|
سوال عن الكاسكو الافريقي (ارجو من اصحاب الخبره الدخول) ............
السلام عليكم ورحمه الله وبركاته
كيفكم ان شاء الله كلكم بخير وعافيه عندي ببغاء افريقي لون عيونه ابيض مصفر اليف مره ما يعض من ورا الشبك وماشاء الله تبارك الله عنده كلام وجمل كثيره مره بس المشكله انه ما يطلع على اليد ويخاف اذا دخلت ايدي من تحته بس ما يجعر وانا الحين احاول اولفه والحمد لله بدا يطلع على اليد بس المشكله صار ما يتكلم له يومين او ثلاث فـ السؤال متى يبدا يتكلم ويرجع زي اول هل تنصحوني اواصل التوليف ؟ وآسف على الاطاله واشكركم مقدماً تحيتي اخوكم خالد :) |
رد: سوال عن الكاسكو الافريقي (ارجو من اصحاب الخبره الدخول) ............
السلام عليكم خالد414 اعتقد انه وليف اذا على كلامك بس مرتعب من فكرة انه يركب على اليد عادي خالد حاول تمسح على راسه وكل يوم كل ماجيت جنبه شله وخذ لفه بالبيت ورجع رجعه مكانه وحاول انه ما يطير من يدك ويروح القفص علمه انه انت تنزله على الستاند او على الفقص عشان يتعلم على اليد ومايحس انه اتخوفه لما يكون فوق اليد وشوي شوي بتلاحظ التغيير تقبل تحياتي انت والجميع
|
رد: سوال عن الكاسكو الافريقي (ارجو من اصحاب الخبره الدخول) ............
هلابك اخوي فكتوري
تسلم والله على الاجابه بس ياطويل العمر هو ما يقبل امسح راسه الا اذا عض صدري (طبعاً ملابسي) وذا شلته من الارض لازم احط ايدي فوقه علشان ما يطير ويعطيك الف الف عافيه وماقصرت جزاك الله خير :) وبالنسبه للكلام ياليت احد يقولي :) |
رد: سوال عن الكاسكو الافريقي (ارجو من اصحاب الخبره الدخول) ............
الطير ياكل تمام وبرازة عزك الله فية اختلاف عن اول يعني اسهال ولا شي ويتحرك بالقفص ولا خامل؟؟؟؟؟
|
رد: سوال عن الكاسكو الافريقي (ارجو من اصحاب الخبره الدخول) ............
اقتباس:
لا يارب لك الحمد كل شي تمام والجو اللي حاطه فيه ممتاز جداً للطيور وللمعلوميه فيه كذا طير بنفس المكان والطير ياكل من اكله ويلعب بالشبك ويتشقلب فيه وياكل من ايدي بس من ورى الشبك ولا يقبل بالتحفيز اذا كان على ايدي (يرمي الاكل) واشكرك اخوي على الرد :) |
رد: سوال عن الكاسكو الافريقي (ارجو من اصحاب الخبره الدخول) ............
سبحلن الخالق العظيم
|
رد: سوال عن الكاسكو الافريقي (ارجو من اصحاب الخبره الدخول) ............
اقتباس:
الواحد اذا شاف شي غريب :D احسن شي يقول سبحان الله العظيم :D اشكرك يالغالي على المرور :) الرجاء اللي يعرف الجواب لايبخل علي بأنتظار ردودكم يأخوان :) |
رد: سوال عن الكاسكو الافريقي (ارجو من اصحاب الخبره الدخول) ............
اقتباس:
واذا جيت بتمسك راسه بس قرب يدك من راسه كأنك بتمسكه وخلها شوي بعدين وخرها بدون ماتمسكه كررها كم مره بعدين حاول انك تمسح على راسه بخفيف بس عشان يهدى ومايخاف لان هالشي جديد عليه واذا جيت تشيله حط ايدك عليه بس بشويش وخذلك لفه واثناء ما انت تمشي ارفع يدك عنه شوي ورجعها لين يتعود انه يثبت على يدك ومايطير بالنسبه للكلام هذا شي طبيعي يصير مع بعض الطيور مثل ماقال اخوي فكتوري لانه خايف ومب متعود شوي شوي بيروح الخوف وبيرجع يتكلم ان شاءالله هذا من تجربه شخصيه واتمنى اكون افدتك :) |
رد: سوال عن الكاسكو الافريقي (ارجو من اصحاب الخبره الدخول) ............
اقتباس:
جزاكِ الله خير الحمد لله هو بداْ يتقبل فكره الطلوع على اليد . اللي مخوفني الكلام طول ما تكلم ولا حتى يصفر . بس المشكله انه مره ما فيه توازن على طول اول ما اشيل يدي من فوقه يطب على الارض وش الحل برايك اشكرك على المرور والافاده :) |
رد: سوال عن الكاسكو الافريقي (ارجو من اصحاب الخبره الدخول) ............
كم له مايتكلم؟؟
بس مثل ماقلتلك دامه كان يتكلم ووقف بعد ماصرت تشيله فهذا ان شاءالله انه طبيعي وان شاءالله بيرجع يتكلم ويصفر مسألة وقت بس :) الحل انك تجلس على الارض وتوقفه على يدك بحيث يكون قريب من الارض وحاول انك تبعد المسافه شوي شوي ويدك شوي حطها عليه وشوي وخرها تدريجياً لين يتعلم انا اتوقع انه هو بس خايف لانه شي جديد عليه وان شاءالله بيتعود :) |
| جميع الأوقات بتوقيت GMT +3. الساعة الآن 04:48 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو