|
الببغاء فقد الذاكرة.. مساعدة يالربع...
السلام عليكم ورحمة الله وبركاته
أنا عندي ببغاء له تقريباً عندي 4 شهور وكان جايني صامت ومتوحش طبعاً دربته والفضل لرب العالمين ثم لكم وبدى يصفر وتطلع منه بعض الكلمات مثل يعقوب وصراخه يملاء البيت ... وصلت لمرحلة ان ابدأ اطلعه من القفص طبعاً انا قاص جناحيه من شهر تقريباً بس ماقال شيء ، المشكلة اني وصلت لمرحلة اخراجه من القفص مع كثرة الجعير والعض لكن طلعته وحطيته على الحامل خليته تقريباً ساعة بعدين بديت اشيله غصب عليه عشان امشيه في البيت يحاول يطير لكن انا ماسكه مع رجوله فما يقدر ... المهم : بعد 3 مرات اشيله وارجعه جته حاله هستيرية وأول مرة يعض مثل كذا قطع اصابعي وطلع الدم منها والله ولو تشوفون حالة يدي الحين يرثى لها الحال الزبدة فيه وحدة حسيت انه اكل اللحم فيها وفكيت رجولي وخبط على البلاط .... المهم قام يجعر وأنا من العصبية قمت وشلته غصب عليه وبشراسة وكان مرة خايفة ورميته بالقفص وهاوشته وابعدت القفص في مكان ضيق وبعيد بالبيت <<<<< يسمع بالعقاب المهم من ذاك اليوم الين الحين وهو ساكت له 5 أيام على هالسكوت ومايبي أحد يقرب منه وأحس ان واحد من أجنحته مرتفع عن الثاني من الخلف بس اني مسكته ولا قال شيء واذا احد قرب له يجعر ولا عاد سمعنا ولا تصفيرة وحدة بس لادخلت يدي مافيه أمل يعض يجعر ويقرب ليدي ويفتح فمه بس مايعض .. وش الحل يااخوان |
رد: الببغاء فقد الذاكرة.. مساعدة يالربع...
الحل قبل كل شيء الرأفه بالحيوان
وكيد منصدم منك ورايح يعضك عضه ماراح تنساها بس احذر. |
رد: الببغاء فقد الذاكرة.. مساعدة يالربع...
حرام عليك حاول تعطينه الاكل الي يحبة حاول تمسح على راسه
|
رد: الببغاء فقد الذاكرة.. مساعدة يالربع...
ليش تعاملة بعصبية ياخوي انت تعرف الطيور مو بسهولة تولف ومحتاجة صبر وطولة بال من راعية
الله يهديك بس |
والله ياناس إني متحسف عليه
وينتفض والله شكلي ابوديه للبيطري اليوم ... الحل ياشباب مع الطير اتوقع انه داخله برد لان صوته مثل الصوت اللي يكون لواحد داخله برد |
رد: الببغاء فقد الذاكرة.. مساعدة يالربع...
وعليكم السلام ورحمة الله وبركاته اخوي انت عذبته ماعاقبته تصرفك غـــــــــــلــــــــط ... ادري ان عضته تعور وايد بس بعد هذي مب عذر والي سويته فيه مب شوي غصب الطير بيخاف ومابتكلم ولاتنسى هالنوع من الطيور حساسه ... حاول تتقرب منه وتدربه من البدايه وهالفتره لطلعه وان شاءالله يرجع مثل قبل بس لتعيدها مره ثانيه |
رد: الببغاء فقد الذاكرة.. مساعدة يالربع...
والله من بعد الخبطه سويتله فرومات لذاكره هههههههه مسكين راح فيها
الله يعينك وشف اقرب بيطري يمكن جناحه منكسر ؟ ولا شي |
رد: الببغاء فقد الذاكرة.. مساعدة يالربع...
والله وديته للبيطري
قال انه تعبان ومعاه اسهال <<< خبركم اخوكم مايفهم فيهم عاد عطاني فيتامينات وقالي تراه حساس وقال ترى عمره صغير وانا احسب عمره ابو 50 سنة وعلاج ماادري وشو وقال لا تجونه خلوه لين هو يشتاق لكم واستمر على العلاج 5 أيام وبيرجع اوكي والله اني متندم عليه مرة |
رد: الببغاء فقد الذاكرة.. مساعدة يالربع...
اقتباس:
|
رد: الببغاء فقد الذاكرة.. مساعدة يالربع...
السلام عليكم ورحمة الله وبركاته
أخوي الكريم,,, أنصحك انت أولاً انك تنسى هذا الموقف وتتعامل معاه كأنه أليف وبشكل عادي,,,, أبي منك تطلعه من القفص,,, وتحاول تطلعه على يدك بس بكل هدوووووووء أهم كلمة في الموضوع,, الهدووووووووء يعني حاول تكون مثل الأفلام البطئية,,, افتح القفص بهدوء وطلعه بهدوء وأعطيه يدك بهدوء, وطلعه على يدك بهدوء,,, حتى اذا حسيت انه بيعضك,, لا تخاف ولا تسحب يدك,,, ما بيعضك,, اذا سحبتها اسحبها ببطء شديد و نزلها بهدوء,,,, بإذن الله ما بيعضك,, إلا إذا كانت حركتك سريعة,, وعلى مسؤوليتي,,, خلي كل شي تعمله بالبطيء الممل, وما يكون فيه أحد معاك أثناء التجربة,,, وأنتظر ردك بعد التجربة يا قمر تحياتي |
| جميع الأوقات بتوقيت GMT +3. الساعة الآن 10:01 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو