|
هل الببغاء تغاااااار
السلام عليكم ورحمة الله وبركاته,,
يابعد شبدي انتوا وحشني هالقسم والله من شريت الكروان كبر راسي عليكم شوي خخخخخخ عندي كم سؤال انا عندي دره انثى عمرها تقريبا حول 5 سنوات ماشاءالله ربي يحميها المهم من بلغت حبسانها بالقفص لانها مينونه كله تبي تعض وخلاص لين اليوم وهي حبسيه اصلن تعودت بس لي جيت عندها امسكها يعني اليفه بس داخل القفص تخليني امسح راسها وجسمها تحبني ماشاءالله .. من شريت الكروان تعرفون فرخ كله معلق فيني والعبه احسها صارت كله تبي تطلع راسها من بين فتحات القفص كنها تبي تفتحه وتجلس تعضض في القفص مدري وش تسوي كانها تبي تفتح الباب واحيانا تجلس تحت اخر القفص وحزينه احس فيها والله بس اخاف اطلعها لانها موب اليفه تحب العض قولولي شسوي وياها هل صج تغار وتبي تتحرر من القفص ؟ لو حررتها اقص جناحها صح لانها لي طارت ماترجع كله فوق معلقه |
رد: هل الببغاء تغاااااار
سَلٱمٌ:۶ـَاـْيگمّ-ۈرΖـْمّـٌة"ٱللـّہ"ﯙبُرگـّاتہ عليكم أختي
أكيد غائرة مٌـَّـ♡ـٍّـٍنٌْ الفرخ أنتي قصي جنحانها ولعبيهم الاثنين وأبعذي الأنثى عن الفرخ. لأنها ممكن تعضة أو تاذية تقبلي مروري تحياتي.. |
رد: هل الببغاء تغاااااار
والله حرام عليك تحبسه بالقفص كل هالسنين
اذا ماتهتم فيه وتلعبه وتخرجه وتعطيه حريه . وتحسسه انه فرد من العائله . ياخي بيعه ولا طيرهـ حتى لو يعض .. هذا مو يعني انك تسجنه بالقفص ؟ وكانه ( زينه ) وانت كمان زدتها عليه ... وجبت طائر اخر .. وتلعبه ووتخرجه من القفص وتدلعــه امام عينه ! واسف اذا كلامي ازعجك ... لاكن الطيور لها (احاسيس) وطبعاً تغــــار وتحزن وتخيل نفسك بمكان هذا الطائر .. وراح تعرف معنى كلامي |
رد: هل الببغاء تغاااااار
ياعزيزي ضروري جدا جدا للدره ان تخرجها اقل شي ساعه باليوم من القفص لو ماتلعبها بس هي تحس بالحريه وبنسبه للعض ترها المسئله سهله جدا وفيه الف طريقه تقدر تروضه خلال ثلاث ايام بس
|
رد: هل الببغاء تغاااااار
حرام تحبسينها بيعيها او طيريها
او اذا المشكله العض جرب مربى وان شاء الله بتترك العض بس جد حرام تحبسيها على الاقل طلعيها نص ساعه ورجعيها الف شكر لك... |
رد: هل الببغاء تغاااااار
لاتبعينها قصي ريشها بس خلج قريبه منها بتتعود مع الايام اصبري عليها
انا عندي طير وتم يغار وعقبها قام يقارب كاسكو ومش من فصيلتة ويتابعون بس حق خراب يقطعو جرايد ابوي |
رد: هل الببغاء تغاااااار
ودي اطلعها بس عندنا قطاووه الفرخ كله ماسكته بيدي
والدره اصلن تخاف لما اطلعها من القفص وعضتها اليمه جربت طريقة المربى قسم طلع الدم من صبعي وحرمت احط صبعي لها بشوف اقول حق بابا يقص ريشها واطلعها بس معقول بعد طول هالسنين بتتعود على الخروج |
رد: هل الببغاء تغاااااار
طيب خيتو
طلعيها وقصي جناحها وبعد كذا لزقي ايدك مع اصابعك بلزقة شفافه لفيها كم لفة وبعد كذا خليها تعض الين ماتقول بس بتوقف عض وبتعرف ان العض ماله فايده وحطي لها مربى وبعدها بساعه جربي تعطينها بايدك بدون لزقة |
رد: هل الببغاء تغاااااار
هلا اختي انتبهي من الدره ترى حقوده وعصبيه بشكل غير معقول انتي الحين نصيحه لاتحبسينها في القفص خليها تطلع تتنشور طبعا لاطلعينها قبل لاتقصين الجناح لان الدره طير عيار وفيه نذاله وذكي ويقدر يتملص من اي مكان لان جسمه يساعده على المراوغه حتى في المكانات الضيقه ,,,,,,,,, اما بخصوص الغيره معروف ان الطيور تغار وخصوصا اذا كان الطير هو سيد المكان ومتدلل وهذا طبيعي اما بعض الاحيان اذا كانت الدره تعض القفص اذا شافت اي شخص هذا يعني ان الطير متوتر ومعروف عن الدره انها عصبيه وبرضو تدافع عن مكانها وتحميه ,اما بخصوص القطاوة ترى خطر على الطيور كلها
|
رد: هل الببغاء تغاااااار
طلعيها بغرفه بروحها علشان لو مارجعت تقدرين تسكرين الغرفه لا تجيها القطاوه
وحرااااااااااااااام الحبس ربي خلقه طائر حر تحبسه وتخلي الطير الثاني عنده برا :( الله يسامحك استعجلي بس وخلي الامور تمشي بالصبر والقرب منها باللين وبتحبك |
| جميع الأوقات بتوقيت GMT +3. الساعة الآن 07:21 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو