منتديات تو زوو

منتديات تو زوو (http://www.2zoo.com/vb/index.php)
-   سؤال وجواب لقسم هواة الببغاوات (http://www.2zoo.com/vb/forumdisplay.php?f=73)
-   -   هل أقوم بنتف الريش المتقطغ (http://www.2zoo.com/vb/showthread.php?t=353049)

الريشاني7557 08-06-2015 11:32 PM
هل أقوم بنتف الريش المتقطغ
 
شباب عندي كاسكو عمره تقريبا 8 اشهر اليف جدا معي الى درجة خياليه ماشاء الله الان يصفر ويتخبط بالكلام وماياخذ راحته الا اذا هو معي وامسح راْسه بس اي شخص اخر يقترب منه او مني بيقطع أيده السؤال هل هذه الميزة حلوة اني أربيه بس يتعود عليا انا فقط او لا الشي الثاني احبتي الكرام فيه ثلاث ريشات من ذيله وبعض من جناحه مكسورات من الرأس هل اخليهم لين يبدل ريشه او أقوم بنتفهم على اساس يردوا مرة اخرى ويطير شوي لكم مني كل التقدير

رآبت 09-06-2015 12:43 AM
رد: هل أقوم بنتف الريش المتقطغ
 
اذا مقصوص غلط ومو راضي يطلع وينمو لازم تنتف ..

بخصوص الولافة انت وطريقتك لو تبيه بس يولف عليك خلك مثل ما انت

لو تبيه يولف مع افراد العائلة بعد حاول تخليهم يخالطونه ويكلمونه وشوي شوي راح يتعود معاهم

AVOCADO 09-06-2015 09:48 AM
رد: هل أقوم بنتف الريش المتقطغ
 
اهم شي لا تحاول تنتفها له وهو يشوفك , لان من المحتمل ياخذ موقف سلبي منك ويتغير عليك

لذلك اجعل شخص خبير غيرك ينتفها , في حين ان تكون انت غائب عن نظره تماما

وبعد النتف ادعم الطير بالغذاء المنوع والمفيد لنمو ريش اسرع وافضل

الريشاني7557 09-06-2015 12:31 PM
رد: هل أقوم بنتف الريش المتقطغ
 
مثل شو الاكل ووين اجد خبير نتف في الامارات

مجنون فلته 11-06-2015 04:34 AM
رد: هل أقوم بنتف الريش المتقطغ
 
السلام عليكم

اخي الريشاني اذا مالقيت من ينتف ريش الطائر تقدر تنتفهم بنفسك

ولكن ملاحظه ضروريه بعد النتف مباشره هدى الطير وامسح عليه فتره

ولاعبه لمى يرجع طبيعي تحمل انك تنتف الريش وتترك الطير بدون ماتهديه

بالتوفيق

روجيادا 18-06-2015 08:07 AM
رد: هل أقوم بنتف الريش المتقطغ
 
اخوي خلي الطير يولف ع حد غيرك من البيت عشان لو اضطريت تروح مكان يقدروا يتعاملوا معاه وعشان الطير مايرزعل ويرفض ياكل
وبالنسبه للريش لو ف امكانيه انها تتبدل تلقائيا وقت تبديل الريش ف خليهن بدل تعب ووجع النتف اما اذا لازم تنتفهن خلي حد يمسك الطير بمنشفه ويغطي وجهه وبعدها روح انت وانتفهن ولو تنزل صور الريش يكون احسن عشان نشوف اذا ف امكانيه يطلع الريش وحده

الريشاني7557 18-06-2015 12:55 PM
رد: هل أقوم بنتف الريش المتقطغ
 
شكرًا جزيلا الريش مقطوع شي بسيط من اخر الريشه الذيل والجناح

روجيادا 21-06-2015 11:45 AM
رد: هل أقوم بنتف الريش المتقطغ
 
اخوي دام شي بسيط من نهايه الريشه خليها بس يبدل ريش بيطلع ريش كامل واحلى حاول وقت تبديل الريش تعطيه فيتامينات وتهتم بالتغذيه زياده عشان يطلع ريش قوي ولامع مع الاهتمام بحمام الشمس والترويش

الريشاني7557 22-06-2015 11:41 AM
رد: هل أقوم بنتف الريش المتقطغ
 
شكرًا بس سو الفيتمينات وين احصلها طيب ومتى يبدل الريش عادتا اي شهر من عمره مع الف شكر


جميع الأوقات بتوقيت GMT +3. الساعة الآن 08:37 PM.

Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو