منتديات تو زوو - السلام عليكم

هذي تجربه جربتها بالبيت مع الحربه الي موجوده عندي أتمنى إن الجميع يستفيد
.
.
.
.
طبعا الكثير من الناس الي يشترون هذا الحيوان يموت عندهم موعارفين ليش أحيانا يموت من اليوع و أحيانا يموت من العطش بتقولون إشلون إحنى حاطين ماعون ماي أو إموفريله رطوبه ممكن إن يمتص جسمه الماي نفس بعض أنواع الزواحف
طبعا الحربا من أصعب أنواع الزواحف الي تتربى لانها ماتاكل إلا الحشرات الحيه إلا في ماندر و في بعض المواقع الأجنبيه تقول إنها تاكل خضروات الصراحه شي غريب المهم آنا جربت إشلون أشرب الحربا ماي إبطريقة بعض الأجانب الي جربوها ونجحت معاهم وهي عن طريق تقطير الماي قطره قطره وراح على ورقه شجر كبيره وراح إنشوف بالفيديو التجربه طبعا تجربه عالسريع سويتها إبعده بسيطه أول شي
العده : روح الجمعيه وشتر عصير قواطي الي يكون معاه عود أو مزاز إشرب العصير كله و بعدها غسل العلبه عدل عن طريق إدخال الماي من الفتحه مالت العود ليما إتشوف ماي صافي منغير عصير
بعدها عب العلبه ماي
بعدها قطر الماي على الورقه شويشوي من مسافه بعيده عن الورقه بس عشان تسمع صوت الماي و راح إتشوفها إتيي إبسرعه إذا كانت عطشانه وتشرب الماي الي موجود عالورقه و بعدين تشرب من القطرات الي نازله وبعدين تشرب من العود إذا وصلت حق العود تبي تشرب لازم إتفولها كل ما تشرب تضغط العلبه عشان ينزل ماي وايد إبحلج الحربا وبسرعه تشبع
وخلونا مع الفيديو طبعا الحربى شبه شبعانه لاني صورتها متأخر بس راح إتشوفونها وهي قاعد تشرب و أرجو إنكم إستفدتوا

http://www.youtube.com/watch?v=bHqOUxaGTP4