|
شاريه شاريه الله لايعوقني بشر
السلام عليكم جميعاً أغلبكم قراء موضوعي السابق عن درتي ( بعد 9 شهور لوحدها باضت بيضه ) مشاء الله عدد المشاهدات كان 276 المهم أنا عزمت أخذ لها ذكر بأذن الله بــــــــــــــــس حبيت اعرف ماهي المواصفات المطلوبة لشراء الذكر المناسب لدرتي مع العلم انو درتي أليفه جداً معي أنا فقط وعمرها تقريباً حول السنتين قد تزيد قليلاً أو تنقص بارك الله فيكم جميعاً ... |
رد: شاريه شاريه الله لايعوقني بشر
لازم يكون عنده خبرة خمس سنوات في نفس المجال,,,
ويكون خريج السنة الحالية <<<< هههههه أمزح أهم شي يكون كبير في العمر شوي,,, يعني سنتين وفوق,,,, وريشه نظيف وكامل,, وصحته جيدة,,,, وحاول قدر الإمكان تشتري واحد ما يكون خواف كثير من الناس,, يعني يا أليف يا نص أليف,,, وإذا كان لون ثاني يكون أحسن وربي يوفقك يا غالي تحياتي |
رد: شاريه شاريه الله لايعوقني بشر
ههههههههههه
تسلم لي سكر على ردك أنا أمس لقيت ذكر لون أبــيــض وعلى رجلة حجل والطوق حقة كامل صحته ممتازة جداً وريشة كامل بس مشكلته خواف جداً جداً جداً وسعره غالي شوي 1000 ريال سعودي وشرايكم فية وان شاء الله بدور في السوق يمكن أحصل شيء ... |
رد: شاريه شاريه الله لايعوقني بشر
ما نصحك بغير الاليف او نص أليف مثل ماقال سكر ..
المتوحش ممكن يأثر عليها و تاخذ من طبعه أو العكس .. لك الغالب هو الاحتمال الأول .. و غير هذا يمكن يطولون على مايتوالفون مع بعض .. خذ لك دره زرقا .. متوفره في السوق باسعار معقوله و أظن راح تحصل أليفه .. أحد الأخوان في قسم البيع عارض دره زرقاء أليفه على كلامه .. جنسه ذكر بس مو متأكد من العمر .. و اذا جيت تاخذ واحد تأكد من ألفته يعني روح عند شخص تثق فيه او شخص تعرفه .. لأن الدرر أكثر الطيور اللي يمارسون فيها الغش .. و انا من الناس اللي انغشوا فيها :) بالنسبه للأبيض لا تستعجل عليه .. خذ وقتك في البحث .. |
رد: شاريه شاريه الله لايعوقني بشر
1000؟؟؟ :eek:
ليش كم لغة عنده!! :confused: أخوي ما أدري انت من أي حتة << حلوة حتة :D لكن الأسعار ما تتعدى 400 ريال إلا إذا كان يتكلم وفي البحرين قيمة الزوج المنتج ب500 ريال أو 600 ريال,, هذا الزووج... في جدة عندنا تلاقي الزوج ب800 ريال,,, ومنتج,, لا تستعجل يا غالي,, ولا تدور في المحلات الغالية,,, ربي يوفقك ولا تنسى دعاء السوق قبل الشراء حتى ربي يرزقك التوفيق في الإختيار,,, :) تحياتي |
رد: شاريه شاريه الله لايعوقني بشر
اقتباس:
ياهلا ومرحبا أخ علي أنا شفت عرض البيع لدرة الزرقاء بس المشكلة أنها موجودة في الغربية وأنا موجود في الشرقية المشكلة كل المتوفر عندنا الأخضر فقط ... والله أنك صادق والصراحة أنا نغشيت في الدرة ألي عندي من ناحية التربية والعمر بس الحمدلله جات سليمة والله أنا شايلة من راسي لأن سعره غالي جداً تسلم يالغالي على مرورك وأن شاء الله أذا حصلت ذكر أليف صورته لكم على شان أشاوركم في مشتراه |
رد: شاريه شاريه الله لايعوقني بشر
اقتباس:
ههههههههه والله ماني داري لية سعره كذا غالي بـــــــــــــــس راعية أقصد ألي شغال في المحل يقول جايبة من الخارج والصراحة ماعجبني البياع على شان كذا مانقشته أكثر فيها خخخخ حلوة حتة أنا من الشرقية في الأحساء أنا أخاف أني ما أستعجل ويروح على موسم التفريخ وأضطر للأنتظار للموسم الجاي بارك الله فيك على تذكيري في الدعاء وجزالك الله خير تسلم على مرورك يا سكر ألي أحلى من السكر |
رد: شاريه شاريه الله لايعوقني بشر
حبيبي انت تبي اليف ولا انتاج ؟
فكر كويس تبي اليفه احسن لك تلاعب معها لا انتاج تبي انتاج انسى موضوعها يعني حط الاكل والشرب وارحل عنهم حدد مصيرك |
رد: شاريه شاريه الله لايعوقني بشر
اقتباس:
والله كلامك هذا خلاني أفكر أكثر وين الأفضل الأنتاج ولا الأليف ؟؟؟ والله مادري أنا ألحين احترت |
رد: شاريه شاريه الله لايعوقني بشر
اقتباس:
انا عندي زوج كلفني تدري كم 170 ريال يعني 17 دينار بحريني من عند شخص اتعامل معاه ولو بتحصله في السوق مايتعدى 300 ريال 30 دينار |
| جميع الأوقات بتوقيت GMT +3. الساعة الآن 08:26 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو