احتاج تسجيلات صوتية لتعليم الببغاء الكلام
 

السلام عليكم
اذا ما عندك وقت شف الكلام الي بالأحمر
الحمد لله شريت بلوفرنت تقريباً عمرة من 8 -9 شهور
و تألف بسرعة على البيت و طلوع اليد و عنده كلمه وحده بابا
سمعته منه 4 مرات بس له سبوعين تقريباً غريبه ما يقولها كثير
المشكلة أني ما اجلس بالبيت بحكم عملي و ابي أوصي احد يشغل له تسجيل يتعلم منه
اذا فيه طرق معينه ياليت تفيدونا بخبرتكم

هل فيه احد جرب التسجيل و جاب نتيجة ؟

ابي مقاطع واضحة لتعليم الببغاء
مثل السلام عليكم
الف الصلاة و السلام صوت بس بدون مؤثرات
الله يعطيكم العافيه مشكورين

رد: احتاج تسجيلات صوتية لتعليم الببغاء الكلام
 

رد: احتاج تسجيلات صوتية لتعليم الببغاء الكلام
 

هلا اخوي ابو رضا
صادق التلقين أفضل
لكن غالباً أكون مسافر و اذا رجعت ما فيه وقت للتلقين
و التسجيل أفضل من لا شيئ الببغاء بالصالة اذا بيلقط من كلام البيت زيادة
ونبرته حشنه شوي
الله يعطيك العافية
انتظر المشاركة من الاخوان

رد: احتاج تسجيلات صوتية لتعليم الببغاء الكلام
 

ما يحتاج تشغله مقاطع اصوات لأشخاص غيرك

انت بالابتوب سجل صوتك وانت تقول أي كلمه بصوت واضح وصافي

وسمعه

يصير يتعود على نبره صوتك افضل من غيرك

عشان يتفاعل مع صوتك اول ما يسمعك
وتقدر تعلمه كلمات ثانيه

رد: احتاج تسجيلات صوتية لتعليم الببغاء الكلام
 

هلا اخوي افوكادو

للأسف ما فيه غير جهاز ايفون و ايباد عشان كذا ودي استغل الوقت و اعلمه

حصلت صورة الإخلاص بصوت الشيخ المعيقلي
هل تنفع مرتلة او صعبة علية

أتمنى من الاخوان المشاركة بما لديهم من مقاطع

رد: احتاج تسجيلات صوتية لتعليم الببغاء الكلام
 

مثل ما تفضل الأخوان
يفضل التسجيل بصوتك
في سماعه او مكبر صوت ممتازه انصحك تشتريها انا اخذت نوعين منها ممتازه
فيها خاصية التسجيل REC
او بإمكانك تحميل مقاطع على يو اس بي وتشغيلها
والجهاز هذا فيه راديو وكشاف
سأرفق لك صور للاجهزه واعتذر عن رداءة التصوير صورت وعدلت مستعجل عشان تشوفها

انصحك بالنوع الأول من خلال تجربتي افضل من الثاني

الأول/

http://www.2zoo.org/uploads/14441066791.jpg


الثاني/

http://www.2zoo.org/uploads/14441066792.jpg


وبأشوف لك مقاطع اذكر حملت مقاطع من اليوتيوب وعدلت فيها وحولتها mp3
الحين ابحث عنها وارفعها لك اذا لقيتها

اسأل الله التوفيق للجميع..

رد: احتاج تسجيلات صوتية لتعليم الببغاء الكلام
 

تفضل هذا اللي لقيته
ومثل ما نصحك الاخوان الله يجزاهم خير التسجيل بصوتك افضل وأوضح
بإمكانك عن طريق الاجهزه الل ذكرتها لك وغيرها او من خلال الكمبيوتر ولازم بعدها تحول الصوت الى mp3

هذي المقاطع مأخوذه من اليوتيوب و عدلت فيها شوي وحولتها

http://www.2zoo.org/uploads/14441074161.rar

رد: احتاج تسجيلات صوتية لتعليم الببغاء الكلام
 

هلا فيك
لسى ما يعرف يتكلم وبتحفظه سورة الأخلاص
شكلك ناوي تحفظه القران كامل ما شاء الله عليك

ما يصير ياخوك

ابدا معه بكلمات بسيطه وسهله
ويفضل تكون مكونه من ثلاث حروف مثل : الو - فتو _ بابا _ مياو - اسمه - اسماءكم انتم ... الخ

عشان يبدا لسانه يتحرك شوي وينطلق

وبعدين تدخل بالاطول شوي مثل سلام عليكم - كيف الحال - الحمدلله - الله اكبر ... الخ

وبعدها ابدا شغله ايات , ايه ايه وتتكرر الايه كم مره عشان يعرف يحفظها كامله

على شوي شوي

دائما بالتدريج

بالنسبه للجهاز , هناك اجهزه كثير تباع بالاسواق ويوجد بها مدخل فلاش USP

سجل من الابتوب وشغلها بالجهاز هو يكرر الجمل

وبعطيك نقطه مهمه : الببغاء اذا شاف في تفاعل معاه ولعب وحركه ويتم نقله من مكان لمكان وتسليته , يتكلم اكثر ويحاول يحفظ اسرع واكبر جمل

اما لو شاف الوضع ميت ومافي احد حوله , ودائما جالس بنفس المكان ولا انيس ولا ونيس , يبدا ياخذ وضعية السكوت , ونفسيته تتعب , وااذا تطور الموضوع يبدا ينتف ريشه

فاحذر من هذه النقطه

عشان كذا اقول
احنا نشتري ببغاوات عشان نتسلى وياهم ونسليهم
وليس الغرض سجنهم بقفص
فهذا ظلم للببغاء , لأنه طائر لديه نسبة ذكاء واحاسيس ومشاعر

رد: احتاج تسجيلات صوتية لتعليم الببغاء الكلام
 

هلا اخوي حسن
أكيد اذا كنت عنده التلقين شفهي او تسجيل صوتي
و الله انا شريت سماعة صغيرة شغالة على البلوتوث و احمل مقاطع على الايفون و الشغل السماعة الصبح عنده
مشكور على التسجيل الله يعطيك العافية

هلا اخوي افوكادو
أكيد راح ابدأ بالتدريج لكن كنت اسأل عشان احمل المقاطع فقط
و حطيت عند الطير تسجيل كلمة آلو مكرره شغلتها يومين و امس سمعتها منه قال آلو

أبشّرك مهتم فيه و حاطه بقفص كبير و عنده ألعاب و اطلع شبه يومي او كل يومين

الله يعطيك العافية

استفسار لأهل الخبرة
الطير برا القفص اليف و يطّلع على اليد لكن داخل القفص لا ؟
التسجيل اذا كان بصوت ببغاء ثاني واضح أفضل و لا صوت عادي ؟