|
البطة والدجاجة .. والبطة الجديدة
بسم الله الرحمن الرحيم
والصلاة والسلام على اشرف الانبياء والمرسلين سيدنا محمد وآله الطيبين الطاهرين السلام عليكم ورحمة الله وبركاته اعضاء المنتدى الاعزاء عندي سؤالين .. الأول: ان البطة كانت تبيض في مكان مخصص لها وبعدين الدجاجة تطفلت عليها وصارت تبيض معاها على نفس البيض ، وكنت كل يوم اشيل بيض الدجاجة عشان ما يختلط مع بيض البطة وبعد كم يوم لقيت البطة جلست على البيض وحضنته وكانت الدجاجة كل يوم تجي وتجلس بجنبها وتبيض وانا اشيل البيض بعدين فجأة لقيت الدجاجة جلست جنب البطة وسحبت عدد من البيض من تحت البطة وحضنته ، قومتها عدة مرات لكنها تعود وتزاحم البطة وتاخذ نص البيض وتحضنه قلت ماكو فايدة معاها جبت لها بيض غير وحطيته في مكان مختلف وشلتها قريب المغرب وجلستها على البيض الثاني لكن الصباح قامت من عليه وراحت للبطة ونفس الشيئ .. المهم عندي دجاجة حلوة ولونها اسود تبيض قمت اخذت بيضها وحطيته تحت الدجاجة واخذت بيض البطة من تحتها ورجعته للبطة وحطيت بينهم فاصل خشبي (بين البطة والدجاجة) بعدين تفجأت ان في بيضة دجاجة كانت البطة حاضنتها من زمان وقمت حطيتها تحت الدجاجة مع البيض الثاني المهم اني الحين خايفة ان البيضة تفقس وتقوم الدجاجة وتترك البيض ويفسد وانا ماعندي فقاسة واخاف ارجع البيضة تحت البطة والبطة لما يطلع لها كتكوت تتخرع وتتركه او تموته ، امي قالت لي رجعيه تحت البطة وحتى لو فقس بتفكره ولدها عادي بس مترددة وخايفة شنو تنصحوني بليزز السؤال الثاني/ شلون اميز بين البطة الذكر والبطة الانثى ؟ لان جاتني بطة هدية في عمر متوسط يعني لا صغيرة ولاكبيرة بعدها بين الاثنين ولا ادري ان كانت ذكر او انثى اخاف احطها مع ذكر البط يقوم يطقها لنها ذكر اما اذا انثى فخير وبركة الحين كيف اميز بين ذكور البط واناثها ارجو منكم المساعدة وجزاكم الله خير الجزاء |
رد: البطة والدجاجة .. والبطة الجديدة
http://up3.m5zn.com/photo/2009/5/14/...kuj1s8.gif/gif [ عليكمُ السلآم ورحمة الله وبركآتة ] . . [ اذا تبين نصيحتي :) ] * شوفي يعني الدجاج ماشاء الله يبيض في اي وقت مو مثل البط له اوقات يبيض والبط فيه نوع ما صعوبه حتى لما تخرج الصغار راح تلاقين الامر صعب لانه تربيتها وهي صغيره خطر ويبيلها عنايه قبل بطتي [ روز ] يابت 15 كتكوت والي عاشوو 4 بس << :) وعلى حسب يعني انا برايي الدجاجه المزعجه انج تحبسينها بمكان + البيض حتى لو طلع الكتكوت عادي راح ترقد على البيض مراح تقوم عليه دام بس كتكوت واحد والكتكوت راح يعرف يتصرف بنفسه وياكل ويرجع لامه وهي جالسه على البيض :) نفس تجربتي السابقه حاولي تحبسينها اهي والبيض بقفس او مكان بعيد عن البطه حرام تتخربط الكتاكيت مع الدجاجه والبطه حاولي مثل ماقلت لج تعزلين الدجاجه ويا البيض بقفص او مكان ثاني . . [ بخصوص معرفه جنس البط ذكر ام انثى ] انا مادري اي بط تربين ؟ بس بسالج سؤال ؟ البط الي عندج في لونه اخضر < على راسه < يعني ذكر الي يكون راح اخضر والانثى < تكون لونها بني فاتح < وهذا موضوعي عن معرفه جنس البط الي يكون لونهم واحد وصعب تميزهم http://www.2zoo.com/vb/showthread.php?t=101007 [ وطمنينا / موفقه ان شاء الله ] http://up3.m5zn.com/photo/2009/5/14/...r1dqtp.gif/gif |
رد: البطة والدجاجة .. والبطة الجديدة
عزيزتي الف شكر على ردك وابداء رأيك ونصيحتك
والله ما تقصرين حبيبتي بس اني جربت وحبست هالدجاجة في محاولاتي الاولى لابعادها عن مكان البطة ولكن ماكو فايدة حطيتها في قفص فسيح وحلو ومرتب (مكان ماكانت تبيض بالأول قبل ما تتطفل على البطة) وحطيت لها البيض قامت عفست البيض وصارت تضرب راسها في شباك القفص لحد ما سال الدم ويوم طلعتها راحت عند البطة مرة ثانية والله انها دجاجة عنيدة وراسها يابس مع انها اكثر وحدة احبها واخاف عليها بالنسبة للبطة عندي الذكر ابو راس اسود واخضر لكن البطة الجديدة لونها اصفر وحوالين عيوها مادري شلون بروح اصورها لحظة .................... http://farm4.static.flickr.com/3322/...0d469d7d_b.jpg هذي هي بالقفص وبكرة من الفجر بوديها المزرعة مع البط الذكر والدجاجات لان البطة الانثى راقدة على البيض |
رد: البطة والدجاجة .. والبطة الجديدة
http://up3.m5zn.com/photo/2009/5/14/...kuj1s8.gif/gif [ العفو ولو خيتووووووووووووووو ] [ وربي هالدجاجه عنيده وراسها صخر ] [ انا اقولج يعني الدجاجه تقدرين تعوضينها بعيد يعني تبيض بعدين لانه راح تتخربط مع البطه انا برايي تحبس الدجاجه ويغطي القفص مكانها بـ قطعه قماش كبيره حتى ماتشوف الي برا وتحاول تطلع من القفص خليها داخل اسبوع لما تنسى المكان لانه بالطريقه راح تضايق البطه وراح تصير مشاكل اذا فقصت البيض حاولي تحبسينها مو شرط البيض معاها الدجاج يبيض اي وقت عكس البط ] . . [ بخصوص البطه الصغيره :p ] [ صعب تميزه عبالي كبير ؟ لانه اصفر صعب نميزه اذا ذكر او انثى بس على ماظن من منقاره ذكر ] [ والذكور يكون فقط راسها لون الزيتي والاخضر لامع < اما الانثى لونها ترابي فاتح < ] http://up3.m5zn.com/photo/2009/5/14/...r1dqtp.gif/gif |
رد: البطة والدجاجة .. والبطة الجديدة
يوووووووه يعني ما يصلح احطها بالمزرعة ؟
ما اقدر اتركها عندي والله خايفة عليها هل يضربه الذكر الكبير ؟ والدجاج ما يحتاج اكيد بيطردو هالبطبوط الصغير ماكو امل يطلع انثى ؟؟؟؟؟؟؟؟؟ هذي هي دجاجتي وهي تسرق البيض من تحت البطة المسكينة http://fc03.deviantart.com/fs43/i/20..._Emane1983.jpg شوفي المنقار يشبه البطة الصغيرة +++++++++ ابغى شوية امل :eek: |
رد: البطة والدجاجة .. والبطة الجديدة
http://up3.m5zn.com/photo/2009/5/14/...kuj1s8.gif/gif [ بخصوص البطه الصغيره ] * صعب نميزها بالعمر لازم نشوف بعد اسبوعين بعد ماتضهر الالوان عليه اهني نعرف اما بالعمر صعبه جدا جدا ~ وبخصوص جلوسها مع الذكر الاخر مااظن راح يصير شي بس كبدايه بعدها عادي [ ماشاء الله حلوين الدجاجه والبطه بس البطه يبيله تنظيف شويه ريشها ااذاا في بركه تنظف نفسها لانه امبين صار ريشها تالف لانها راح تنتزعه وتحطه بالعش ] [ والدجاجه شيليها مو لازم هالمره تفرخ عندك يعني الايام كثيره بس البطه صعبه خصوصا البط اغلب المرات يكون البيض فاسد وخصوصا قرات احدى المواقع انه اكثر الخصوبه تكون بالماء < ] [ موفقه وطمنينا وخصوصا هالدجاجه العنيده ] http://up3.m5zn.com/photo/2009/5/14/...r1dqtp.gif/gif |
رد: البطة والدجاجة .. والبطة الجديدة
مرحبااااااااااا هاوية
والله منورة كالعادة حبيبتي وجودك اهو الجميل اني اليوم رحت المزرعة من الفجر على طووول اول ما بين النور الاول واخدت البطبوطة الصغيرة هناك وطلعتها من القفص وتركتها اشوفها شتسوي لقيتها مثل المجنونة رايحة تلحق الدجاج ههههههههههههههههههههههههههههه مشاء الله عليها اجتماعية بس قامت تطقهم بالاول لكن بعدين طقوها تعرفي الدجاج عندهم عزة نفس مو طبيعية اشلون بطة ياهل تجي تعضهم وتسحب ريشهم المهم وظلت تقريبا كذا ساعة تلاحقهم ولما تروح ورى ذكر البط يهرب منها مادري شلون هذا عمي ما يشوف انها بطة مثله واصغر منه لين تعود عليها وصادقها وبقيت معاه الحمد لله اما الدجاجة حبيبتي والله مادري شقول ظلت راقدة على بيضها طول اليوم ولمن جا قريب المغرب راحت وجلست جنب البطة مرة ثانية قمت جبت قطعة قماش وطبقت عليها وشلتها وشلت بيضها وحطيته لها في قفص كبيرة وحطيتها معاه والحمد لله تقبلت الوضع ورقدت فيه بس قفلت عليها عشان ما تطلع وغطيت محل الشبك بقطعة قماش عشان لا تشوف باقي الدجاج وحطيت لها ماي وشعير وانشاء الله يارب تعتاد المكان وماتقوم وترجع للبطة لما افك الباب ادعي لي اختي الله يوفقج والف شكر مرة اخررى على ردودك ومساعدتك ونصايحك ما تقصرين حبيبتي |
رد: البطة والدجاجة .. والبطة الجديدة
http://up3.m5zn.com/photo/2009/5/14/...kuj1s8.gif/gif [ آهلين النور نوركِ يالغلا تسلمين كلك ذوق ] . . [ بصرآحه فرحتيني بالخبريه & اهي بدايه اول ماتدخل تستنكرها الطيور وبعدها عادي وحتى البط يتجنبها فتره وبعدها عادي راح يكونون مع بعض ] [ بس لاتنسين ! انا بطتي [ روز ] او مايابت صغار وكانت قبل يابت بس الي قبل صارو كبار وذكور وكانت فتره تزاوج وروز فرخت صغار ولما روز طلع مع صغارها اليدد كانو صغار عمرهم يومين الذكور كانت تبي تهاجم على روز بس لما شافو الصغار وراها خافوو وبتعدوو عنها بس يمكن الذكور تضر بالصغار يعني اذا فرخت البطه ديربالج يمكن الذكر ياذيهم :) ] [ بخصوص الدجاجه واخيرا انحلت مشكلتها لانه صج صج عنيده وإن شاء الله تفرخ وتنتج صغار حلوين ] [ وطمنينا ومنورتنا ] http://up3.m5zn.com/photo/2009/5/14/...r1dqtp.gif/gif |
رد: البطة والدجاجة .. والبطة الجديدة
ممكن اعرف ما هو نوع هذا البط اقصد الفرخ لانو عندي مثلو وما اعرف ما هو نوعه
|
| جميع الأوقات بتوقيت GMT +3. الساعة الآن 06:14 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو