|
الحمدلله ....
السلام عليكم ...
يوم السبت كاسكوي (6 شهور) بدا يرجع كل الاكل الي كلة فجأة .. وماقام ياكل وحتى الماي مايقربة ... وجاة اسهال وانتو ابكرامه ... وكان نافش ريشه ... وما عرفت اشوة اسوي وياة ... والله اني ما نمت طوول الليل يالسة افكر فيه ... والله خفت يصير لة نفس الي صار في طيري الاولي ... وماصدقت رجعت من الدوام اليوم الثاني و من فتح البيطري العصر على طوول وديت طيري عندة ... وعطاة ابرة مضاد ... والله اني كنت متخوفة من نتيجتها ... وما كنت راضية يعطية الابرة .. لاكنه طمني وقال لا اتخافين ان شاء الله بيصير احسن ... وبعد ما رجعت البيت صارت حالته من اسوا الى اسوا .. وكان نافش ريشة زيادة وما يقدر يطلع على الستاند ... ولا ياكل ابدا ... واتصلت للبيطري وقال لي اعطية سيريلاك كمن يوم واجيبة لة مرة ثانية بعد يومين ... ورحت وحطيت لة خبز منقوع مع الماي وسيريلاك وخلطتهم مع بعض ... و الحمد لله حب الخلطة وكل منها شوي ... وقمت اعطية كل ساعتين او ثلاث شوية منها ... وحطيت لة المضاد البودرة في الماي ... والحمدلله من امس بدا ياكل الحب الشمسي ... مب مثل قبل بس الحمدلله على الاقل بدا ياكل ابروحه ... وعطيته (خيّل ) ثاني يوم حطيت لة كسرة صغيرة مع الخبز وكلها وهو ما عندة خبر وعقب ما بلعها حس بتغير الطعم (لانه حار شوي) ... اكيد بتسألوني اشوة (الخيّل) ؟؟ واشوة فايدته؟ بقول لكم ... بتحصلونه عند العطارين وهو يشبة المرة (كسر مثل الحجر لونها بني) ... ويستخدم في الطب الشعبي (للبشر) لقتل دود البطن ... ومفعولة مثل المضاد الحيوي ... واذكر يدتي الله يذكرها بالخير .. كانت تعطية ديايها لما كانو يمرضون وحتى الغنم ... والشخص الي خذت عنه الكاسكو نصحني فيه اذا مرض اي طير عندي ... والصراحه انا حسيت انه من خذة صار احسن شوي ... وان شاء الله اليوم ناوية اودية مرة ثانية علشان اطمن علية ... وان شاء الله بحاول احط لكم موضوع خاص عن الخيّل وفوايدة مع الصور ... |
رد: الحمدلله ....
الله يشفيه لج ويعافيه
اهم شى ديرى بالج عليه .. |
رد: الحمدلله ....
آمين يارب ...
والله اني مهتمه فيه وكل يوم انظف لة القفص ... وكل كمن يوم امسحه بالديتول ... وما اقربة على المكيف نهائي ... |
رد: الحمدلله ....
الحمدالله على سلامته و المعلومه جيده (الخيّل) وكل العطارين يعرفونها ، والأسم ما يختلف عندنا ولا غير |
رد: الحمدلله ....
اقتباس:
هيه نفس الاسم ما اظن يختلف ... |
رد: الحمدلله ....
الله يشفيه
T_T |
رد: الحمدلله ....
الحمد لله على كل حال ..
لكن نصيحتي لك .. دام انه استعاد عافيته .. مايحتاج ترجعينه للبيطري .. الا في حاله وحده .. اذا انتكس مره ثانيه |
رد: الحمدلله ....
الله يشافيه ويخليه للك
|
رد: الحمدلله ....
الله يشفيه ان شاءالله >>> قلنا لكم ياجماعة ابعدوو عن الفرووخ ;) |
رد: الحمدلله ....
اقتباس:
|
| جميع الأوقات بتوقيت GMT +3. الساعة الآن 05:43 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو