عليكم السلام ورحمة الله وبركاته

اشتر فرخ هولندي بتسالني كيف اعرف انه هولندي؟ الهولندي يكون محجل وعادتا الحجل ذهبي ومكتوب بالحجل 2014 وعليه نقشة راس الطير وبما انك بالدمام رح مع اهلك في الويكند تمشى وحج وحاجه مر مدينة حمد وروح سوق واقف تلقى محلات كثيررره جنب بعض خذ لك فره بتلقى اللي تبيه وارخص من عندنا وانظف بكثير,
السؤال الثاني اللي بتسألني بتقول لي طيب رحت ولقيت قفص مليان فروخ شلون اعرف هذا حجمه جامبو او لا؟شوف الطير اللي مميز بينهم راسه كبير رقبته طويله ويكون منتبه لك لا تاخذ واحد مفهي مريض او ريشه متنتف.. الخطوه الثانيه اختار ثنين ثلاثه اربعه وحط كل واحد بقفص لوحده وحط الاقفاص جنب بعض خل كل طير يوقف فوق العصا وشوف وين اللي حجمه اكبر وتحسه ضخم رقبته طووويله وفخم واختاره,,(طبعا لاتقدح وتروح لحالك البحرين عشان مايصيدونك الجمارك حط الكاسكو بكرتون صغير وافتح له فتحات(بس هاه لاينحاش مثل غيره هههههه) عشان يتنفس لايختنق وخله تحت عشان محد ينتبه له في الجمارك) ونصيحه لاتقص جنحانه عشان اذا كبر وانت تدربه بيكون متعلق فيك وبيجيه يوم يبي يطير اذا شافك عشان يجيك واذا قصيت جنحانه ماراح يقدر مثل طيري مسكين جنحانه مقصوصه بمقص ولا تنبت ولازم انتفهم نتف واللحين الطير اليف لو نتفتهم بيتوحش ويمكن يموت..
االلحين بتقولي طيب كيف اعرف هذا عمره سنه او عمره ست شهور؟اللي عمره سنه بتجيك عيونك رماديه فاتحه واللي عمره ست شهور بتكون عيونه سودا ولو تكتب بقوقل راح تطلع لك صور العيون عشان تكون اوضح لك,
بتسال بتقول الحجل شنو الفايده منه؟الحجل يبين عمر الطير تلقا مكتوب عليه 2014 والحجل يعني ان الطير هذا انتاج مزارع وتكون الطيور شبه اليفه ماتتعب كثير في تدريبها, انا الكاسكو شراه ابوي من البحرين ب1700ريال فرخ صغير وحجمه ضخم خلال يومين صرت امسح على راسه.
بالنسبه لاسعار الفروخ بالبحرين من 1500 الى 1700 بالسوق.. ولاتنسى خذ الكاسكو اللي لونه فاتح لاتاخذ اللي لونه غامق.. ركز على منقار الطير خشمه لايكون فيه افرازات وشيك على فتحة الشرج وانت بكرامه والقارئين لايكون فيه اسهال وانتبه لريشه لايكون فيه مرض ومنتف.. حتى لو لقيت اسعار رخيصه لا تتحمس الاهم مو السعر الاهم انك تاخذ طير صحححححح لو كان غالي واذا طارت قيمته فرخ بالبحرين مايتعدا 1800 وهنا عندنا لو لقيت بتلقاه ب2000 يمكن وحولها اذا مره مره قطع نفسه 2200 اتكلم عن فرخ هولندي عمره لا يتجاوز ثمان شهور ولا يتكلم ممكن اليف يوقف ع اليد..
اتمنى اني فدتك لو بشي بسيط