|
ساعدوني تكفون
السلام عليكم تكفون مساعده والله احس نفسي ببكي عندي ببغاء كاسكو هولندي ربيته وعمره 7 شهور والحين وصل سنه و10 شهور والله افديه بروحي بس انشغلت عنه كككثير وما سرت اهتم فيه وان صار فيه وقت فراغ اجلس مع اهلي لانهم ما يشوفوني الا وقت الغداء او قبل انام زبدة البموضوع ابي حل والله والله والله لو ابيعه رح احزن كثيرر بس اذا كان الي بيشتريه يهتم فيه احسن مني انا مستعد ابيعه تكفون تكفون عطوني حل ابيعه ولا لا |
رد: ساعدوني تكفون
وعليكم السلام..
أخي الكريم جميعنا نحب طيورنا وجميعاً ينشغل ... لكن لازم تحاول تعطي الببغاء شويت وقت..لأنه كما تعلم هو بحاجه للنظافه والاهتمام والتدريب إلخ.. حاول ان تضعه في صالة الجلوس بين الأهل على ستاند.. وضع له ألعاب.. وخلي الاهل يهتمون فيه. لكن اذا شفت نفسك ما تقدر انك تقوم بالمهام وتشوف ان هذا الشئ رح يضر الببغاء فبرأيي تبيعه عشان ما تظلم الطائر..لان الببغاءات بشكل عام طيور اجتماعيه وتحب صاحبها خصوصاً اذا تمت تربيتها وترويضها وهي صغيره في العمر. وانا عن نفسي أملك بلوفرونتد أمازون وأحطه بعيوني ال2 ومستحيـــــــــل أفكر اني أبيعه مستحيــــــــــل. على العموم أتمنى لك كل التوفيق في خيارك أخوك رمزي |
رد: ساعدوني تكفون
والله اني مستحيل ابيعه الا وانا تعبت ووالله اخاف عليه كثيرر بس اهلي محد يقدر يقرب منه وانا مشغول بس اجي اغير مويه واكل وامشي حتى ما صرت انوعله باالكل
الزبده جيبولي حل والله ما ابي ابيعه والله |
رد: ساعدوني تكفون
بعدين الببغاء ما يسكت 24 ساعه يتكلم يناديني عزوز عزوز عزووز او ينادي باسامي البيت الين اجيه و اهلي ما يقولون شيل ببغاك خله يتمشى يقولون شيل ولدك لاني من جد كنت اهتم فيه واعتبره ولدي بس الدراسه والعيد والوالد مسافر حتى النوم انام 6 ساعات بس في اليوم ومع هذا احاول اجلس معه لو 1 ساعه باليوم
|
رد: ساعدوني تكفون
اقتباس:
حطه في مكان بارز في البيت مثل الصاله او مدخل وحط الطير في قفص مساحته كبيره لكي لايحس بالملل واهم شي انك تغير الاكل والمشرب بشكل يومي معه تنظيف ارضية القفص كل هذا يحتاج منك ربع ساعه في اليوم ووقت متكون فاضي طلع الطير وبأذن الله اموره طيبه في ناس طيورها ماتشم الهوى ولا الطلعه من القفص وعايشه سنوات اختصار الموضوع لاتشغل بالك اكثر من اللزم |
رد: ساعدوني تكفون
لازم احد من الاهل يدخل بعلاقة حب واهتمام مع الطير لازم بطيب با القوة شوف اقرب واحد من الاهل لطير وخليه يقوي علاقته معه
انت في البدايه قربه من الطير خليه يشيله على يده ويمسح عليه وافضل شي احد يكون دايم في البيت مثل الاخوات او او الاخ الصغيير بشرك مايكون شيطاني عشان مايجنن الطير هه حتا لو اطرية تخلي الشغاله تهتم فيه اذا عندكم شغاله اهم شي شخص يكون حاب الطير ويولفون على بعض وتكون بينهم علاقة ثقه وحب واشتياق بذات الرمادي الافريقي يحب شخص واحد اللي هو صاحبه الاساسي الافريقي من الطيور اللي مايقبل الكل يدخل معاه في علاقه حميمه هو يبي واحد فقط وتلقاه الليف مع الكل بس يكون متشتت هذي مصيحتي لك اخوي ومادامك تحب الطير لا تبيعه ترا بتندم وراح تفقده بشكل كبير انا في وقت من الاوقات صار معي نفس الموضوع ارغمت وحده من خواتي بأ القوه خليتها تلمسه وتشيله والله غصب وبعد فتره صارت تحبه وتهتم فيه بتوفيق اخوي تحياتي للجميع |
رد: ساعدوني تكفون
اذا الحل هو وضع الببغاء في غرفة المعيشه بين الاهل عشان ما يدخل في حاله نفسيه بسبب الاهمال.
اهم شئ موضوع النظافه الدائمه.. بالتوفيق أخوك رمزي |
رد: ساعدوني تكفون
اذا ماتبي تبيع
حطه في مكان دايم الاهل يجلسون فيه . وماعليه الا العافيه |
رد: ساعدوني تكفون
شكرا لكم جميعا والله ساعدتوني المكان الي هو فيه المطبخ والمطبخ ما يفظا الا وقت النوم والقفص كبير مره وفيه العاب وكل شيء بس المشكله الي اعانيها ماافيه اهتمام من ناحية اكل وشرب وترويش وتنويع بالاكل واطلعه برى القفص والاعبه واشمسه يعني الاشياء الي يحتاجها كل طير عشان يعي
|
رد: ساعدوني تكفون
اخوي ما انصحك تحطه في المطبخ لأن رائحة الاكل و الرطوبة ممكن تأثر على الطير
|
| جميع الأوقات بتوقيت GMT +3. الساعة الآن 06:21 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو