منتديات تو زوو - نصيحة الى عشاق الكاسكو الهولندي

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - نصيحة الى عشاق الكاسكو الهولندي (http://www.2zoo.com/vb/showthread.php?t=263984)

نصيحة الى عشاق الكاسكو الهولندي

السلام عليكم
كيف الحال إخواني أخواتي..
حبيت اطرح موضوع عن الكاسكو الهولندي*
المحجل...نصيحة الى كل الاخوان الابتعاد عن هذا النوع مناعته جداً جداً ضعيفة
صحيح الكاسكو المحجل يجي حجمه كبير ولايجعر واليف جداً وسعره عندنا با البحرين رخيص 1600 ريال
الفرق بينه وبين الافريقي 700 ريال*
ولكن سريع المرض حتى لو عطته كل اهتمامك
وانا بعت الطير الأولي الافريقي بسبب حجمه الصغير وحبيت اجرب المحجل وفعلاً*
الهولندي طائر ذكي جداً الى شكل ماتصورون والله وعلمته يطير لي *طيران بدون ما ابالغ ويشهد علي ربي خلال اسبوع كامل شفته في محل الطيور ماشاءالله طير نشيط جداً ذكي مو مخلي احد في حاله يحب يلفت النظر*
يصافر يخربط با الكلام وجبته البيت واستانست فيه والله مهتم فيه اكثر من نفسي ماقصر عليه في حاجه واعطيه الفيتامينات والطعام المفيد له*
ومرة وحدة فجئة
*خلال شهرين وشوي الطير صار خامل بدون سبب ما ياكل تغير مرة وحدة
وأنا موفر له الاضائة والجو المناسب له
وديته البيطري حق وحدة شاطرة أمريكية عندنا با البحرين قالت لي المحجل تبع المزارع صعب يعيش بسبب تغديته الخاصة والسبب الاهم انه الفروخ يطلعون من البيضة با الحرارة يعني النفية ماتجلس على البيضة
والفرخ يخرج وتكون مناعته ضعيفه وصعب يعيش المهم ماطول عليكم قالت لي فيه فايروس ضربته إبرة وقالت لي اعطه سيريلاك با الإبرة وطعمه واذا ماصار زين ارجع
وبعد ثلاث ايام الطير مضرب عن الطعام واطعمه من الإبرة وتغيرت حالته الى الاسوئ
ونزل الطير الى تحت القفص ماهو قادر يشيل نفسه وشوي شوي صاده بعيد الشر عنكم نوع الانشلال مايقدر يحرك رجلة وبعد جم ساعة مات..بجد الطير احزني وضايقني
انا طرحت الموضوع للإفادة الى الاخوان الجدد في عالم الكاسكو يبتعدون عن الكاسكو المحجل من كل خمسين كاسيكو محجل يمكن يعيشون ثلاثة اربعة خذوا لكم الافريقي العادي واتعبوا عليه وراح يستمر وياكم سنين طويلة وآسف طولت في الموضوع..