|
شاركونا بتصرفات طيوركم ذكائهم مواقف مضحكه
السلام عليكم ورحمة الله وبركاته عندي هالموضوع الصغير اتمنى من الجميع المشاركه :freind: الفكره بسيطه ولا اعلم ان كانت مكرره ام لا الفكره انه كل عضو/عضوه عنده مواقف مضحه عن طيوره يكتبها لنا واللي عنده فيديو يكون أحلى واحلى شاركونا بتصرفات وذكاء طيوركم انا اولا ببدا بطيوري مره كنت طالعه برا ومخليه قفص الطيور مفتوح يتجولون على كيفهم وحاطتهم بالحمام ( وانتم بكرامه ) عشان لا يوسخون وطفيت انوار الغرفه كلها وفتحت شوي الشباك والطيور اجنحتها مقصوصه ورحت دوامي شوي وتتصل ع لي امي ههههههههههههههه انتي مطلعه طيورك؟!!! بعدين لاتجلسين تصارخين على اخوانج لما يمسكونهم :wao: ماشاءالله عليهم طلعو ودخلو للغرفه وربكبو فوق الكنب وطلعو من الشباك خخخخ مايصدقون يلقون لهم منفذ عشان يهربون يلا يا اخواني واخواتي انتظر مشاركاتكم |
رد: شاركونا بتصرفات طيوركم ذكائهم مواقف مضحكه
وعليكم السلام ورحمة الله وبركاتة
موضوع جميل وفكرة رائعة ---------- اشتريت زوج كروان وكنت كلما اجي ابغى ابدل الاكل او الماء يجيني الذكر يبغى يعضني او يهاجمني (كنت اعتقد انه متوحش!! واذا قربت اصبعي راح ياكله ههههه) المهم بعد تقريبا اكثر من اربع شهور دخلت يدي بالقفص وقلت خلني اجرب اروضة حتى لو عضني راح اتحمل الطير شفتة وقف على اصبعي!!!! وجلس يغرد تغريد جميل جداً (اول مرة اسمعة!!) وطلع عندة كلام!!!!!! يقول: بوسة بوسة هههههههه من جد ماني مصدق ان الطير الوحشي طلع تربية ولا!! يتكلم بعد |
رد: شاركونا بتصرفات طيوركم ذكائهم مواقف مضحكه
اقتباس:
ماشاءالله تبارك الرحمن حلووو الله يبارك لك بطيرك هذا وبكل طيورك وشكراً لك على المشاركه الجميله يسعدني مرورك اخي العزيز وننتظر مواقف الباقين وموقفك مع طيرك يعلمنا اننا مانتردد عند طيورنا ولا نخاف :freind: |
رد: شاركونا بتصرفات طيوركم ذكائهم مواقف مضحكه
وعليكم السلام ورحمة الله وبركاته
انا عن نفسي عندي كثثثثثثثثثيييييييييير مواقف مع دودي,منها مثلا:1-كنت في مره حاولت اعلمه طيران حر وانا ماعندي خبرة كافيه فيه,فتحت الدريشة وحاولت اعوده على منظر الشارع, ولا احسه يبص في عيوني وفي الشارع,عيوني والشارع,عيوني والشارع, ولا فجأة يطير مني على جراش السيارات!!!!!!!!!!!!!!!!!!!!!!!!!!!!!!! وانا تفاجأت منه بس عموما نزلت اجري ولا الاقيه واقف تعبان لان الهواْ كان شديد جدا وما عرف يطير فيه, ولاقيت قطة(قطوة) تبي تاكله وانا بصراحة اول ما شفت المنظر تحولت الى كينج كونج في طريقتي وياها !!!!!!!!!!!!!!!!!!!!!!!!!!!!!!! بمعنى:(رغم ان هذه مو طريقتي مع اي حيوان) في البدايه وهي بجانبه,سويت لها اصوات تخوف وبعدين جريت وراها وضليت ارمي عليها اي شيء ممكن وضليت على هذي الحالة وانا ماني حاسس!!! لجيتني في اااااااااااااااااخر الشارع ودي في اوله عند الجراش ورحت عليه لجيت رجال طيب ماسكه وهو يعرفني لللللللللين ما اني جيت. ومن هذه الحادثه ما فكرت اني اعلمه طيران حر ثاني. وتقبلوا مروري |
رد: شاركونا بتصرفات طيوركم ذكائهم مواقف مضحكه
اقتباس:
الحمدالله على سلامته وانه رجع لـك اسعدتني جدا مشاركتك |
رد: شاركونا بتصرفات طيوركم ذكائهم مواقف مضحكه
اني غن نفسي صار مواقف واجد وي ريمي كنت اطعمها واني ما توقعت انها بهالذكاء المهم مرة وحدة شفتها تتحرك بغرابة اني خفت فكرت انها بتختنق وقمت اصيح ضلت على هالحالة لمدة نص ساعة واني اصيح افكرها تنازع الموت تختنق بسببي وتالي انتبهت انها تحاول تقتل ذبانة (ذبابة) ما تقدر تتطير واني قمت اضحك على روحي بس بالصراحة حطتني في موقف محرج قدام اخوتي وامي ههههههههه
|
رد: شاركونا بتصرفات طيوركم ذكائهم مواقف مضحكه
هههه...انا في بداية التدريب كنت ابي الدرب القبطان فلينت.. على الوقوف على اليد
كنت إذا حطيت له إصبعي عشان يوقف عليه... ابعدها اشوي هو يرفع رجله وهو فاهي ينتظرني اجيب إصبعي لما ينتبه انه رافع رجله يبدأ ينضفها !!! الى الآن ما توقع انه بهذا الذكاء الضعيف ما يدري اذا كان رافع رجله او لا ؟؟ وتستمر الحياة |
رد: شاركونا بتصرفات طيوركم ذكائهم مواقف مضحكه
وعليكم السلام ورحمة الله
موضوع جميل اختي ;) ================ انا حاط الكوكتيل ف قفص صغير (( القفص العادي )) وملصقه ف الجدار داخل قفص كبير هذي هي الصور للتوضيح ماعرف اوضح لكم بالكتابة :D http://im90.gulfup.com/KhdJHS.jpg جي ملصقه داخل هالقفص الي مسويه هالصوره من برع http://im90.gulfup.com/4ZFxds.jpg مرات احط ف هالقفص الكبير زوج حمام او زوجين عشان افصلهم عن الثانين الي عندي مع انه عندي قفص ثاني للحمام المهم ف يوم من الايام رجعت من الكليهه قبل لا ادخل البيت جفت من بعيد صوب القفص لاحظت ان في شي داخل القفص كانت بعيده المسافةة .. قلت ف نفسي هذا مب حمام لاني مب حاط حمام ف هالقفص ف قلت خليني اروح اشوف شو هاا يوم رحت تفاجئت ان الكوكتيل طالع من القفص :wao::wao: لان اليوم الي قبله يوم عطيتهم اكل وماي نسيت اقفل باب القفص http://im90.gulfup.com/9LWAQo.jpg لازم تقفلون الباب لان الكوكتيل ذكي يقدرون يرفعونه ب راسهم ويشردون :confused: ف يوم جفته ع طول فصخت غترتي الي هو ((الشماغ)) كان في فتحات ف القفص زين انه ماشرد عني سكرت الفتحه الكبيره ب الغتره والفتحات الثانيه حصلت فوطه طايحه ع الارض عقب مسكتها ودخلتها داخل :mad: وبسس هههههه :88::p |
رد: شاركونا بتصرفات طيوركم ذكائهم مواقف مضحكه
ههههه بصراحة موضوع جميل ومضحك وحسيت بمتعه للقراءة
استمروا |
رد: شاركونا بتصرفات طيوركم ذكائهم مواقف مضحكه
اقتباس:
ههههههههههههههههه والله انك متهور ليش تخاطر في طيرك بس بس شلون طاوعك قلبك تطيره فالشارع :( اذا انت خفت عليه لها الدرجة شلون وجه كروانك اللي مو داري وين راح اصلاً :D شكله منصدم مسكين :( المهم لاتسويها من جديد صدق مو كل مرة تسلم الجرة بس والله اكشن حسيته فيلم رعب موقف لاتحسد عليه ,, الا القطاوة ذول ودي اعدمهم من وجه الارض :64: ملاقيف :mad: انا لما اطلع كرواني بالقفص حقه فالحوش ( الحديقة حقت بيتنا ) واجلس اجري اسوي رياضة القطاوة فوق السور الاقيهم يراقبون الوضع يبوني اغفل لو دقيقة عشان ينتهزون الفرصة بس والله ماخليهم ابد اجلس الاحقهم و ارمي عليهم الاشياء ههههههههههه يعني زي ماسويت انت بس مادري شلون يطلعون لنا شمهم تقل كلب صيد يشمون الطير من بعد عشرين الف كيلو متر !!! :confused::mad: هذا وكرواني بالقفص , المهم موقفك صراحة لايوصف ولا اتخيل شكلك وانت تلاحق بالكروان حقك لو انا ماقدرت الحقه صراحة انجاز منك يمكن عشانك ولد انا بجي البس عباية وحجاب و اركض وراه للشارع يمديه طار وسافر لدولة ثانية بعد المهم راجعة لكم بمغامرات كرواني مع اني ناسية اغلبها بس كل ماتذكرت بقعد ع راسكم هنا :D |
| جميع الأوقات بتوقيت GMT +3. الساعة الآن 12:07 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو