منتديات تو زوو - فرخ آمآزون !

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - فرخ آمآزون ! (http://www.2zoo.com/vb/showthread.php?t=304663)

فرخ آمآزون !

آلسلآم عليكم

مرحبآ آخوآني في قسم آلببغآوآت . .

آنآ عندي فرخ آمآزون بلوفرونتد ، حصلت عليه من قريب . .

وعندي بعض آلـآسئلة عنه مآلقيت لهآ جوآب ، فَ آتمنى تسآعدوني مشكورين . .

آولاً آبغى آعرف عمره ، هو تقريباً نفس عمر آلي بآلصورة آو آكبر شوي

وطيرآنه مآعليه زين . .

http://img248.imageshack.us/img248/3238/8xxhrxjd.jpg

ثآنياً عندي مشكلة في غذآءه . .

آنآ يوم جبته لآحظت آنه يعرف يآكل بنفسه ، بس مآيبغى يآكل آي شي غير آلتفآح وحبوب دوآر آلشمس

عطيته بطآطس مسلوق وموز وكيوي وبيض مسلوق وخيآر وخبز وجزر وخس وحبوب حمص مسلوقة وطمآطم بس مآيرضى يآكل آي شي منهم ! بس تفآح ودوآر آلشمس

حتى آني شريت له درآي فود خآص بآلببغآوآت بس مآحبه !

فَ وش آسوي معه ؟ هل أعطيه آكل بآلـآبرة ولآ كيف ؟

وآذآ آيه آيش آعطيه بآلـآبره ؟

رد: فرخ آمآزون !

ابوي كيف انت شاريه وريشه بعده ما يكتمل ولا كيف
ثانيا اللي بالصورة اورنج وينج وليش بلوفرونتد

المهم تاكد اذا طيرك يحتا تاكله بالابرة جاول تشوف ليه سيريلاك حق طيور اذا ما حصلت ما في الا سيريلاك اطفال
خذ علبة على قمح

بس اذا الطير ما اكتمل ريشه اكيد يحتاج تغره بالابرة

رد: فرخ آمآزون !

اقتباس:

المشاركة الأصلية كتبت بواسطة الهاشم (المشاركة 2833948)

آنآ مآ آشتريته ، جآني هدية . .

وبآلنسبة للصورة فَ هي فقط لتحديد آلعمر ، ومآلهآ علآقة بِ نوع حقي . .

شكراً جزيلاً لك . .

رد: فرخ آمآزون !

السلام عليكم
اللي في الصوره ليس بلوفرونتد
بالنسبه للعمر الذي في الصوره كبير ممكن من سنه وثمانيه اشهر حتى سنتين والدليل شدة احمرار العين

رد: فرخ آمآزون !

اقتباس:

المشاركة الأصلية كتبت بواسطة بكاتشو (المشاركة 2834410)

وعليكم آلسلآم . .

آلصورة فقط لتوضيح لعمر ومآلهآ علآقة بنوع ببغآئي !!

وبآلنسبة للعيون فَ آنآ آيضاً ببغآئي عيونه حمرآء ، لكن كيف يكون كبير بآلسن وريشه مآكتمل ؟

رد: فرخ آمآزون !

يا اختي عادي خليه ياكل حبوب دوار الشمس ولا تعطيه تفاح كثير يسبب له اسهال

والابره الغر ما تعطيه الا اللي عمره شهرين وتحت اما اللي عندك كبير حول 3 سنوات حق انتاج

ولو تحطين له صوره افضل عشان نعطيك نوعه

اذا ماهو اليف انصحك تبيعينه لانك مو مستفيده شي

رد: فرخ آمآزون !

اقتباس:

المشاركة الأصلية كتبت بواسطة ::@عـشـقـي الكـاسـكـو@:: (المشاركة 2834976)

3 سنوآت :eek:

آنآ على بآلي فرخ كل هالوقت !

طيب مآدآمه كبير كذآ ليش ريشة مو كآمل ؟ هل هذآ مرض ولا فترة تغير ريش ولآ كيف ؟
الريش عنده بس في الراس وآلذيل وآطرآف آلأجنجة . .

وبآلنسبة لدوار الشمس ، آنآ قريت بأن كثرته مو زينة للببغآء ، هل هذآ صحيح . .

ويعطيك آلعآفية آخوي . .

رد: فرخ آمآزون !

اخوي حط صورة عشان نتاكد من العمر يمكن صغير بس ما اظن
وهل في حجل في رجله اذا في اكتب لي الارقام

رد: فرخ آمآزون !

السلام عليكم . .

أول شي مبروك عليج الببغاء وتستاهلينه ..

وثاني شي نصيحة حطي صورته عشان تستفيدين من ردود الاعضاء ويقطعون الشك باليقين بالنسبه اذ كان فرخ او لا ..

وشكرآ ..

رد: فرخ آمآزون !

وعليكم السلام ورحمة الله وبركاته

اهلين مشرفتنا المتألقه ,, منوره القسم

مبروك الف مبروك ع الهديه ,, تستاهلين كل خيـــــــــرر

من الصعب جدا تحديد عمر الامزونيات عن طريق النظره المباشره

فقط نستطيع نعطي احتمالات كبيره لكي نقرر ان عمره اقل من سنه او اكثر

وهذا يرجع على لون العيون وريش الطير

فكلما كانت العيون احمر غامق فهوا صغير بالعمر واقل من سنه

وكلما اصبحت لون العيون احمر فاتح الى برتقالي غامق اكبر من سنه

ومثل الي بالصوره فوق عمره اكثر من سنه

والافضل صوره للطير (( لا تخافي راح نذكر الله ومانطقه عين ^_& ))

~~

الاكل

الامزونيات والافريقيات بشكل عام تحب دوار الشمس والفول السوداني والتفاح

ودوار الشمس هوا وجبه اساسيه ومفيده جدا للطير ويقدر ان يعيش عليه لسنين

ولكن بينقصه الكثير من الفيتامينات ,, والتفاح مكمل ممتاز وخاصه لفيتامين أ المهم للطيور

اقتباس:

عطيته بطآطس مسلوق وموز وكيوي وبيض مسلوق وخيآر وخبز وجزر وخس وحبوب حمص مسلوقة وطمآطم بس مآيرضى يآكل آي شي منهم

كل الطيور الي ربيتها ماتاكل الي ذكرتيه ,, صحيح انه مفيد ولكن ماتحبه ,,

الجزر والخس ممكن تاكله اما الباقي صعب شوي ..

في طرق تساعد على حل مثل هذي المشاكل

الاولى تقدم على صنف واحد فقط

مثلا جزر فقط ولمدة 12 ساعه واذا الطير مااكل تغير الاكل له ..

نحاول نربط الجزر بحبل صغير ونعلقه بالقفص وهذا بيساعد الطير انه يبدا يلعب فيها ويقوم بالعض

وقد يعجبه الطعم وياكلها ..

ومااننصح هذي الطريقه للطيور الحديثه على المربي .. لان الطير ماراح يشعر بالراحه مع مربيه

وهذي بداية تكوين صداقه بين المربي والطير ولازم من المربي توفير الاكل المفضل للطير فقط

وبعد 3 اشهر نبدا معاه بالتغير ..

بعطيك بعض الاكلات المفضله للطيور

دوار الشمس >> وجبه اساسيه ويفضل اربع ايام بالاسبوع وباقي الايام بشكل دائم في الليل لانها ماتعفن

الفول السوداني >> ثلاث حبات كل يومين الى ثلاثه ايام ,, لانها عالية الدهن .

التفاح >> كل يومين وتعطيه ربع تفاحه ,, كثرته بشكل مستمر قد يسبب له اسهال (( اكرمكم الله ))

ذره مسلوقه >> كل الطير تحبه وهوا ممتاز ومفيد .. كل يومين الى ثلاثه ايام

الكامثرا >> بالاسبوع مره الى مرتين فقط

العنب >> بالاسبوع مرتين

الرمان >> بالاسبوع مرتين

الجزر >> بالاسبوع مرتين

الخس >> مرتين بالاسبوع (( مفيد لاحتوائه على الكالسيوم ))

ان شاء الله الطير راح يتقبلها

موفقه