منتديات تو زوو - بعض الاسئلة عن الايجوانا

اقتباس:

المشاركة الأصلية كتبت بواسطة Mr.Mazon (المشاركة 944298)

س: هل الايجوانا تعض ؟

الايغوانا كتيير لذيذه وهي بتكون مسالمه وكتييير اليفه ادا تعودت على الايدين والملاطفه, بس باولها ممكن -مش شرط انو أكيد- تعض بحالتين:
- ادا ما بتمسكها بفترات ئريبه لتتعود, رح تحاول انو تعضك ادا حاولت تخرجها من القفص.
- ادا بتمسكها بطريئه اللي اتضايقها وبتحاول لتتهرب وهي بين ايديك,, وبهايا الحاله لازم تتغلب عليها حتى تهدا. :rolleyes:

اقتباس:

المشاركة الأصلية كتبت بواسطة Mr.Mazon (المشاركة 944298)

س: هل يجب وضعها في ماء لفترة معينه (شفت مقطع باليوتيوب يحطونها في الماء)؟

الايغوانا بتحب السباحه والغوص كمان, وبيساعدها بفترة تغيير الجلد وانسلاخه وبعد لمن تعمل حاجياتها بالمي, ممكن انو تحطها بوعاء مي فاتره لتسبح كل بالاسبوع مره او مرتين يعني مش اكتر من نص سيعه.

اقتباس:

المشاركة الأصلية كتبت بواسطة Mr.Mazon (المشاركة 944298)

س: ما انواع الاكل الي تاكلها (انا احطلها جزر)؟

ممكن تشكلها خضار وفواكه جزر, بطاطا, خيار, كوسا, عنب, خوخ, تفاح, انجاص, توت, كيوي.. ومرتين بالاسبوع بتضيف على اكلها فيتامينات وكالسيوم, وادا ما عندك بتعطيها الاكل اللي فيو نسبه عاليه من الفتامينات حتى ما يصير عندها هشاشه بالعظام.
وبالرغم من انو انو عندها اسنان حاده, بس بس ما بتستعملها لتلوك الاكل وتمضغو, فبتبلعو كامل, من هيكا حاول انو تقدملها اياتو مبروش ناعم. ومفضل انك ما تعودها على انو توكل من ايديك الا من الوعاء. :D

اقتباس:

المشاركة الأصلية كتبت بواسطة Mr.Mazon (المشاركة 944298)

س: انا مربي بسسه في البيت ويوم تشوفها تفزع منها الايجوانا (هل من الممكن ان تصبح الايجوانا زاحف شرس في هذه الحالة)؟

الايغوانا كتيير خوافه وحذره, وبالاخص انها بعدها مش متعوده على اهل البيت كيف الحيواناات, بهايا الفتره ما تخلي البسه تتعرضلها لانو الايغوانا ممكن تعصب وتضربها بذيلها, اتركها فتره اول لتتعود عليك انت وتكسر حاجز الخوف هادا, وعنشان تتغلب عليه بسرررعه اطلعها من القفص عدة مرات لتكتشف وتتعرف وكمان تتعود على اللي حواليها.

اقتباس:

المشاركة الأصلية كتبت بواسطة Mr.Mazon (المشاركة 944298)

س:لاحظت اليوم وجود بقع خطراء داكنه فوق راسها (كما في الصورة ) هل هذه مشكلة ؟

انت حكيت انك حاططلها لامبه 70 واط, يعني انت بتضويلها اياها؟؟ :eek:
يمكن انك مخليها واطيه للامبه وهي سخنه ئربت الايغوانا راسها عليها وحرئتها/كوتها وعملت هايا العلامه!
اشي تاني انا بهايا الفتره ما بحببها اللامبه للزواحف حتى لو كانو جوات البيت غير بالشتا, لانها بتحتاجها بفصل الشتا اكتر لتدفيها وتعوضها عن اشعة الشمس, بس ما بظن انك حاططها بغرفه مظلمه وبااارده, ماكسيموم حطها جنب الشباك شوي وبعدين بترجعها محلها,

اقتباس:

المشاركة الأصلية كتبت بواسطة Mr.Mazon (المشاركة 944298)

ويريت يا اخوان بعض النصائح عن كيفية مسكها لاني صراحه اخاف عضتها تعقد من الثعابين

مفضل انك تمسكها بيد وحده, ولازم تستعمل بالايدين التنتين - بيد بتلتئى بطنها وبتمسكو من تحت وبالتانيه بتمسك الذيل, وانتبه لاظافرها ادا مسكو بالملابس لانهن ممكن انو ينكسرو او ينقلعو ادا حركتها وهادا رح يؤديها. ادا حاوولت انو تهرب بين ايديك وتتحرك بسرعه ما تتركها او ما تمسكها من ذيلها لحالو وترجعها على القفص, حتى لو عضتك (مش صعبه بس ما تسحب ايدك من فمها بسرعه وهي بتتركها) حاول انو تهديها وتلاطفها لانو ادا رجعتها رح تصير هي تفكر انو كلما هي بتتحرك وبتؤديك رح ترجعها عالقفص, وهي لازم تتعود على انو انت بترجعها بمزاجك ومش بمزاجها, وادا راقت اتركها انو تطلع على ايديك بحريه!! اوئات ممكن انك تضطر تعيد هايا الخطوات مره تانيه بتصبر وبتعملها, ومع الوئت بتتعود وبتصير احسن :)