|
فطريات
السلام عليكم
للاسف اليوم اكتشفت ان قطوتي فيها فطريات شفت اليوم الصباح فيها زي القشره البيضاء ولما لمستها نزل منها الشعر :( بس في مكانين بجسمها مريت البيطري بطريقي للبيت وقالي انها فطريات وكتب لي كريم وشامبو وبكرى راح اوديها له ان شاءالله بس قال لازم نحلق شعرها:( انا مره مكتئبه ماودي احلق شعرها شعرها طويل وحلو ومتحسفه فيه مره انا اهتم فيها مره وماتطلع برا البيت ولا تختلط بقطط ثانيه ماعرف كيف جاتها الفطريات فيدوني احلقها ولا اخليها؟؟؟؟؟ وهل الحلق يأثر على الشعر يعني بعد ما احلقها بيرجع زي اول ولا لا؟؟؟؟؟؟ وهي في بدايتها اكتشفتها الحمدالله بس قالي العلاج بطول بعد اسبوعين البرث داي الثاني حقها وناويه اسوي لها بارتي والله برث داي بيصير:( |
رد: فطريات
الحمدلله والشكر وش هالبيطري لا لا ولا يحتاج حلاقه .. وأصلاً بيطوول مررره لو حلقتيه ،، فـ لاتطاوعينه كل اللي منك تسوينه تروشينها بشامبو نيزورال مرتين الى ثلاث مرات بالأسبوع وعلاجات موضعيه / مطهر بيتادين / لاميزيل بخاخ أو مرهم / أو مرهم كانستين وتنظفين المكان اللي تتواجد فيه الأرضيه وسريرها وتعرضين قطوتك للشمس شوي وبرضو أغراضها ويرجع يطلع الشعر طبيعي جداً خلال أسبوعين بالكثير .. والعمر كله وعقبال 30 سنه أن شاءالله يحفظها ويخليها لك .. |
اهلين
لالالا مايختاج حلاقه انا قطوتي فيها فطريات وماتتخيلين قد ايش كانت منتشره مره والان بدت تطيب والطريقه هي 1 - مطهر بيتادين حطيه بعدين حطي علي المرهم الي عطاك اياه البيطري انا كذا اسوي وبعد يومين تلاحظينها توصخت تروشينها بشامبو نيوزال ايه صح وتعطينها كل يوم ربع حبه حبوب نيزورال ملاحظه كل هاذا تلقينه بالصيدليه البشريه ماعدا المرهم ايه صح البيتادين خففيه بمويه وحطيه على الاماكن المصابه والمرهم كمان على المناطق المصابه بس طبعا ماتخففين المرهم بمويه والله يحفظها لك والعمر كله يارب وان شاء الله 100 سنه |
رد: فطريات
يارب الله يخليكم ويحفظكم
وربي طمنتوني مره كان ضايق صدري عليها انا شريت المرهم باقي الشامبو والمطهر ان شاءالله بكرى بجيبهم وبكرى ان شاءالله بسوي حملة تنظيف لغرفتي كلها لانها هي نومها واكلها وكل شي عندي مشكورين وماقصرتوا ريحتوني كثير |
رد: فطريات
كان يبي يسويلك مثل قطوتي لووول
كاندي جاتها فطريات في اذنها مرره بسيطه قامت امي خافت وودتها للبيطري من دون ماتقولي << كنت نايمه يوم قعدت من النوم ادور على كاندي ماالقاها دقيت على امي سالتها وين كاندي تقولي عند البيطري قاعد يحلقها انا انفجعت علطول قلتلها قوليله يوقف الحين خلته يوقف ورجعتها للبيت اتفاجات بشعرها سوالها كابوريه لووول حلق نص ظهرها وخلى الباقي سوا شعرها مثل شعره حقدت عالبيطري من يومها سويلها مثل ماقالولك الاعضاء وانشاءالله بتتعافى ^_^ وسلامتها ماتشوف شر انشاءالله :) |
رد: فطريات
أنا عندي نفس المشكله بس رااح ^ـ^ لو تبين يرووح روحي أي صيدليه قولي عندك صابونه ( كبريت ) بيعطيك الصابون سبحيها فيه و الشمس مافي أحسن منها حطي قطوتك عند الشمس أسبوع أسبوعين يرووح لا تقصين شعرها سوي إلي قلتلك عليه و إنشاله يرووح ^ـ^ |
رد: فطريات
الله يسلمكم يارب من كل شر
مشكورين على ردودكم وتفاعلكم انا اللحين روشتها بشامبو نزورال وحطيت لها المطهر والمرهم مرتين باليوم ومستمره على هالشي وبكرى راح اطلعها بالشمس هي للحين فيها بس بقعتين يارب مايكثرون اكثر من كذا بس مادري كيف اعرف انو خلاص طابت وكم من الوقت ياخذ العلاج |
رد: فطريات
علاج الفطريات بالعاده يطوول اسبوع ولا اسبوعين بس لاززم دايما تحطين لها المطهر والمرهم وماتنسينهم عشان تطيب اسرع وتعرفين انها طابت خلاص لين طلع الشعر مره ثانيه ولا تخافين قطوتي تمو فيها الفطريات تقريبا شهرر وكانو في كذا مكان فيها كله بسبة المحل اللي خذتها منه الله يسامحهم بس الحين الحمدلله طلع الشعرر ورجعت لها الفطريات شوي وراحت :)
وانتبهي ماتوقفين العلاج الاا لما يطلع الشعرر في المكان اللي فيه الفطريات عشان ماترجع لها الله يشفيهاا بسررعه |
رد: فطريات
مشكورة ماقصرتي
ان شاءالله ماراح اوقف العلاج الا لما يطلع الشعر يعطيكم العافيه ماقصرتوا والله |
| جميع الأوقات بتوقيت GMT +3. الساعة الآن 06:36 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو