|
ارجو الافادة اعزائي .. طيري طبيعي ولا ريوله مكسوره ؟
السلام عليكم ورحمة الله وبركاته
اخواني من يومين شريت كاسكو بنت طبعا ..(لانه الحلقه اللي في ريولها فضيه) ماشاء الله عليها تاكل من يديني وتشرب ماي من يديني بعد ... وهاديه جدا.. واكلها طبيعي ... عمرها خمس شهور واسمها كميله هههههههه وهذي صوره لها http://img266.imageshack.us/img266/1300/dsc00154h.jpg بس اللي لاحظته ..انها يوم توقف عالستاند ... تتكىء علي رجل وحده ... ويوم تتحرك في قفصها وتتسلق ..تستخدم رجل وحده والرجل الثانيه حق الاتزان فقط. ما تضغط عليها. ملاحظه .. الرجل اللي خايف انها تكون مكسوره فيها حلقه .... هل هذا من الحلقه ؟ ولا لا علي فكره ...يوم تحك راسها بسرعه تستخدم رجلها اللي فيها حلقه(اللي اشك انها مكسوره) ... يمكن هذا دليل انه مافي كسر اللهم انها مب مرتاحه من الحلقه هل حد منكم يعاني من هالمشكله ._. والسموحه |
رد: ارجو الافادة اعزائي .. طيري طبيعي ولا ريوله مكسوره ؟
ملاحظه ... انا ما استحدم هالسلسله اللي في الاستاند وايد ... ..بس يوم انام عشان ما تسير مكان بعيد في البيت..
|
رد: ارجو الافادة اعزائي .. طيري طبيعي ولا ريوله مكسوره ؟
اول شي اخوي المعلومه الي عندك غلط بخصوص الحيل الفضي
اخوي الحيل الفضي او الذهبي هذا مو معناته انه ذكر او انثى هذا نوع اتميز فيه الشركه وثاني شي اخوي اخذها حق البيطري خل يلمس رجلها اهو راح يعرف اذا مكسوره او لاء وثاني شي هذا النوع من السلاسل انا استخدمته وبعدها تركته لانه يكون ثقيل على رجل الكاسكو |
رد: ارجو الافادة اعزائي .. طيري طبيعي ولا ريوله مكسوره ؟
ماشاء الله
اتوقع انه الثقل فى رجلها من الحلقه |
رد: ارجو الافادة اعزائي .. طيري طبيعي ولا ريوله مكسوره ؟
ماعتقد ان رجل الطير مكسورة لان الطير لما تنكسر رجله يمتنع عن الاكل ويكون هادي ويبتعد عن الحركة وتحس لما تشوفه انه مريض ..
|
رد: ارجو الافادة اعزائي .. طيري طبيعي ولا ريوله مكسوره ؟
وديته عند عيادتين
العيادة الاولى الدكتور شاف مشيته ..ما سألني كيف البراز ماله و ما سألني عن الاكل هل هوه ياكل ولا لا ...وقال لي : الكاسكو مالك فيه سالمونيا... :( ... وخمسه بالميه يعيش ... شليته وديته عيادة ثانيه... العيادة الثانيه قالولي يمكن متألم في رجوله .. راويتهم صورة البراز قالولي طبيعي . علي فكره ..البراز علي شكل خيط اخضر في كتله من السائل الشفاف .. بس البراز الاخير اللي شفته في الكاسكو كان خيط اخضر متوسط العرض .. في كتله من السائل الاصفر المهم... عطتني العيادة بودره احطه في الماي كل يوم نص ملعقه... وعطتي ايضا دوا شراب كل يوم مره لمدة ثلاث ايام ...وظربوه ابرتين في رجوه ._. بغيت رايكم اعزائي ..الله يعلم اني شكثر محتاج لكم... هل برازه طبيعي ؟ ممكن تفيدوني تعبت من كثر ما احاتيه بصراحه .. والسموحه |
رد: ارجو الافادة اعزائي .. طيري طبيعي ولا ريوله مكسوره ؟
اعزكم الله ...
|
رد: ارجو الافادة اعزائي .. طيري طبيعي ولا ريوله مكسوره ؟
العيادة الثانيه ظربته ابرتين في ريوله ****
|
رد: ارجو الافادة اعزائي .. طيري طبيعي ولا ريوله مكسوره ؟
مشاءلله طيرج جميل اما بخصوص الرجل السلسلة هي السبب الحركة الثقيلة وثاني شي تسبب الجرح في رجل الكاسكو لنه طيري كان نفس الشي كنت احطلة السلسل بس علشان ما يطير من بعد مالاحضت انه قام مايمشي عدل شلت عنه السلسلة ولاحضت جروح بسبب السلسلة 2 اما بخصوص البراز كرم الله القارئين الاسهال مايجية الى من البرد او من اكل الفواكة او من السريلك اما بخصوص البودر هي مجرد مضاد حيوي وعلى فكر ليغرج البيطرين الي في الشارجة مالهم خص في الطيور حدهم القطط او الخرفان هذا الي فالحين فيه انا جربت وتعلمت من اخطائهم من بعد ماماتو طيرين هوم بس فاللحين يقولون على طول فيه سالمونيا. اما الدوا الثاني ماذكرتي شو اسمة علشان اعارف شو فايدته نصيحة خليه بعيد عن المكيف2 مرتين في الاسبوع عطيه فواكة 3 شيلي عنه السلسلة وتقبلي مروري
|
رد: ارجو الافادة اعزائي .. طيري طبيعي ولا ريوله مكسوره ؟
تسلم الشيخ علي ردك ...وياك حمدان من الشارجه ...
بخصوص الدوا الثاني ... ماعرف شو اسمه والله بس اتوقع هوه مانع للاسهال ماقصرت في نصايحك وشكرا الشيخ |
| جميع الأوقات بتوقيت GMT +3. الساعة الآن 05:16 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو