منتديات تو زوو - طامع في استشارتكم

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - طامع في استشارتكم (http://www.2zoo.com/vb/showthread.php?t=102726)

طامع في استشارتكم

السلام عليكم ورحمة الله وبركاته
بداية اشكر ادارة المنتدى على الجهد الكبير اللي يقوم به
واهنيهم على زخامة وسرعة انتشار اسم المنتدى لأغلب محبي الحيوان " اعزكم الله"

ادخل بموضوعي:
عُرض علي من احد اصحاب المحلات بأنه في صدد استيراد مجموعه طيبه من الكاسيكو الافريقي
الرمادي في الايام المقبله "فروخ" اعمارهم ماتتعدى 3 او 4 اشهر...
وبصراحه اعطاني سعر معقول فيها بس ابغى استفسر منكم بحكم خبرتكم بعض النقاط:

1- هل عمر الفرخ مناسب ام صغير جدا واحتمالية مرضه او موته لاقدر الله كبيرة؟ خصوصا ان سعره يصل الى 1400 ريال سعودي.
2- هل بإمكاني ان اضعه مع طيري الحالي "الدرة" بقفص واحد ؟مع العلم ان حجم الفقص كبير ومناسب.!
3- الدرة التي عندي ألفيه وتصفر لكن ماتسمح لي اطلعها على يدي الى الان خايفة
وفوق هذا كله كلامها قليل ... هل هذه الاشياء تأثر على الفرخ الجديد "لو الله كتب وشريته"
او افصلهم عن بعض. خصوصا ان الدرة تعودت علي انا بس ماترضى احد يلمسها غيري.

هذا اللي عندي اللحين واذا في شي جديد
ادري ماراح تقصرون وراح اوافيكم به .

مع جزيل الشكر والعرفان
:cool:

رد: طامع في استشارتكم

اقتباس:

1- هل عمر الفرخ مناسب ام صغير جدا واحتمالية مرضه او موته لاقدر الله كبيرة؟ خصوصا ان سعره يصل الى 1400 ريال سعودي.

أخوي إذا أتبعت ما ذكرناه في ردود سابقة من إعطاء الطير
مضاد حيوي وبعده طارد للديدان
وإبعاده عن مسببات المرض من تيارات هوائية بارده
وأكل غير نظيف وغيره
بإذن الله ما يصير إلا إللي كاتبه الله
وبالنسبة للسعر ما قلت لنا
الطيور مصيوده ولا إنتاج مزارع

اقتباس:

2- هل بإمكاني ان اضعه مع طيري الحالي "الدرة" بقفص واحد ؟مع العلم ان حجم الفقص كبير ومناسب.!

بنظري عزلهم أفضل بكثير
لأنه مافي مقارنه بين الأفريقي والدره
وإحتمال تأثره بالدره كبير

اقتباس:

3- الدرة التي عندي ألفيه وتصفر لكن ماتسمح لي اطلعها على يدي الى الان خايفة
وفوق هذا كله كلامها قليل ... هل هذه الاشياء تأثر على الفرخ الجديد "لو الله كتب وشريته"
او افصلهم عن بعض. خصوصا ان الدرة تعودت علي انا بس ماترضى احد يلمسها غيري.

نفس ردي لإستفسارك الثاني
بالتوفيق أخوي

رد: طامع في استشارتكم

أخي الكريم ما قصر معاك اخي العضو المميز حب استطلاع

والفروخ فعلاً مناعتها ضعيفة,,

واتبع نصيحة أخوي حب استطلاع في اعطائه المضادات اللازمة, وعرضه على الطبيب البيطري لعمل اللازم

وعلى فكرة السعر مناسب مقارنة بالموجود في السوق

تحياتي

رد: طامع في استشارتكم

لاهنتوا اخواني على مشورتكم
وراح اتوكل على الله واشتريه واعمل على نصايحكم

لاخلا ولاعدم

رد: طامع في استشارتكم

ابعد عن الفرخ يرزقك الله نصيحة اخو ... كان عندي اثنين بنفس العمر اللي قلته .. الاول كنت مطنشه ومات بعد شهر ... والثاني عطيته فيتامينات ومضادات زياده ومات يعني بالعربي يبيلهم رعاية محترف مش هاوي .... والحين عندي واحد عمره فوق السنتين ومريحني اخر راحه يعرف شنو اللي له واللي عليه وياكل نفسه بنفسه والفرخ لازم تاكله بايدك تلقمه تلقيم .. هذي استشارتي لك اذا كنت هاوي مش محترف .. واتمنى لك التوفيق

رد: طامع في استشارتكم

اخووي طبعا شكلك انت مانت متابع ..مواضيع المنتدى وحالات الوفاة بالنسبة للفرووخ <>>> نصيحتي ابعد عن الفروخ مثل ماقالك اخوي السابق >> نسيت اسمه ههههه

رد: طامع في استشارتكم

عوافي على مروركم وتنويركم لي

وربي لايحرمنا من تواجدكم
:)