ببغائي يسهر الليل وينام طول النهار
 

السلام عليكم ورحمة الله وبركاته ..
كيفكم يا احلى ناس ؟؟

انا انام طول النهار واسهر طول الليل , وببغائي معاي بالغرفه يصحى وينام معي ..
هل عليه ضرر ؟؟

من غير اني ما اعرضه للشمس .. وانا بالجنوب والجو عندنا بارد في كل الاوقات ماقدر اعرضه للشمس حتى بالصباح عشان لا يتعب ..
نوعه بلوفرنت ..

وشكرا مقدما :p

رد: ببغائي يسهر الليل وينام طول النهار
 

اتمنى انك تغير من عادتك ..

لانه مضر للببغاء وقبل كل شي مضر لك بعد =)

المعروف الطيور هذي بطبيعتها تصحى الفجر وتنام قبل المغرب

التغيير في النظام مشكلة كبيرة وعدم تعريضة لاشعة الشمس مشكلة اكبر

دمت

رد: ببغائي يسهر الليل وينام طول النهار
 

بيعيه احسن ولا تعذبيه بهذا الشكل
لا ليله ليل ولا نهاره نهار

رد: ببغائي يسهر الليل وينام طول النهار
 

عليكم السلام,شوف ياطويل العمر انا مدري عن ظروفك يمكن انت من الناس اللي يحبون السهر او عندك ظروف خارجه عن ارادتك مثل دوام وغيره وهذا طبيعي,, الحل بسييييط جددددا لا تبيع طيرك ولا تعذبه ولا اي شي من يجي الليل والوقت اظلم جيب لك غطا وغط القفص وهذا الغطا تلقاه موجوده في محلات الطيور يجي قماش ثقيل جق البرد ويكون مفتوح من الوجه عشان لو يبي ياكل يقدر يشوف اهم شي يكون مغطي القفص والوجه نصه عشان لو حب ينام فوق العصا ياخذ راحته ولو حب نزل ياكل يمديه يشوف ولا مايهمه اللي رايح واللي جاي ويرتاح ولا جا الفجر شيل الغطا وانتهت السالفه وهذا حلها بشكل بسيط جدا