ابشتري قطوه وابي مساااعده..
 

أولا احب اقووول ان هذا المنتدى احلى منتدى...



بعدين أبي اعررررررررررف ايش اهم الأدوات ألي لازم اشتريها للقطط؟؟؟




بس ممكن الرد بسرررررعه انا مره مستعجله


مشكوررره:)

رد: ابشتري قطوه وابي مساااعده..
 

طعام للقطط (يعتمد على عمر القطة)
شامبو للاستحمام خاص بالقطط
حوض وتراب للفضلات كي تتمكنة القطة من استخدامة

وممكن انك تزور قسم القطط وانشالله تلقى الي تبيه

رد: ابشتري قطوه وابي مساااعده..
 

رد: ابشتري قطوه وابي مساااعده..
 

ما اقدر ازيد على كلام الاخوة شئ
االا اني منزل موضوع وهو مثبت بخصوص اللي ييبي يشتري قطو في كل شئ مكتووب
ومشكورين الاخوان للي ردو

رد: ابشتري قطوه وابي مساااعده..
 

ياهلااااااا فيج اختي نورتي المنتدى


وثاني شي الحمدلله الاخوان ما قصروووو

وانشااء الله ودولج المعلووومه

وبعد اشتريلها استشوار لتجفيف شعرها بعد الاستحمام

لانه يفيدها .. وطبعا بيت خاص فيها

رد: ابشتري قطوه وابي مساااعده..
 

رد: ابشتري قطوه وابي مساااعده..
 

بسم الله الرحمن الرحيم
مشكورين جميعا على المرور وعلى المساعده
بس ابي ازيد على موضوعي هذي الأسئله واتمنى اني ما اكون ازعجتكم:
- وين احسن بيطري في الرياض؟؟ مع العنوان؟؟
- كيف اعود القطيوه على إستخدام صندوق الرمل؟؟
- كيف اعود القطيوه علىالنوم في {سله أو البيت } ؟؟
- وين تنباع حبيبات الكريستال في الرياض؟؟
- كل كم ساعه تاكل القطيوه ؟؟
- أبي مساعده في إختيار الأسم لها أيش رليكم في:


كيتي كيلي ساسي لوسي
أبش أحسن طريقه لإقناع أمك بأن تشتري لك قطه؟؟


طولت بالاسئله ....
أبي لعرف كل شئ قبل ما اشتريها؟؟



ومشكوووووووووووووووووره..

رد: ابشتري قطوه وابي مساااعده..
 

هلا اختي بالنسبه لسؤالج الاول انشالله اخوانا من الرباض يقولون لج.
2-تقدرين تعودين القطو على صندوق الرمل انه بعد الاكل تاخذينه وتحطينه بصندوق الرمل واذا حاول يطلع امسكيه خليه فتره هو راح يعرف انه هذا رمل.واذا عمل براز اعزكم الله بره خذي البراز وحطيه على الرمل عشان اذا شمه القطو يعرف انه هذا المكان المخصص لضاء حاجته بس اهم شي تكونين صبروه معاه.
3- اهم شي بالسله انها تكون مريحه ودافيه وسهل الدخول والخروج منها خذي القط وحطيه داخليها وبعدين لمسي عليه عشان يحس بالامان واذا شفتيه نام برى شيليه بهدوء وحطيه داخل البيت وخليه ينام لين يتعود.
4-ينباع في السوبارماكت الكبيره والمحلات المخصصه لبيع القطط ولوازمها.وانشالله يفيديونج اكثر اخوانا من الرياض.
5-على حسب عمر القط يفضل 3 مرات يوميا ويعتمد كميه الاكل على عمر القط بس قبل لا تجيبين الاكل واذا القط عندج عمره من شهر ونص الى 12 شهر جيبي اكل مخصص للاعمار هذي تلاقين مكتوب عليه كيتين هذا زين عشان لايتعب معدتهم.
6- بخصوص الاسم راجعي هالموضوع
http://www.2zoo.com/vb/showthread.php?t=2436
تقبلي تحياتي

رد: ابشتري قطوه وابي مساااعده..
 

اتوقع الاعضاء كفو ووفو لاكن اتوقع بسؤال اقناع الام فهذا يبيله شغلة
وحاولي تقولين لها انك مطيعة وتسمعين الكلام ومن هالكلام ولما تشوفين انها مستانسة منك كلميها وقوليلها هالكلام وقوليلها انكط تبين قطوة
وانها زينة وما توصخ وتمام ومن هالكلام وعاد انتي واسلوبك

رد: ابشتري قطوه وابي مساااعده..
 

اذا عن اقناع الأهل فهذا يبغاله شوية صبر...:D

فمثلاً أنا قبل لااشتري قطه قلت لهم ان واحد بيهديني قطه بيضاء صغيرة...

وجبتها يوم من الأيام البيت...وشافتها الماما وجنت عليها حبتها كثيييييييييييير...

لكن الوالد قال: رجعها لراعيها...:mad:

لكن الوالدة اصرت على جلوسها لكني رجعتها لصاحبها

وبعد ماشفت والدتي حبتها اشتريت قط بالبداية كانت خايفه منه لأنه يلعب

ويعضعض في رجولها...:D

وتقول لي: جيب القطه القديمه اللي عند صديقك أفضل من هذي...على سبيل مزاح يعني...:D

ويوم بعد يوم حبتها مررررررررررررررة...وكانت هي اللي توكلها بنفسها بس الوحيد

اللي بالبيت مش موافق بوجودها الوالد...مع انه كل اخواني يبغونها وأولهم الوالده...

ولما جيت ببدلها بأنثى كسرت خاطري امي وقالت لي خلاص بعها علي ولا ترجعها

لكن كان عندي قط كبير بعد الصغير وحسيتها بيتزوج وبدلته بأنثى لكنها كانت شرسه

هم بعد القط الكبير اللي جبته بعد الصغير كانت امي خايفه منه بس بعد فترة

حبته هو الثاني عقب ماودعها الصغير...

معلش طولت عليكم...:D

بس اللي حبيت اقوله يعني ان البداية لابد تكون طيبه (كطابع أولي ممتاز)

عشان الأهل يتقبلون ومايعارضون بشده...:)

تحياتي للجميع وآسف عالإطالة...