما في بدايه الحمل تتغير نفسيه القطه بعد تكون الاجنه في البدايه تقل اكلها بعدين في الاسبوع الرابع تنفتح الشهيه للقطط . . والأكل خليها عندها ولما تجوع راح تاكل . . وإن شاء الله تكون حامل |
رد: ساعدوني قطتي نفسيتها تعبانه وما بتاكل
أنا وديتها مرتين مره قبل شهر والتانية قبل يومين في المره الأولى رجعت عاديه ونفسيتها كويسه بس المره هذي رجعت نفسيتها تعبانه ومو راضيه تاكل بس مني عارفه هي حامل من المره الأولى ولا لا بس لمن طلبت التزاوج تاني وديتها
|
رد: ساعدوني قطتي نفسيتها تعبانه وما بتاكل
اختي لما القطط تطلب التزاوج
مو 5 ايام كافي علشان نرتاح ونتاكد انها بااذن الله حامل يفضل تركها لـ الذكر على الاقل اسبوعين المره الاولى مااظن حامل دام طلبت التزاوج مره الثانيه وبعدين لام الذكر يكون فوق السنه على الاقل بعض الذكور تطلب التزاوج في سن 10 شهور وبس مايلقح زين ابد ولا تحمل الانثى بس دام نفسيتها تعبانه وتغيرت كلياً القطه ممكن تكون هذي بدايه حمل . . ملاحظه المفروض لما تبين تزاوجينها المفروض الذكر يجي للانثى مو الانثى تروح للذكر لانه لما تودينها المحلات نفسيتها تتغير حتى وفي حاله الشبق ترفض الذكر بسبب المكان الغريب بعض الاعضاء اشتكو قططهم بالاشهر راح للمحلات في التزاوج ولا حمل ولا صار تزاوج بسبب الحاله النفسيه لما غيرتي المكان اما الذكر لما تجيبينه افضل كلها اسبوعين ويتعود |
رد: ساعدوني قطتي نفسيتها تعبانه وما بتاكل
صراحة صدقتي والله من جد القطه نفسيتها تتغير وتتعب لمن بيتغير المكان وكمان لمن تبعد عن المربي أو المربية حقتها وكلامك صح لإن أفتكر فترة التزاوج من 10 إلى 15 يوم بس عمر الذكر والله ما أعرف لكن إذا ما طلعت حامل هأنتبه لهذا الموضوع وأأكد إن يكون الذكر كبير أكبر من سنه http://www.hotagri.com/data/media/73/30.gif |
| جميع الأوقات بتوقيت GMT +3. الساعة الآن 08:04 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو