|
ياجماعه ساعدوني فرخ الدره يرجع السيريلاك
السلام عليكم ورحمة الله وبركاته
كيفكم ياجماعه أتمنى من اللي عنده أي معلومه لا يبخل علينا واللي ما يعرف شيء يدعي لنا ولفرخنا الفرخ كان أوكي بس من يومين خمول .. ما يستجيب مثل الاول .. من اول كان على طول يشوف الابره ياكل .. دحين ولا شيء ما يتحرك لو شافها .. من الاول يصيح لمن يشوفها دحين ولا شيء وأمس غرته وأتفاجئت قبل لا أنام أنه رجع كل السيريلاكـ شوفو لي حل يا جماعة الخير الله يسعدكم |
رد: ياجماعه ساعدوني فرخ الدره يرجع السيريلاك
انا كمان مثلك عندي فروخ دره وكانت تصايح وتاكل كثيرر وبعد يومين صارت خااامله جدا جدا وتقريبا نايمه طول الوقت ولا ترضى تاكل وحاطتهم بعيد عن الهواء والمكيف وانظف تحتهم مرتين في اليوم لاكن حالتها تزداد سوء الله يستر الي عنده حل للمشكله يقولنا |
رد: ياجماعه ساعدوني فرخ الدره يرجع السيريلاك
أتمنى من اللي يزور الموضوع يفيد الاخوان يا جماعه
|
رد: ياجماعه ساعدوني فرخ الدره يرجع السيريلاك
للاسف مابغى اضيق صدركم لكن الفروخ اللي تأتي من برى
سواء نيباليه اوهنديه وغير ذلك من الطيور تقابل بعنايه سيئه واهمال في الاكل ,الخ وانتوا عارفين ان الطير في هالمرحله العنايه فيه حساسه فمفروض اول مالواحد يشتري الطير انه يعطيه مضاد حيوي لمدة خمس ايام كوقايه لانه ممكن يكون حامل لامراض مثل السالمونيلا والكوكسيد وغيرها من الامراض الاعراض هذي اللي ذكرتها اذا تطور المرض الطير يبدى يرجع الاكل يفقد الشهيه وخمول ويتحول لون برازه الى الاسود وهذي هي اعراض السالمونيلا |
رد: ياجماعه ساعدوني فرخ الدره يرجع السيريلاك
طيب أخوي أدينا أسم المضاد الحيوي ...
|
رد: ياجماعه ساعدوني فرخ الدره يرجع السيريلاك
بالفعل اكثر الطيور الي ايون برع
خصوصا الدره الهنديه والدره النيباليه فيهم امراض .. وتعبانين بسبب سوء العناية .. انا ربعي كلهم خذو ذره نيباليه وكلهم ماتو عندهم .. ومن اسئل الناس كلهم يقولون مثل شي اشترو دره وماتو .. ... وفي واحد شترا له دره نيباله انتاج محلي يعني في بيت .. والحمدالله للحين عايشه وصارت اطير وتتكلم |
رد: ياجماعه ساعدوني فرخ الدره يرجع السيريلاك
يا أخوان أنا عندي نفس المشكلهـ
ياجماعه بدل ما تدخلو وتحطمو فينا وبيموت و و و ... أعطونا الحل طيب ؟ |
رد: ياجماعه ساعدوني فرخ الدره يرجع السيريلاك
شئ طبيعي يمكن الفرخ ما هضم الاكل
لأني انا كان عندي فرخ درة مطوقة صار له كم يوم ما أكل بس الحمدالله صار يأكل انتظر عليه شوي و راح يأكل يمكن شبعان انتظر و خبرنا شو صار لأن شئ طبيعي سبق و وضعت موضوع ردو لي الأعضاء يمكن شبع و انتظرت اليل و الحمدالله اكل لا تقلقو اخواني و اخواتي اتمنى اني افدتكم |
رد: ياجماعه ساعدوني فرخ الدره يرجع السيريلاك
السلام عليكم ياخوان للعلم السيرلاك ولا ينفع ولا شي الكل يفكر انه السيرلاك هو الحل انا خذيت اثنين والحمدلله كبرو عندي وكمل ريشهم لا وفيهم قوه غير طبيعيه من صغرهم ولو اقولكم الاكل يمكن تضحكون لاكن الفرخ الي عندي مقارنه بالي ياكل السيرلاك شي مو طبيعي يعني حتا الي شريته منه استغرب لما شافهم وماعطيته غير هالاكل الا وهو الحمص المبشور او المطحون الي بمحلات المكسرات او النخي الي في المكسرات والله تجربه والي حطو السيرلاك اكثرهم يشتكون هذا الي لاحظته ولكم الشكر
|
رد: ياجماعه ساعدوني فرخ الدره يرجع السيريلاك
هذي قائمه باهم الادويه من موضوع اخونا حب استطلاع
http://www.2zoo.com/vb/showthread.php?t=87359 وأنا ارشح الباي تريل مضاد قوي وفعال وان شاء الله خير |
| جميع الأوقات بتوقيت GMT +3. الساعة الآن 08:50 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو