|
ساعدونى الكيتنز مات وقطتى مش عارفة مالها
السلام عليكم
ياريت تساعودنى بخصوص قطتى هى اتجوزت من شهرين تقريبا وبعدها بدأت اشك انها حامل بس الاعراض مش كانت واضحة نهائى بطنها كبرت بسيط اووى وظهر بروز بسيط فى صدرها بس طول الفترة دى كانت بتجرى وتلعب عادى جداا فأانا قولت ممكن يكون دة من الاكل لانها برضه كانت بتاكل كويس وكنت بلاحظها يمكن حجم بطنها يغتير لكن كنت حاسه مفيش اى تغير بعد كده امبارح لاحظت انها كانت طيبة اووى زياده عن اللزوم مع اللى في البيت وده عكس طبيعتها لانها مش بتحب حد غيرى تقريبا بعد كده النهارده الظهر كانت بتنونو بصوت غريب وانا كنت نايمة فكرتها جعانه لكن كان اكلها موجود قولت يمكن عايزانى اخدها جمبى وقفلت الباب ونمت كنت حاسة بحركات كتير منها بس قولت عادى يمكن بتلعب بعدها يدوب غفلت وصحيت على صوت نونوة البيبى وكان فى بقها ( اول مرة تولد ) انا فى الاول ما توقعتش ان دة ابنها وانها ولدت لانى قولت يمكن تكون موتت الهامستر (لانى عندى هامستر كمان ) شيلتها براحة ناديت اخويا يشوف ايه ده معايا وعرفنا انها ولدت جه اخويا قام اخده من بقها وحطه جمها وبعدها حطه فى صندوق جمبها *** هى اصلا مش بتحب اخويا وبتقلق منه لانه بيرخم عليها على طول بعدها سابت القط فى الصندوق وبقت عايزانى جمبها قعد قمها اطبطب عليها بقت تتحرك كان فى طفل تانى وكل لما اقرب القط منها مش تسأل فيه واخويا كان واقف وفضلت كده حوالى ساعة ونص او ساعتين بعد كده لما اخويا طلع بدأت تروح للصندوق تاخد القط وعايزة تتدخل بيه تحت السرير بس للاسف كان مات انا خوفت يكون فى اطفال تانى لان كانت بتمسح نفسها فيا وفى الارض وتتلوى بسيط وكلمت الدكتور وقالت لى تعالى بيها روحت والدكتور كشفت عليها وقالت لى مفيش اطفال تانى وطمنتنى واديت لها حقنه تنظيف وقالت لى مش اديها اى دوا تانى ولا حاجة وانها هتبقي زعلانة شوية ومن وقت ما جيت من عند الدكتور ** والقط اكلت بسيط جدا جدا وشربت شوية لبن صغيرة اووى كمان فى قطعة لحم جابتها غريبة معرفش ده الخلاص ولا لا **وحزينة جداا وكل شوية تروح مكان الولاده وتنونو وتبص لى وبعدين تنام شوية بس مش نوم وتصحى فجأة تروح على مكان الولاده تانى وترجع تانى تنام **كمان عايزة تفتح باب الشقة ودى اول مرة تعملها ** لما اطبطب عليها تفرد نفسها براحة وتسترخى بس برضو فى قلق ودلوقتى لاحظت عليها كمان رعشة مع انى منيمها على بطابية ومحوطاها بيها انا عارفة انى طولت اوووى بس من فضلكم حد يطمنى ويقولى اللى بيحصل ده طبيعى ولا لأ لانى مرعوبة وهتجنن عليها وسامحونى لو الكلام مش مترتب |
رد: ساعدونى الكيتنز مات وقطتى مش عارفة مالها
اهلا ياعسل
الله يعوضها عن النونو اللي مات هو مات لانه مارضع منها واكيد كان جوعان المفروض كنتي خرجتي اخوكي من الغرفه القطط ماتحب احد يبص عليها كل الوقت وبعدين شلون ماتدرين قطتك حامل ولا لا مادام التلقيح تم طبيعي بيصير حمل المفروض كنتي حسبتي من اول ماتلقحت حتى تعرفين موعد الولاده اتمنى انك تتعلمين من كل هذي الاخطاء في المره الجايه ^^ اليحن شيلي الكرتونه تماما واخفي قماشه الولاده وخليكي مهتمه فيها اليومين اللي جايين وغذيها كويس وهي مع الوقت بتنفتح شهيتها وراح ترضى تاكل وراح تهدا هي متوتره الحين لانها تدور على ابنها ومو لاقيته القطط بعد الولاده تصير حنونه اكثر وتحب صاحبها قربي منها وملسي عليها وحاولي تنسيها الكيتين اللي مات وبالنسبه لقطعه اللحم هذي المشيمه وطبيعي انها تاكلها مافي منها خوف والرعشه هذي طبيعيه بالذات اذا كانت خايفه ملسي على بطنها بتلاقينها تلعق يدك وتقرب اكثر امنعي اخوكي من انه يقرب لها تماما في الفتره الجايه حتى يخف عنها التوتر ماتشوف شر ان شاء الله |
رد: ساعدونى الكيتنز مات وقطتى مش عارفة مالها
ميرسي ليكى حبيبتى ربنا يطمنك
الحمد لله دلوقتى الرعشة قلت شوية يعنى بقت بسيط اووى وكل فترة انا قاعده جمبها وبحاول اطمنها واطبطب عليها وعلى فكرة هى اتلقحت قبل كده وكان تلقيح صح ومش حملت وانا قبل ما تولد كنت قرأت كتير عن الولاده والتجيزهات بس هى مظهرش عليها بوضوح زى ما قرأت كل اللى ظهر انتفاخ بسيط اووى فى البطن وقولت ممكن يكون زيادة وزن طبيعية وبالنسبة لاخويا انا كنت عارفة ان وقوفه غلط وقولت له اكتر من مرة يخرج وعملت مشكلة معاه بس هو ومش رضى ابدا وكان واقف يتفرج |
رد: ساعدونى الكيتنز مات وقطتى مش عارفة مالها
الله يشفيهاا لك ياارب وترجع مثل اول واحسن وتشوفيهاا تجري قدامك ^^
|
رد: ساعدونى الكيتنز مات وقطتى مش عارفة مالها
اقتباس:
|
رد: ساعدونى الكيتنز مات وقطتى مش عارفة مالها
وعليكم السلام ورحمة الله وبركاته
اهلين اختي انا ما اقول انه عيب منك انك ما اهتميتي بالقطة كونك مربية جديدة واوال مرة تمري بمرحلة مثل هذه وكمان القطة حملت بقط واحد يعني فعلا مايبان عليها انها حامل لانه لو كان اكثر من اثنين يظهر على بطنها كبير مره عموما ربنا يعوضك خيره والحين اهتمي بغذاء القطة وخففي عنها التوتر مثل ماقالت فاتو وهذا كل قضاء وقدر من الله وان شاء الله في المره القادمة تكوني حريصة اكثر |
رد: ساعدونى الكيتنز مات وقطتى مش عارفة مالها
طيب حبيبتى دلوقتى الى حصل حصل واكيد عرفتى ايه هى الاخطاء الى حصلت
وان شاء الله تتفاديها بعد كده طبعا القطه لو طلبت تزاوج متجوزيهاش دلوقتى خاااااااااااالص مش اقل من 4 او 5 شهور دلوقتى لازم تشوفي حراره القطه كام بترمومتر وتدخليه فى فتحه الشرج فى انتظارك |
رد: ساعدونى الكيتنز مات وقطتى مش عارفة مالها
ميرسي شاهستا
انا روحت بالقطة النهارده تانى للدكتور لانى لاحظت ان في رعشة فى جسمها وكمان انها لحد النهارده مش بطلت تنونو وانا مش عارفة اذا كان فى حاجة وجعها ( بخصوص اللبن ) او انها بتنونو على ابنها الدكتور قالت لى ان فيها لبن وده ممكن يكون بيوجعها وقالت لى انها هتكتبلى دواء يجففه لانه ممكن لاقدر الله يعمل صديد وقالتلى ان درجة حرارتها مرتفعة بسيط بسبب اللبن واديت لها حقنه وكتبتلى انى اكمل بالحقن 3 ايام كل يوم حنقنة علشان تخفف اللبن ولما قولت لها انى معرفش ادى الحقنه كتبتلى برشام بارلوديل نصف حباية كل 12 ساعة لمدة 3 ايام روحت دورت على البرشام لقيته ناقص فى كل الصبدليات ودكتورة صيدليه قالتى انى اخد لاكتوديل بداله وقالتلى انه نفس التركيبة اتصلت بعدها بالدكتور وقولتلها علية قالتى تمام ادية للقطة لمدة 3 ايام نصف حباية كل 12 ساعة |
رد: ساعدونى الكيتنز مات وقطتى مش عارفة مالها
لاشك انها الولادة اولى لبستك اختي و كم عمرها حاليا
|
رد: ساعدونى الكيتنز مات وقطتى مش عارفة مالها
هى فعلا اول ولادة ليها
والقطة عندها حوالى سنتين |
| جميع الأوقات بتوقيت GMT +3. الساعة الآن 06:08 PM. |
Powered by vBulletin® Version 3.8.8 Alpha 1
Copyright ©2000 - 2024, Jelsoft Enterprises Ltd
الحقوق محفوظة لمنتديات تو زوو