|
ببغائي اصبح لا يطاق !!
السلام عليكم ورحمة الله
تحية طيبه وبعد ببغائي ولله الحمد اكمل السنة الخامسة معي شريته وعمره 8 شهور وكان مصيود ومتوحش وهو كاسكو افريقي من الكونغو والحمدلله مع مرور الوقت اصبح "حمامة" معي ما اطول عليكم قبل سنه سافرت لمدة عام وتركت ببغائي عند شخص معه ببغاء مكاو بعد مارجعت ورجعت ببغائي والحمدلله لازال يعرفني واليف معي لكن المشكله انه رجع له ببغاء بمكينة ديك صراخ وزعاق مثل المكاو بالضبط المشكله ان بباله انه قاعد يغرد الحين حاولت معه بكل الطرق انسيه بالترغيب والترهيب. صرت اذا زاعق دخلته غرفه مظلمه نصف ساعه لكن من اطلعه يبدا يزاعق من يشوفني "يعنني ترحيب" الزبده طولت عليكم. راسي انفجر منه وفكرت ابيعه بس قلبي موب مطاوعني ابد لاني احبه وبيننا عشره 5 سنوات موب بسيطه😔 اتمنى اجد حل يريحني من هالمشكله واسف على الاطاله. واذا فيه اخطاء اعذرونا قاعد اكتب من الجوال |
رد: ببغائي اصبح لا يطاق !!
بلغ على المكاو الي دشر طيرك :D والله مدري شــ قولك يا خوي الصدق لاكن الله يعينك عليه |
رد: ببغائي اصبح لا يطاق !!
اميين
شكرا اخوي روبن هود |
رد: ببغائي اصبح لا يطاق !!
وعليكم السلام ورحمة الله وبركاته من الخطاء ان يجمع بين المكاو والافريقي او غيره في مكان واحد وخصوص المكاو معروف بالازعاج مشكله الطير اذا تعلم الزعيق والصفير وبالعمر هذا لم يصرخ خليك جاد معه بصوة عالي (عيب ) وكل ماصرخ كررها له جرب طلعه خارج القفص وقت كافي ورجعه واذا مفاد معه غط القفص بشرشف ومعه التكرار ان شالله يهداء |
رد: ببغائي اصبح لا يطاق !!
الله يجزاك خير اخوي اسير
ان شا الله باجرب الي قلته لي |
رد: ببغائي اصبح لا يطاق !!
الحل تحفظه صوت جديد غريب يعلق عليه ويكون أهون
|
رد: ببغائي اصبح لا يطاق !!
اقتباس:
كلام سليم 100%100 الحل تحطه عند احد عنده كاسكو متكلم او تجيب له طير تخليه جنبه يكون طير هادي وتغريده حلو مافيه ازعاج وحرام عليك تفكر تبيعه بعد عشرت العمر خمس سنوات الحين المفروض تفكر تدور له بنت الحلال زوجه لان عمره في ريعان الشباب وصدقني شعور واحساس رهيب جدا لما تشوف عياله وتربيهم متعه لا توصف تمنى لك التوفيق |
رد: ببغائي اصبح لا يطاق !!
فعلا كلام الشباب سليم
اعطيه جمله جديده وراح ينسى الصراخ لن الصراخ الي عنده في نظر الطير انه كلام جديد والافريقي مجرد مايكسب كلمه جديده يصير يرددها طول الوقت وهذا هو الي حاصل معك . تحياتي |
رد: ببغائي اصبح لا يطاق !!
الميرينغي وشراره وسمو الاحساس
كلامكم شجعني واشكركم الله يجزاكم خير باحاول احفظه كلمات اكثر مع انه الان معي شهرين بعد مارجعته وحفظ كم كلمه. لكن لازال الصراخ معه |
رد: ببغائي اصبح لا يطاق !!
وعليكم السلام ورحمة الله وبركاته
انا كان معاي كاسكو 6 اشهر كان تمام التمام جبت للبيت بادجي وتعلم منه التصفير وبد شهرين استغنيت عن البادجي ظل الكاسكو يقلد البادجي لفتره طويله جبت له امزوني للبيت تعلم منه تصفيره وبعض كلامه ونسى تصفير البادجي بعد شهرين .... اقترح لك تجيب له بادجي او كروان قريب منه وراح يتعلم منه تصفيرات حلوه وراح ينسى زعيق المكاوو والله أعلم بالتوفيق |
| جميع الأوقات بتوقيت GMT +3. الساعة الآن 08:25 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو