|
الببغاء الكاسكو الافريقي
السلام عليكم .. شباب انا عندي ببغاء كاسكو افريقي .. العمر ما بين 7-11 شهر انا قبل اشتريه في المحل كنت المسه .. ما يقول شي و كل الناس يلمسونه ما يقول شي يوم جبته للبيت صار ما يبي احد يلمسه ولا يقرب صوبه و لما اجي المسه يعض .. و بسس ساكت ما يطلع صووت و لما يجي يدافع عن نفسه ما يطلع صوت ساكت بعد و انا اخليه دايم برا القفص و اردد عليه كلمت ( مرحبا ) صار لي شهر اقولها ما يقول .. احاول معه و على نفس الطريه ما يبيني المسه .. و ابي اطعمه من يدي مثلا تفاح يقطع و يرمي .. و على فككره انا انسان لحالي ما في احد يساعدني + خواف :shy: يالله بالله عليككم شوفو لي حل |
رد: الببغاء الكاسكو الافريقي
للرررفع
|
رد: الببغاء الكاسكو الافريقي
السلام عليكم
عزيزي اجلس مع الطير اول اسبوع وبعدها خله يطلع من القفص وحاول معاه بين فترة والثانيه لمى يتعود عليك ويطمن انا ماوراك مضره له راح يخليك تمسح عليه بس تلخوف الي فيك انساه ولا ماراح يتعلم |
رد: الببغاء الكاسكو الافريقي
السلام عليكم
عزيزي اجلس مع الطير اول اسبوع وبعدها خله يطلع من القفص وحاول معاه بين فترة والثانيه لمى يتعود عليك ويطمن انا ماوراك مضره له راح يخليك تمسح عليه بس تلخوف الي فيك انساه ولا ماراح يتعلم |
رد: الببغاء الكاسكو الافريقي
شي طبيعي الكاسكو طائر خجول ويحتاج لوقت حتى يثق فيك حاول معاه والموضوع يبي له صبر
|
رد: الببغاء الكاسكو الافريقي
اقتباس:
بس خيف اتخلص من الخوف ما فهمتك |
رد: الببغاء الكاسكو الافريقي
اقتباس:
طيب كيف اخليه يثق ؟؟ |
رد: الببغاء الكاسكو الافريقي
وعليكم السلام ورحمة الله وبركاته
مبرووك عليك الطيرر الظاهر انت تلمس الطير بتردد كبير يعني لما تحاول تمسك الطير وحسيت انه بيعضك تسحب يدك بسرعه !! وهذا يزيده توتر اتحمل عضه عضتين وبعدها راح يكون العض خفيف كيف تتقرب للطير ؟؟ حاول تترك الطير بالقفص اغلب وقته ومايطلع من القفص الا لما تحط يدك ويطلع عليها وتخرجه من القفص الطير راح يحب يشوفك تدخل الغرفه لانه بيعرف انك راح تطلعه من القفص تفتح باب القفص وتطرح يدك امام القفص وحاول تقرب يدك من ارجله دون خوف او توتر واول مايطلع خرجه من القفص لفتره ساعه وبعدها رجعه الي اليوم الثاني حاول تجلس على كنب او كرسي ويكون الطير بجانبك (( طبعا صدرك ومافوق اعلى من الطير )) وتحاول تمسح على راس الطير ببطئ شديد الطير قد يعمل حركات يبين انه بيهجم او بيعض ,, لا تعطيه اهتمام وقرب من راسه وحاول تلمسه .. استخدم هذي الطريقه لفتره طويله الطير راح يمل وراح يقل كثرة حركاته (( حاول تظهر للطير انه انت تفعل ماتريد وليس الطير يقرر )) خليك غثيث شوي عليه .. ^_^ ثانيآ شوف الاكل المفضل للطير مثل الفول السوداني وغيره وحاول تأكل الطير من يدك وتقدم له على قطعه قطعه ومثله التفاح ,, قطع التفاح قطع صغيره وقدم له التفاح على حبه حبه كذا راح يبدا ياكل منها ... ~~~~ حاول تجرب الطرق السابقه واعطينا خبر بالجديد لان لو مانفعت راح نحاول بطرق اخرى |
رد: الببغاء الكاسكو الافريقي
اقتباس:
و اخر سؤال .. كييف ابدا اعلمه الكلام |
رد: الببغاء الكاسكو الافريقي
اقتباس:
الطير الشي الي يسمعه راح يحاول يقوله ولكن الطير يحاول تكرار الكلمات التي لها ردة فعل او صوت مع شي يشوفه فمثلا لما تقرب من الطير وتحاول تخرجه من القفص اكيد راح تقوله مثلا اطلع او اخرج ولما تحاول تمسك راسه راح تقوله راسك او هات راسك هذي الكلمات سريع مايتعلمها الطير لانها كلمات صغيره وسهله نطقها لما تدخل الغرفه تقوله السلام عليكم ولما تخرج مع السلامه او اي كلمه انت تختارها لما تغير الاكل والماء تحاول تردد كلمه واحد ولمدة ثلاث مرات متتاليه لما احد يدق جرس او يطرق الباب .. حاول تقول ميين بصوت عالي وكل ماكنت قريب من الطير وتحاول تمسكه او قريب من القفص وهوا شاد تركيزه عليك اعرف الكلمات الي بيسمعها بيحاول جدا يحفظها ويعرف هالكلمه لو سمعها وش رايح يكون الفعل الي انت ناوي تعمله ,, مثلا تخرجه من القفص وغيره لا تستغرب من التاخير بالكلام ... الكاسكو يحتاج وقت طويل علشان ينطق اول كلمه وراح يحاول ينطقها وهوا لحاله .. وشوي راح ينطقها وانت قدامه حاول تكرر للطير كلمه او كلمتين في البدايه وبصوت واضح وبنفس النغمه الي تقولها وتكون خفيفه على الطير مثل - كوكو - تعال - اطلع - راسك << حاول تختار كلمتين وتركز عليهم فيها والافضل تختار اسم للطير وتناديه فيه لان الطير يعرف انه صار له اسم واكثر شي يحاول يحفظه اسمه وكررها بااستمرار - وان شاء الله بالقريب راح تتفاجا الطير ينطق كلمه او كلمتين بشكل مفاجأ وكل ماكان الطير اليف كان محاولة حفظه للكلام اسهل موفق |
| جميع الأوقات بتوقيت GMT +3. الساعة الآن 04:43 AM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو