|
حصلت قطه تايهه .. ساعدوني
السلام عليكم ورحمه الله وبركاته اسعد لله صباحكم /مساءكم .. الموضوع باين من عنوانه ... انا حصلت بحوش البيت قطه تعبانه وهزيله ومتوسخه وفيها جروح على جسمها وتعرج وتنوي بصوت حزيييين جدا عطيتها حليب واكل .. وانا اقول ان ماتت اكون اديت الي علي .. لكن الحمدلله صارت انشط وتتمشى بالحوش مو زي اول يوم .. عاد كل يوم اجي القاها مجروحه .. وحاسه بالمسؤليه تجاهه خاصه انها التجات لي ومادري وشلون اساعدها .. فريت النت كله اقراء عن القطط وامراضها وكل كل شي طبعا انا اعطيها حليب ودجاج ولحم مطبوخ .. وصارت احسن الحين وماتعرج وصارت تنضف نفسها بس ابي اعرف اذا هي مريضه او بس هزل من الجوع والتشرد .. لني ماقدر اوديها لعياده بيطريه انتظركم بفارغ الصبر :( |
رد: حصلت قطه تايهه .. ساعدوني
الله يجزاك الف خير اختي وان شاءالله تدخلين الجنه بسببها
بما انها بدات تاكل وتنشط اتوقع اللي فيها من الجوووع والعطش والحر انتي خلي لمويه دايما قدامها واعطيها اكل زين وان شاءالله شوي شوي بتتحسن وطمنيني عنها |
رد: حصلت قطه تايهه .. ساعدوني
شكرا جزيلاً لك
والله عملت معروف ومو اي احد بيقدر يسوي كدا تحياتي |
رد: حصلت قطه تايهه .. ساعدوني
الله يعطيك العافيه
وزي ما قالة دلوعة قطوتي لازم توفر له المويه |
رد: حصلت قطه تايهه .. ساعدوني
الله يعافيك ويسسسلمك يارب على الي تسوينه في هالمسكينه , امم القطط المريضه يبـان عليها المـرض من نظره عيونها تكون ذبلانه وتعبانه صوتها مبحووووح ومتقطع مشيتها مو مضبــووطه تغيــر لون أجزاء منهـا مثل الكفوف او بياض العين او اللثـه ظهور تغيرات في الجللد والشعرر وكويس انها تتحسسن بس قللي الحليب شوي لان ممكن يتعب معدتها وكثري لها من المــاي والجروح ان قدرررتي تقربين من القطوه .. عقمـي جروحها ببيـتادين أو أي مطهــر والله يووفقك يارب :) |
رد: حصلت قطه تايهه .. ساعدوني
يعطيكم العافيه كل الي ردو على الموضوع .. اكيد هذي روح ونفس واول شي آمانه لازم اسلمها لصاحبها
واخص بالشكر الاخت sisi_moon ..ماقصرتي بس بثقل عليك شوي بصراحه انا ماشوف فيها شي غريب غير الجروح الي اعتقد انها ناتجه عن شجار مع قطط الشوارع .. عيونها تلمع .. مشيتها تمام .. مع انه قبل كانت تعرج بس تحسنت فمها سليم مافيه لا التهاب ولا تسوس يدينها ورديه .. الملاحظه انه لها خرخره وهي تتنفس .. مادري اذا كان زكام او مجرد صوت يصدر منها وابي اعرف كيف احدد جنسها انثى ولا ذكر .؟ عشان نزلت اعلان عنها بمنطقتي وفيه شخص قال انه فقد قط ذكر من تقريبا سنه وكم شهر .. وكان يبلغ عمره 3 سنوات وجاب له صور بس انا احترت مادري اذا هي نفسها او لا الي يقدر يساعدني بهالشي اكون ممنونه له |
رد: حصلت قطه تايهه .. ساعدوني
هلا اختي لا شكر على واجب عيووني :) بالنسبه للصـوت مدام صحتها زينه ومافيها شي . . يعني هالصـوت دليل على الراحه والإنبسااط وأما عن التفرقه بين الجنسين اليمين : ذكر وتلاحظين تباعد الفتحتيــن .. وبالوسط توجد خصيــات .. ومدام القط الي عندج كبيرر يعني بتكون الخصيات كبيره وواضحه اليسار : أنثى والفتحتين متقااااااربتين ومافيها خصيــات وهذا صوره ثانيه نفس الشي اليمين ذكر واليسار أنثى وبالتـوفيق يارب .. وان شاءالله تكــون هي المفقــوده وتسلمينها لصـاحبها :) |
رد: حصلت قطه تايهه .. ساعدوني
اقتباس:
آمين يارب وياك ان شاءالله الحمدلله عرفت احدد الجنس "طلع ذكر" وله اثداء خخخخخ والله ماقصرتي معي وتستاهلين كل خير |
رد: حصلت قطه تايهه .. ساعدوني
عندي صور لقطوين .. الاول من سنه وست اشهر << وعمره وقتها ثلاث سنوات http://www12.0zz0.com/2010/06/08/05/959030452.jpg http://www12.0zz0.com/2010/06/08/05/600239909.jpg والثاني جديده قبل يومين http://www12.0zz0.com/2010/06/08/05/295480312.jpg http://www12.0zz0.com/2010/06/08/05/791603222.jpg اولاً ..مانوع القطين هنا ؟؟ هل هن لنفس القط ؟؟ ...لكن التغيرات حدثت بعد مرور سنه ....؟ والي لاحظته هو لون الشعر الغامق على الانف "بين العينين" كثير هالموضوع مقلق راحتي :( |
رد: حصلت قطه تايهه .. ساعدوني
اللون الغامق اللي بين العيون امسحيه بمويه دافيه مع قطن او شاي دافي بدون سكر ويرووح
اكيد اهلها يدورونهاسوي اعلان نوع القط بين الشيرازي والامريكي الله يرجعها لاهلها |
| جميع الأوقات بتوقيت GMT +3. الساعة الآن 01:56 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو