|
بخصوص طيوري الجديدة
السلام عليكم ورحمة الله وبركاته
أنا إشتريت ١٠ أزواج بادجي بالغين و٣أزواج غير بالغين ، كنت زمان جامعه الي عندي (القديمين) في قفص كبير وكلهم بالغين لكن بد بحثي في النت عن الفرق بين التربية الجماعيه والفردية رأيت بأن الفردية أفضل وغيرتهم بعد ماكانوا في قفص كبير كلهم إشتريت أقفاص كثيره كل زوج في قفص من البالغين. والغير بالغين جمعتهم في القفص الكبير! البالغين الجدد اللي إشتريتهم للأسف لاأعرف كيف أفحصهم وهل بهم أمراض أم لا لأني مبتدئه و قليلة خبره بتربيتهم وإلى الأن لم يتم الإنتاج عندي لأني حتى وإن طالت المده اللي ربيتهم فيها ليس لدي القدر الكافي من المعلومات بشأنهم! فبعد شرائي لهم عرفت أن كثير منهم فيهم تقصف في الذيل! ماهذا المرض؟ وكيف يتم علاجه؟ وأيضاً واحده من الإناث لاحظت أنها غير مرتاحه بعد وضعها هي وذكرها في قفص لحال تأخذ طعامهم من المأكله وتنثره في الأرض وتتحرك كثيراً يمين ويسار طول الوقت على هذا الحال مالسبب؟ ومالحل؟ وهل من نصائح لجعلهم ينتجون؟ وتربيتهم تربيه ناجحة؟ أرجوا الإجابه على أسألتي وشكراً ملاحظه: سبب شرائي لهذا العدد من البادجي وأنا مبتدئه (ليس لدي خبره كافيه) لتشجيعهم على الإنتاج ولزيادة إطمئنانهم لقربهم من بعض مثل المحلات تماماً! |
رد: بخصوص طيوري الجديدة
وفي سؤال نسيت أسأله:
كيف أخليهم يحبون الخضروات لأني أقدمها لهم وماياكلوها أبداً . مع العلم إنه القديمين كملوا سنه عندي وماأنتجوا لسا إيش السبب؟! |
رد: بخصوص طيوري الجديدة
مراحب lorelored اختيارك لتربية وانتاج طير البادجي هو اختيار موفق كمبتدئة في عالم الطيور لكن دخولك بهذا العدد الكبير كان يجب ان تستشيري قبل اتخاذ هذه الخطوة ... صعب التحكم بهذا العدد والعناية كذلك كمبتدئة الفرق بن التربية الزوجية او الجماعية ...ان الزوجية لانتقاء الوان ومواصفات معينة اما الجماعية فالغرض منها انتاج عدد اكبر ... يوجد اكثر من موضوع يتحدث في قسم المواضيع المثبتة بخصوص انتاج البادجي ... بخصوص الخضروات ...البادجي يفضل الخضار الورقية مثل الخس الكرفس البقدونس والجرجير لكن بكميات قليلة ...لتعويد الطير ...يجب تقليل الحبوب حتى يتعود على هذه الاشياء ...كذلك الصامولي المبلول يلعب دور في تعذية البادجي ... ان كان لديك اي اسئلة ..فيسعدني الاجابة تقبلي ردي مع كل ودي |
رد: بخصوص طيوري الجديدة
لقد افادك الاخ الامبراطور لكن فقط بالنسبة لحالة الانثي التي عندك فهي عادية و حالتها بالعكس تبشر بالخير فهي جاهزة و تريد الانتاج ان كان كيرها بني و هي متوالفة مع ذكرها ضعي لها البياضة و ستختفي عادة نثر الحبوب بالتوفيق ان شاء الله
|
رد: بخصوص طيوري الجديدة
الله يجزاك خير على الرد يا أخ (الإمبراطور)
أنا عند إختياري للطيور الجديده أشوفها سليمه ظاهرياً ونشيطه لكن الي ماأعرف أفحصها هي الأمراض الداخليه اللي مي ظاهره فقط! في زوج لاحظته بعد وضعهم في قفص لحال أصبحوا خاملينما السبب؟ مع إن الجو معتدل وأكلهم وشربهم موجود وكل شئ تمام من حالهم كذا صاروا خاملين للأسف ومالحل معاهم؟! طيب تقصف الذيل إيش معناته؟ هل هو مرض خطير أو يسهل علاجه أو هو عرض من أعراض مرض أو إيش؟ معليش أبغى فكرة عنه؟! وسبحان الله من ناحيتي لاحظت إن التربيه الفرديه الأنثى تدخل العش بسهوله بعكس الجماعيه آخر ماتفكر فيه العش! أنا أبغاهم ينتجون بأي طريقه وشرائي لهذا العدد لإطمئنانهم ولكثرة إنتاجهم! فهل صحيح إن التربيه الجماعيه لإنتاج عدد أكبر؟! هم متقابلين حاطتهم جمب بعض بس الفرق كل زوج في قفص لحال! أتمنى تجاوبني والله يجزاك خير ومعليش طولت عليك أعذرني! |
رد: بخصوص طيوري الجديدة
الله يبشرك بالخير يا أخ(أمين بادجي) على الرد والخبر الجميل!
مع العلم إنه كيرها موبني لسا أبيض. وعلى قولك الحمدلله أول ماحطيتلها البياضه راحت تتفحصها الحمدلله الله يجزاك خير وألف شكر عالمعلومه! |
رد: بخصوص طيوري الجديدة
وعليكم السلام ورحمة الله وبركاته
ماشاءالله الله يباركلك فيهم بس أتفق مع كلام الأخ الإمبراطور العدد كبير ماشاءالله لمبتدئة كان أحسن لوبديتي بزوج أو بزوجين بالكتير وبعد ماتكتسبي الخبرة تزيديه بس دام أشتريتي الله يعينك وإن شاءالله موضوعات المنتدى حتفيدك في تربيتهم وكمان الأعضاء الله يسعدهم مايقصروا أما عن توزيع الأزواج على أقفاص دا الأفضل ولأسباب كتيرة منها تحددي الألوان وتقللي من الشجارات بين الدكور وبالتالي تقل نسبة الإصابات أو الخسارات كمان يصير سهل عليكي فحص الطيور ولوفي أي أعراض مرضية تكتشفيها من بدري بعكس الجماعية ممكن ماتركزي مع كثرة الطيور وحركتها أما عن سؤالك بخصوص فحصهم في علامات خارجية راح تبينلك لوالطائر مريض أو لا عندك المظهر العام للطائر الريش مصطف ومرتب مافي إصابات ومافي افرازات الله يكرمك على المنقار مافي فضلات الله يكرمك في منطقة الإخراج والفضلات ماتكون سايله وكتيرة وممكن تعرفي من أرضية القفص الطائر مايكون منفوش الريش ولا خامل ولا قليل الأكل أو يكون في أرضية القفص لأن دي علامات المرض الحك المتسمر دليل وجود حشرات زي القمل وقوف الطائر على رجل يدل على وجود مشكلة أتمنى ماكون نسيت شيء أما عن تقصف الديل لوممكن ترفقي صورة وبخصوص تربيتهم تربية ناجحة عليكي بتوفير الهدوء لهم وتحطيهم في مكان بعيد عن الحركة الكتيرة والإزعاج ماتعرضيهم للتيارات الهوائية الباردة عشان مايمرضوا وتحطيهم في مكان فيه تهوية وضوء شمس بس مومباشرة يموتوا وانتبهي يكونوا في مكان يكون سهل على الطيور المفترسة افتراسهم لأني خسرت أنثى بسبب غراب سحبها من القفص تشتري فيتامين ينحط في المشربية 5 نقط كل 5 أيام كمان الكالسيوم تركبي لهم عظمة الحبار لأنها ضرورية لعظامهم وكمان للبيض مستقبلاً دي تتعلق في القفص على طول تنوعي في الأكل خضار وفواكة وبيض بالبقسماط والعيش المنقوع والقمح المنقوع بس تنتبهي كترها يضر الطيور مايفيدها يعني مرتين في الإسبوع تمام ولازم تغسلي الخضار والفواكة كويس وتجففيها قبل ماتقدميها للطيور وكمان انتبهي يختلط الأكل أو الشرب بفضلات الطيور وفي وجبات تنحط بداية اليوم وآخر اليوم تنشال لأنها تفسد سريع كمان اهتمي بنظافة القفص والطيور وممكن تروشيهم لأنهم يحبوا الترويش واستخدمي الشبك عشان يفصل الطيور عن أرضية القفص وإحتكاكهم بفضلاتهم الله يكرمك معليش طولت عليكي الرد بس حاولت أختصرلك المواضيع في نقاط تساعدك في تربيتك ولوفي شيء موواضحلك أو عندك سؤال أنا في خدمتك |
رد: بخصوص طيوري الجديدة
الله ينور عليك ياأخت(Besa ?) على ردك الحلو والمفيد واللي عجبني كثير!
ههههه بالعكس أنا اللي المفروض أقولك تعبتك معايا الله يجزاك خير! الحمدلله بعض الأشياء مسويتها لهم من أول وأعرفها مثل الفيتامينات ونظافة القفص وأكلهم وشربهم وعظم الحبار و ضوء الشمس بشكل غير مباشر وأعرف إنه التيارات الهوائيه تضرهم لكن اللي ماعرفته إلا منك هو الوقوف على رجل وحده يدل على مشكله! الله يجزاك ألف خير عالمعلومات لكن ممكن تعلميني إيش هي المشكله عشان أحلها لأن في وحده منهم بين فتره وفتره توقف على رجل وترفع رجل؟! وبخصوص تقصف الذيل يكون مثل شكل سعف النخله هههههه مانزلت الصوره عشان يتحركوا كثير خصوصاً إذا قربت منهم! سعف النخله أكبر مثال هههههههه! وبالنسبه لوجبات البيض والخضروات وغيره أحطلهم منها طبعاً بعد غسلها لكن ماعمرهم أكلوا منها يعني مايحبوها إيش السبب؟ وكيف أحل هذي المشكله؟ وبخصوص الشبك الحمدلله محطوط من يوم ماإشتريت الأقفاص الله يسلمك والنظافه الحمدلله دايماً أنظف أقفاصهم! ولكن العصفورين اللي قلت صاروا خاملين في أرضية القفص أول مرره ماعرفت إيش السبب لكن بعدين إكتشفت إنهم الله يكرمك معاهم إسهال وللأسف ماإنتبهت له بدري اليوم لقيتهم ميتين للأسف! أستغفر الله العظيم وأتوب إليه! وأنا عشان كنت حاطه أقفاصهم جنب بعض خايفه يكون عدوا اللي جنبهم! عشان كذا يصير أجيبلهم دوا الإسهال من البيطري وأحطه لهم إحتياط؟! عشان مايكون إتنقلهم ويموتوا مثل اللي قبلهم؟! لكن أظن إنه عادي صح؟ وبخصوص خشونة الكير هذا إيش معناته؟ وهل له علاج؟ وآسفه على الأسئله الكثيرة لكن الله يجعله في ميزان حسناتك وسعادتك في الدنيا والآخره إنتي وجميع اللي ردوا لإفادتي ولإنقاذكم أرواح بهالمعلومات وشكراً كثير! |
رد: بخصوص طيوري الجديدة
اقتباس:
|
رد: بخصوص طيوري الجديدة
الله يسلمك ويسعدك
بخصوص الرجل أنا مرت عليا حالتين في طيوري أول حالة كانت لأنثى عندي وأنحلت الحمدلله أتوقع السبب كان يرجع لجفاف بالرجل مع الإحتكاك بالخشب بس دهنتها بالفازلين وغيرت المجثم للبلاستيك مؤقتاً بس لأن الخشب مفيد لهم في برد المنقار والأظافر أما تاني حالة كانت لدكر وكانت أول حالة عشان كدا فكرتو شيء طبيعي بس كانت الأصعب حبوب في الرجل وأكتشفت متأخر إنو عنقز وبعدها صار ينزل دم ومات بس لمن عرضتو على بيطري قبلها قالي في تطعيم ضد العنقز بس بعد الإصابة مافينا نسوي شيء ولوبتساعدي الطائر إنك تفقعي الحبوب بإبرة معقمه بالنار وبعدين تحطي البيتادين وبس وعفكرة هوا معدي للشخص اللي ماجاه قبل لكن من فترة لفترة وبشكل طبيعي دي عادي وأقصد بالطبيعي ماتكون حركة رفع وإنزال الرجل سريعة وأنتي لوماعندك خبرة حتى راح تحسي في مشكلة أصلاً وبخصوص الأنثى عندي أنثى تسوي نفس الشيء ومع إنو منقارها أبيض لسه قد باضت بس كانت مومخصبة بالنسبة للخضروات علقي ورقة خس أو جرجير بمشبك ورق في القفص وخليها في النص بينهم أما عن الجزر ممكن تبشريه وتخلطيه مع البيض بالبقسماط وفي وصفة لعضو في المنتدى عجبتني وأقرب وقت حجربها إن شاءالله سهلة ومغديه والله يعوضك خير في اللي ماتوا ولاتحطي دوا للي كانوا قريبين منهم بس هوي المكان ونظفي قفصهم بس لوكان في علامات لمرض هنا لازم تحطي وكل ماكان العلاج بدري صار الشفاء أسرع بإذن الله وخشونة الكير في الطبيعي منها وفي لا الطائر وهوا صغير منقارو ورجولو تكون ناعمة بس كل ماكبر زادت خشونة وهدا الطبيعي أما اللي موطبيعي اسمو القشف أو الجرب ويكون عالمنقار والرجول وشكلو يكون مقرف وعلاجو مرهم الكبيريت بس ممكن يأكلو الطائر وهوا موآمن بس من تصفحي لقيت البديل مرهم العين البشري ودا آمن ومافي منو خوف إن شاءالله ولا تتأسفي وأي شيء ماتعرفيه أو في شيء واجهك لا تستحي دي أرواح وأمانة عندنا لازم نراعيهم والله يتقبل منا ويعينا على الرفق بهم |
| جميع الأوقات بتوقيت GMT +3. الساعة الآن 03:19 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو