|
انتظر هذا اليوم
السلام عليكم حبيت احد يساعدني صراحه مليت ببغائي عمره اربع شهور ولين الحين انا ااكله في الابره مته بياكل بروحه ومته يتكلم ودي انه يعرف ياكل ويريحني ودي اسمعه يتكلم انتظر هذا اليوم بفارغ الصبر
|
رد: انتظر هذا اليوم
يا قمر انتي بعده المشوار قدامك طويييييل انا عندي دودي عمره من 7 لـ8 اشهر وبعده بس ان شاء الله قريب بيتكلم ان شاء الله وعوديه ياخذ راحته ولا تسبحينه لانه بعده صغير هاي المعلومات اللي تعلمتها اليوم من اخواني وخواتي الاعضاء يالله ما عليه ان شاء الله بيتكلم بسرعه اذا عاملتيه بطريقه حلوه :) |
رد: انتظر هذا اليوم
ترا يختي هذا الببغاء توه صغييير في العمر اذا جى عمره سنه او اقل بيتكلم وياكل برووووووحه وياليت الصور يا الغاليه علشان اعرف عمره من العين فقط...............................
|
رد: انتظر هذا اليوم
وعليكم السلام
بخصوص الاكل حاولي تفوحين له جزر وحطيه عنده اتوقع راح ياكل وخففي الاكل بالابره عشان يتحمس ياكل بس لا تقطعينها بالمره نفس الاطفال عند الفطام يشرب حليب ويدخلون الاكل عليه شوي شوي انتي جربي بالجزر الفوح عشان يصير طري عليه واستمري عالابره ولمه تشوفينه بدا ياكل خففي الابره عشان يتحمس اكثر واكثر لين ياكل الجزر بنهم وعطيه فواكه طريه مثل التفاح بس لاتكثرين يعني كل يومين او ثلاث قطع صغيره بس بدون البذر لانه يضره ولمه يتعود ياكل حطي الحبوب عنده ولا تقطعين الجزر حطيله مره باليوم وحتى الابر اذا كانت السيميلاك المخصص للكاسكو لانه في فيتامينات تنفعه اما الكلام باقي عليه شوي لمه يوصل 6 شهور يبدا يخربط وهذي تعتبر بدايت كلام طبعا مع التدريب وان شاء الله على 7 او 8 شهور يبدا يقول كلمه ولا كلمتين وسلامتج اوي استفسار انا حاظر والاخوان مايقصرون |
رد: انتظر هذا اليوم
الله ييسر امورك يااختي....
وما شاء الله اخوي ( هاوي مزاجي ) كفى ووفى... بالتوفيق |
رد: انتظر هذا اليوم
اقتباس:
بس أظن أنه أفريقي رمادي وإذا فعلاً عمره 4 شهور المفروض يكون مفطوم لأن حضانة الفرخ الأفريقي تستمر لغاية 3 شهور على العموم جربي تحطين له بالقفص كل يوم حب شمسي وفواكه مقطعه قطع صغيره والمهم تأخير وجبة الصباح ( الإطعام اليدوي ) حتى يحس بالجوع ويبدأ يتذوق الأكل إللي قدامه وشوي شوي بتحصلينه يأكل بنفسه بإذن الله |
رد: انتظر هذا اليوم
الشباب ما قصروو
بالنسبة للأكل’’’ يا ليت تراجعي الرابط التالي: http://www.2zoo.com/vb/showthread.php?t=104213 فيه طريقة سهله لتعليم الببغاء الإعتماد على نفسه في الأكل,, تحياتي |
رد: انتظر هذا اليوم
من جد مقصرتو والله يعطيكم العافيه وسمحولي
|
| جميع الأوقات بتوقيت GMT +3. الساعة الآن 05:57 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو