قصة كوكاتو كان عندي
 

قبل 20 سنة شريت كوكاتو لونه ابيض وراسه فيه صفار خفيف ، من سوق الطيور وسعره كان 15 دينار كويتي :D

وكان الريش الي بقمة راسة طايح كأن متعور او مضروب الله اعلم بس لحبي لهالطير من تجربة سابقة خذيته

شغلات بأخر السنين سمعتها وماكنت اعملها مع هالطير

اولا الطير ماكان محجل ، الطير كان خواف بدرجة كبيرة

بس بالنهاية هالطير صار ماله مثيل ولا شفت عند احد الحركات الي يسويها

الطير صار أحد افراد العايلة ، كان موجود بقفص وجنبه قفص كاسكو

ابواب القفاص على جهة الطوفة لمنعهم من الخروج منه ، الكوكاتو بذكائه كان يطلع ويدز القفص عن الطوفة ويفتح لنفسه ويفتح للكاسكو

القفص كان مكان نومة فقط والعب بالبيت كله يصعد وينزل على راحته بس مرات يتعاقب اذا عض وايرات الكهربة

كان يلحق القط الي بالبيت والقطو يخاف منه ، بس يقرب من الكوكاتو الكوكاتو يلحقه

وقت الريوق يكون موجود وياخذ بسكوت ويغمسه بالحليب ويحطه بالصحن وياكله مثل ما احنه نسوي

وقت الغدى والعشى لازم نسويله مكان بينه ، وماياكل من السفرة ، لازم ينحط له الاكل بصحن او يبقى يطالعنه طول الوقت كأنه يسأل وين صحني :88:

يرقص ويصفر ولما تناديه يجيك طاير ، وقت الاكل مايطير يجي يتمشى عشان لايطب على الاكل

كان يطلع بره البيت ويرد بروحه وجناحه طويل

بس يوم من الايام الطير اختفى ولا احد عرف وين راح :mad:

وشاكين ان انسرق

كل الي فات بدون تدريب ولا اقعد معاه بغرفة ومحد جنبك

والاكل كان ياكل ويشرب كل شي ، حليب ، شاي ، بسكوت عيش خضار فواكة حب شمسي ولا مرة عرف الحبوب المعروفة حاليا مثل الزوبريم.

الطير كان يلعب مع كل البيت ويخاف من الي بره البيت ، مجرد ان يطير عنهم ومايخليهم يمسحون عليه

تشيله مثل الطفل وتلعب فيه كأنه طينه ولا تسمعله حس

راح الطير وخله ذكريات لاتنسى

رد: قصة كوكاتو كان عندي
 

قصة جميلة ...والله أعدت قراءتها عدة مرات لتشابهها مع قصتي مع أول ببغاء أقتنيته, و الذي كان كاسكو وحش مصيود. و ببغائي كان يفتح القفص و يتجول في البيت غلى راحته, و في يوم ما فتح القفص و إتجه إلى الى المجلس المفتوح في البيت و طار ....و منذ ذلك اليوم و أنا و إلى يومك هذا أذكره رغم مرور أكثر من 25 سنة ....طيور فعلا جميلة هذه الببغاوات و إذا ربيت واحدا في حياتك ستدمن وجودها معك في البيت

رد: قصة كوكاتو كان عندي
 

رد: قصة كوكاتو كان عندي
 

سبحان الله ربي يعوضكم خير ان شاء

رد: قصة كوكاتو كان عندي
 

رد: قصة كوكاتو كان عندي
 

هههههههههههههههههه الله يقطع ابليسك :D

قصة محزنة صراحة .. وانا ما اطيرر طيريي لهالسبب اخاف انه يروح ولا يرجع ~.~

رد: قصة كوكاتو كان عندي
 

قلبت المواجع
ربيت 5 ببغاوات 2 كاسكو و2 دره و1 لوري
وفقدتهم. اخر واحد كاسكو قبل شهر طار من الشباك

رد: قصة كوكاتو كان عندي
 

رد: قصة كوكاتو كان عندي
 

طيب أنا محتار بين الكوكاتو والمكاو , وش تنصحني من خلال تجربتك؟

رد: قصة كوكاتو كان عندي
 

أعتذر على الرد المتأخر


الكوكاتو طير لعوب وحركاته وذكائه من أجمل الطيور بالنسبة لي ( من تجربة )


المكاو طير جميل وحجمه كبير لكن أشوف حركته نوعا ما ثقيلة ( عند اصحابي )


بالنسبة للكلام ماعندي خبره لكن قليل ان الكوكاتو يتكلم وهذا إلي شفته بالنت ماشفت على الطبيعة