تجربتي الأولى في تربية البلبول .. ارجوا الافادة
 

السلام عليكم

اخواني البارحه شريت فرخ بلبول عمر اسبوعين

حاليا اغره علف ( طعام البلابل العادي بس مع ماي )

واليوم غريته بريد ..

المهم ابغى اعرف وش اغره شي غير بحيث ينمو بشكل اسرع ويكون افضل مستوى بالمستقبل ؟

يصير اغره موز أو تمر ؟

وهل فيه اطعمة تحسن مستوى التغريد ؟

هذي نقطة

النقطة الثانية التدريب .. متى ابدأ بتدريبه ؟
مثلا اذا ناديته يجيني طيران .. او اذا سويت تغريدة معينة يرددها معي وهكذا

انا قلت اسمعه تغريد للبلابل من الحين .. هل هالطريقة تعتبر عمل تدريبي بالنسبة للتغريد ؟

اخيرا هل استطيع تدريبه على الخروج خارج المنزل دون الهرب ؟
يعني اقدر اطلع به برا الشارع ومايهرب

أي نصايح اضافية اكون شاكر لكم

رد: تجربتي الأولى في تربية البلبول .. ارجوا الافادة
 

النقطة الاولى لاتقربه من مكان بارد
النقطة الثانية لاتحاول تروشة او تخليه يتروش
النقطة الثالثة حافظ على نظافة المكان اللي حاطة فيه
النقطة الرابعة لاتملي حوصلته ب الاكل خل فيه مكان شوي عشان يمديه يهضم
النقطة الخامسة حاول انك تطلعه ب الشمس ب الصباح او ب العصر مفيد لعظامه وريشةومفيد عشان يذبح الحشرات اللي تكون داخل الريش

واي استفسار عن البلابل لاتتردد و انصحك تشغله نغمة نوكيا هذا الرابط حقها

http://www.youtube.com/watch?v=4wi2Or-QqxI

رد: تجربتي الأولى في تربية البلبول .. ارجوا الافادة
 

مشكور اخويي ماقصرت رحم الله والديك

راح ابشركم بكل جديد ان شاء الله

رد: تجربتي الأولى في تربية البلبول .. ارجوا الافادة
 

ننتظر جديدك + ممكن تعلمني كم وصلت اسعار الفروخ