|
انضرب بالمروحة
بسم الله الرحمن الرحيم
السلام عليكم ورحمة الله وبركاتة القصة باختصار طلعت الدرة من القفص عشان يلعب ولا طار على الغرفة الثانية وانا نسيتو ولا اجي الغرفىة الاقيه في الارض وهوا في العادة يطلع فوق اي شي عالي رحت شلتو ونومتو عيا ولما حاولت امسك راصو قعد يجعر انا مرا خفت فسبتو ورجعتو القفص وما مرت 5 دقائق الا ادخل الغرفة تاني الاقي ريش في الارض رحت عند القفص لقيتو عند رقبتو صار منفوخ ومو قادر يتحرك دحين صار لي كم يوم بس ما ادري ما فكرت اني اوديه البيطري يعني دحين الحمد لله خف كتير مو زي اول يوم الكلام دا صار يوم الاحد واليوم اتذكرت قلت خليني اكتب في المنتدى اكيد راح تفيدوني مشكلتي انو مو راضي يشرب مويا بس ياكل ما شاء الله عادي وما يحب احد يقرب منو واكتر شي محزني انو مو قادر ينظف نفسو يحاول بس ما يقدر اكلتو كل شي طبيعي بس المويا مرا ما يبغا وما يبغى احد يقرب منو على طول يعصب يعني كيف اتعامل معاه الين يتعافا ادعولي ربي يشفيه |
رد: انضرب بالمروحة
رقبتو شكلها انكسرت وديه البيطري اخوي هنا مابتلقي العلاج المضمون كل واحد يكتب تجربه فقط سلملم ^_^
|
رد: انضرب بالمروحة
آح آح آح سلامات :)
لكن لو توديه لاقرب بيطري يكون افضل وياليت تدهن رقبته بفكس :) ترا يمكن يجيب فايده بس ماجربت بس لوني مكانك كان دهنت رقبته بالفكس والله يشفيه |
لا تقول
لا حول ولا قوة الا بالله ان شاء الله في اسرع وقت سوري يا اخوان انا بنت |
رد: انضرب بالمروحة
اوف اوف اوف
انتي ماعندك رحمه ...! الطير متكسر وصاير له هالحادث القوي وماوديتيه البيطري خلاص وديه على حسابي ..! ارحميه يابنت .. والموية اصلا كل انواع الطيور ماتشرب موية كثير لان جسمها مايحتاج كمية كبيرة من الموية .. الله يشفيه .. ويشفي ضميرك يارب |
رد: انضرب بالمروحة
^^ .. ^^ نفس ررده .
|
رد: انضرب بالمروحة
الله يشفيه
اختى وديه البيطرى |
رد: انضرب بالمروحة
دايم ننصح بقص جناح الببغاء
لتفادي الاخطار المنزليه الله يشفي الطير .. والبيطري انسب حل اشرحي له الحاله ويارب يساعدك |
رد: انضرب بالمروحة
حرام عليكم انا مو متاكدة ايش صار لو بس اكيد انو رقبتو انكسرت
حسستوني اني شريرة وبعدين لا تحكمو على شخص من غير ما تعرفو ظروفو انا بنت يعني ما اقدر اخرج وادخل وقت ما ابغى واخواني ما يهتمو زيي على الببغان كنت كل ما اقول لهم يقولو لا خلية الين الليل ازا ما اتحسن اعطيه ما ادري ايش ... الين قلت خليني اكتب في المنتدى اليوم اخويا وداه البيطري بعد ما عملت مناحاه في البيت انتو بس ادعولي يا رب يشفيه ليا |
رد: انضرب بالمروحة
هلآ فيَكي آختنآ الغآليَة :) آذهبَي به لآقُرٍب دكتَوٍرٍ بيَطرٍي وبالشفُآء آن شآءالله |
| جميع الأوقات بتوقيت GMT +3. الساعة الآن 09:48 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو