|
استفسارات بخصوص ترويض الامازون
السلام عليكم ورحمة الله وبركاته انا اشتريت ببغاء دبل يلو هد عمره تقريبا سنه واربع شهور الى سنه ونص وعندي كم استفسار 1- صاحب الطير يقول انه عنده كلمات بس انا للحين ماسمعت من الطير الا الضحكه ومره سمعت بابا وصوت بكاء طفل ، مع العلم انه له عندي الان تقريبا 15 يوم ، هل ممكن انه للحين ماتعود على المكان؟؟ 2- الطير الا الان يخاف مني واذا قربت منه يحاول يعضني بس مايعض وبعد محاولات يطلع على يدي واخذه بعيد عن القفص وامسح على ظهره وراسه بس من يشوف القفص يطير له ، وش افضل طريقه لترويضه ، علما انه اذا كان بالقفص ياكل الفول السوداني من يدي بس اذا كان على يدي ما ياكل ويكون ينتفض زي الخايف. سؤالي هل استمر اخذه على يدي وهو خايف وامسح عليه والا الطريقه هذي بتزيد خوفه وهي اللي مانعته من الكلام ؟؟ وسؤال اخير ، وش رايكم بمستوى الطير؟؟؟؟ [IMG]http://www.2zoo.org/uploads/13571962151.jpg[/IMG] [IMG]http://www.2zoo.org/uploads/13571968431.jpg[/IMG] |
رد: استفسارات بخصوص ترويض الامازون
عزيزي الطير في سنه ونصف بالنسبه للعمر
هو للان ما تعود عليك ويستوجب انك تعطيه فتره كافيه للتعود عليك في حال انه بيخاف منك طبيعي لعدم تعوده عليك بس اسرع طرق لبناء علاقه بينك وبين الطير هي وضعه على استاند وشيل القفص خله فقط وقت النوووم او اذا انت طالع بره البيت بس وهو عالاستاند خله شويه يركد ويتأقلم بعدين روح انت ومسح عليه وعلى ظهره وممكن تلقاه يبي يعض لا تشيل ايدك اوتخاف اذا خفة مره راح يسويها لك كل مره ويعض بس انت اعطيه اهتمام اكثر مسح عالرقبه وعلى ناحيه الكير اللي هو الخشم ماله وتحت المنقار وشوف وبلغنا |
رد: استفسارات بخصوص ترويض الامازون
المشكله انه يهرب مايخليني المسه الا اذا اجبرته وخليته يركب على يدي ورحت بعيد عن القفص يخليني امسح على ظهره وراسه . بس بعد مايرجع القفص خلاص يصير يخاف وكل مره بشيله على يدي لازم يهرب مني واضطر اقفل عنه القفص وينزل للارض وبعدين خلاص ينجبر يطلع على يدي...
هل طريقتي صحيحه او تعزز الخوف عنده ؟ |
رد: استفسارات بخصوص ترويض الامازون
نفس حاله اللي عندي اول ما يدش القفص ينساني وحليت المشكله
وهي انك تعلم الطير اول شئ الصعود عاليد لكي تقدر تطلعه عاليد وبالتالي بعدها تبدأ تمسح عليه طرق الصعود عاليد تطلعه على خشبه ومعاك خشبه اخرى وتبدأ تقول تعال او اطلع لين يتعود وبعدها تتخلص من عصا واحده وتستبدلها بايدك وراح يتعود عالايد وتطلع من القفص بنفس الطريقه اذا ما رضى يبقى طلعه على عصا وبالتالي راح يروح الخوف |
رد: استفسارات بخصوص ترويض الامازون
الحمد لله الطير يطلع على يدي ولا عنده مشكله بس مشكلته الحين انه مايتكلم مع ان راعيه يقول انه يتكلم والطير من بديت احاول اولفه سكت ماعاد عنده كلام مع انه معه بنفس الصاله كاسكو مايسكت بس هو اذا مره تحمس ضحك او زغرط ( لولش ) وبس
|
رد: استفسارات بخصوص ترويض الامازون
بسمم الله مـاشاء الله الببغـاء جمـيل
اما اذا هو خايف اعتبره ضيف عندك قدم لةة الاكل بعنايةة وحطلةة العاب وحاول تاخذ الاكل بيدك واكلةة اذا مارضي جوعةة لمده ساعتين ونص او 3 ساعات وبعدين جيب الاكل وهو راح يكون جعان وراح ياكل باذن الله وتقبل مروري |
رد: استفسارات بخصوص ترويض الامازون
بسمم الله مـاشاء الله الببغـاء جمـيل
اما اذا هو خايف اعتبره ضيف عندك قدم لةة الاكل بعنايةة وحطلةة العاب وحاول تاخذ الاكل بيدك واكلةة اذا مارضي جوعةة لمده ساعتين ونص او 3 ساعات وبعدين جيب الاكل وهو راح يكون جعان وراح ياكل باذن الله وتقبل مروري |
رد: استفسارات بخصوص ترويض الامازون
مشكور اخوي عاشق
|
رد: استفسارات بخصوص ترويض الامازون
ما شاء الله تبارك الرحمن
الطير جمييل جداااااا دبل يلو هد ماغنا وكل ما تقدم بالعمر راح يصير اجمل الله يبارك لك فيه اخوي بخصوص الكلام الامازونات غالبا تكون جرئيه جدا وتتكلم بكل وقت وفي اي مكان خصوصا الدبل يلو. او اليلوناب اما بخصوص الترويض اكثر الامازونات ما تسمح لك بالمسح علي جسم الطير وتشوفه كانه يبي يعضك بس علي شان تبتعد عنه انصحك تخلي الطير علي الاستاند ويكون دايما في حاجتك يعني شيل الاكل عطه الاكل من يدك واذا الجناح كامل افضل تعلمه يطير ويطب علي اليد بحثا عن الاكل عود الطير ما ياكل الا من يدك شيل الاكل وهو بيتعرف انه الاكل عندك هالطيور ذكيه حييييل كل الي تسويه تشيل الاكل وتقعد وتخليه يشوف الاكل في يدك وتناديه تعال وتاشر له بالاكل مع الصبر كل شي راح يكون اوكي بالتوفيق يارب |
رد: استفسارات بخصوص ترويض الامازون
يوفاوي الكويت........... تسلم الله يعطيك العافيه ويبارك فيك
|
| جميع الأوقات بتوقيت GMT +3. الساعة الآن 10:54 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو