|
محتارة اشتري هالكاسكو
تحيه طيبه
لاصحاب الخبره زميل لي عارض كاسكو ماله للبيع بمبلغ 200 ريال عماني اي 2000 درهم اماراتي طبعا قبل التفاوض الكاسكو كمل سنه ومش اليف يعض اذا مسكته اوخوفته كاسكو التمنه كيف اعرف انه كمل سنه وهل قابل للترويض ويكون اليف ويتكلم هو يصفر يقول صاحبه هل تعتبرونه مناسب سعرا وايضا سنا للتعلم والتدريب بغيت احط صورة له هنا الموضوع شو رايكم كم سنه وهل مناسب وبيكون اليف http://www.omania2.net/avb/showthread.php?t=419629 شكرا لكم موفقين |
رد: محتارة اشتري هالكاسكو
غالي جدا جدا
|
رد: محتارة اشتري هالكاسكو
لا اختي انا شفت الموضوع في المنتدى الثاني سعرة مرة حلو
|
رد: محتارة اشتري هالكاسكو
اقتباس:
بس بين البايع والشاري انا ما اتدخل بالنسبه انه غير اليف عليها شوية تعب |
رد: محتارة اشتري هالكاسكو
اقتباس:
بعد التفاوض قدرت احصله على سعر 155 ريال هل راح يتعلم ويالفني كم يجي سعر هالطير عيل وكم عمره يكون |
رد: محتارة اشتري هالكاسكو
اقتباس:
شكرا تنصحني اشتريه بعد تخفيض السعر شكرا |
رد: محتارة اشتري هالكاسكو
السلام عليكم ورحمة الله وبركاته
اسمحولي بهالمداخلة ... بصراحه الطير وايد غالي لانه من نوع التمنة اللي هو اقل درجة من الكاسكو الشي الثاني عمره سنه ومب اليف ، اللي اعرفه ان سعر الكاسكو العادي واللي هو احسن من التمنه وصل الحين من 1500 درهم ويرتفع الى 3000 درهم (مع الشهادة) واعمارهم صغيره يعني تقريبا من 3 شهور و4 شهور وهو احسن عمر للتعليم ويكون اليف وما يعض والسوق غرقان بالكاسكو في هالفترة . الاحسن تنتظرين شوي وتاحذين كاسكو جامبو احسن او تشوفين السوق يمكن تلقين احسن منه والاحسن تستخيرين قبل لا تاخذينه. والسموحه على الاطاله |
رد: محتارة اشتري هالكاسكو
اقتباس:
يعني هذا اللي سنه صعب يروض ويكون اليف ويتكلم شو احسن سن للكاسكو ونوع اذا بشتري وبسعر مناسب |
رد: محتارة اشتري هالكاسكو
معذرة
هذا الطير غيني....لو يحصل لي ببلاش ماخذيته.....هذا رأي الخاص بي كان عندي واحد جنني وطلع روحي كله يعض وبس وبعته بالقفص حقه بـ250 ريال سعودي يعني 250 درهم اماراتي |
رد: محتارة اشتري هالكاسكو
اقتباس:
قال لي راعيه طير كاسكو التمنه شكرا على رايك |
رد: محتارة اشتري هالكاسكو
رايكم اكثر
|
رد: محتارة اشتري هالكاسكو
اقتباس:
خوذي الطير اللي منقارة اسود افريقي |
رد: محتارة اشتري هالكاسكو
الكاسكو الجامبو مال مزارع
كيف تمام وكم سعره يجي |
رد: محتارة اشتري هالكاسكو
أختي العزيزه ممكن مداخله,
أنا اشوف انك قاعده تشترين الطير للاسباب الغلط, بمعنى ان تبغين ببغاء وذيلا يعيشون لين ٦٠ سنه, ما تسألين في البدايه عن السعر ولا وش احسن ووش اسواء, انتي اسألي نفسك ليه تبينه؟ وعقبها بتعرفي من نفسج وش احسن طير لج ومنساعدج وقتها بس أمانه لا تستعجلين لانه والله حرام تاخذينلك طير ولا يطلع على مذاجج واللي يدفع الثمن هو الطير . قلت رأيي وارجوا لا اكون زعلتج مني بس نصيحه لوجه الله. |
رد: محتارة اشتري هالكاسكو
اقتباس:
بصراحه ابي الطير لي ولاخواني يعني بس تواجدي مو صبح يكون معه ظهر بعددوامي وابغاه اليف يتكلم ويلعب ويونسنا فعشان كذا سال كل الاسئله عنه فدورت وشفت مغالاه معنا في سعر الطير الفرخ يبيعونه 300 ريال كاسكو مال 4 شهور وغيرها وهذا عرض كاسكو التمنه فقلت اسال الخبرا قبل مااشتريه واندم اشد الندم يطلع مو على مزاجي ومو اليف ومابيتكلم بعدين شكرا لك على رايك بشو تنصحني |
رد: محتارة اشتري هالكاسكو
أختي في المنتدى الآخر واضح ان السعر هذا مناسب في بلدكم
صحيح غالي لكنه مو بعيد عن أسعار عمان,,, احنا نرد على موضوعك مقارنة بالأسعار عندنا عشان كذا تلاقينا نقول لك لا تشترينه لأن السعر في السعودية ما بين 300 ريال إلى 400 ريال سعودي,,, يعني ما بين 30 ريال عماني إلى 40 ريال عماني,,, وهذا فرق كبير بين أسعارنا وأسعاركم,,, بغض النظر عن السعر,, إذا ما عندك خبره في التربية ما أنصحك في التمنة (بعض مناطق السعودية نسمية غيني) وفي كل الأحوال قبل ما تشتري شي اسألي في الأسواق عندكم عشان السعر يوضح لك,, ومن الحكمة اننا نتسوق قبل ما نشتري,, يعني نروح الأسبوع هذا السوق وناخذ فكرة عن الأسعار,,, ونجي الأسبوع الثاني نشتري على بينة,,, تمنياتي لك بالتوفيق,,, |
رد: محتارة اشتري هالكاسكو
بصراحه الطير اقل صنف بالطير الافريقي .. والمبلغ اللي طالب فيه جداً غالي بنظري ..
لاني محصل نفس الانواع وشبه اليف باقل من نص السعر ولا ودي اخرب عليك البيعه .. بس مجرد نصيحه وبعيد عن السعر الطيـر شكله مغمق شوي ومنقاره وحجمه اصغر من الافريقي النيجيري الجامبو وبنفس الوقت ممكن تحصلين بهالسعر جامبو افريقي بنفس المواصفات اللي ذكرتيها وممكن اقل فـ عشان كذا لاتستعجلي قبل الشراء قارني بين هذا وذاك وبتعرفين الفرق |
رد: محتارة اشتري هالكاسكو
اقتباس:
اولا: هل عندك خبره في تربية هذي الانواع من الطيور (خلنا نقول لا او قليله) ثانيا: تسليه لج ولاخوانج (أتوقع انه اخوانج صغار في السن - الله يحفظهم لج) ثالثا: انتي تتكلمين باي عمله؟ أعتقد بالريال العماني وهذا في نظري سعره الطبيعي في الخليج. تبعا, انا انصحج اختي تاخذين لج طير اليف ومدرب, مو ضروري مدرب على الكلام هذا سهل ومع الوقت هوه بيتعلم منكم على اي حال, بس توليف الطير وتدريبه يبيله الوقت والصبر وهذيلا عنصرين مش متوفرين لج. تكلفة الطير الاليف ومدرب ياكل من اليد ويطلع عليها وما يجعر ولا يعض يكون حسب السوق بس ما يتعدى الالفين درهم ويكون عمر الطير بين السنه ونص الى سنتين ونص. الفرخ الصغير: مع انه انسب شي للتدريب بس يبيله عنايه واعيه وعلم وشغل ووقت يمكن ما يناسب ظروفج الحاليه. الطير المنتج: يعني مولود بالاقفاص يكون اسهل توالفه على الانسان لكن يكون ضعيف المناعه بعض الشيء عن البري اللي صايدينه بالشبك, بس هذا يعتمد على المصدر اللي انتي بتاخذين منه. الطير البري او ما يسمى بالبري / الجنقل / الجعيري الخ, فهوه قوي البنيه ومناعته قويه بس يبيله الصبر والوقت والخبره للتعامل معاه. بالنهايه الامر يعود لج اختي بس مره ثانيه انا انصحج بشي اليف ومدرب ولو كانت شوي التكلفه ازود من الباقيين, السعاده والسرور اللي بيجيبها لكم على مدى السنين الطويله ان شاء الله تعوض خسارتج. لا تاخذين الطيور الكبيره مثل المكاو ولا الصغيره جدا, فالانسب انا في نظري هو الافريقي الرمادي (رأي شخصي). أعتذر على الاطاله والله يوفقج. |
رد: محتارة اشتري هالكاسكو
شكرا بارك الله فيكم
بس الظاهر ماباخذه واتريث مابستعجل عشان اخاف يطلع مو على هواي خاصه مو اليف ومايتكلم |
رد: محتارة اشتري هالكاسكو
اقتباس:
شكرا معكم رخيص وايد هنا عندنا يغلون الاسعار من 200 فمافوق للفرخ والمتعلم شوي بس ماعرف عن الاليف ولا اعرف واجد عن سعر السوق بس في السنترات غالي جيدا مال حيوانات شكرا على التوضيح |
رد: محتارة اشتري هالكاسكو
اقتباس:
بالفعل اريد طير اليف ومايعض هذا مال سنه ويعض بس ياكل على اليد وبالفعل ماعندي وقت احطه للاخوان بالبيت يمكن اشوفه بعدالدوام ولا لي خبره بتربيه الطيور كذا هالنوع قصدي شكرا على التوضيح الجميل وبارك الله فيك |
رد: محتارة اشتري هالكاسكو
نسمع الارءا الاخرى
|
رد: محتارة اشتري هالكاسكو
لاصحاب الخبره زميل لي عارض كاسكو ماله للبيع بمبلغ 200 ريال عماني اي 2000 درهم اماراتي طبعا قبل التفاوض سعر غالي جداً وغير مناسب وحتى لو تفاوض كم يعني اكيد شي بسيط بصراحه مايصلح سعره الكاسكو كمل سنه ومش اليف يعض اذا مسكته اوخوفته هنا المشكله يعني كبير لازم له ترويض وراح يتأخر ماراح يتجاوب بسرعه معك وخصوصا التمنه عنيد كاسكو التمنه كيف اعرف انه كمل سنه عيونه صفراء وهل قابل للترويض ويكون اليف نعم قابل للترويض بس محتاج خبير وصبور وطويل نفس لان الببغاء كبير ويتكلم اي نعم يتكلم اذا درب تدريب جيد هو يصفر يقول صاحبه التصفير مو علامه لجوده الببغاء يعني مانأخذ بها الاهم يكون اليف عشان يتقبل اي شي هل تعتبرونه مناسب سعرا وايضا سنا للتعلم والتدريب لا السعر مبالغ فيه وبالنسبه للتعليم والتدريب ممكن تعليمه وتدريبه لكن راح ياخذ معك وقت طويل عندك استعداد ؟ |
رد: محتارة اشتري هالكاسكو
نصيحتي ابتعدي عن هالنوع :: التمنة ::
عنيد مرة وماينفع لك ’, لو تبي خذي كاسكوو افريقي وحبذا لو يكون هولندي وصغير في عمره , من واقع تجربه للأثنين ’ وشكرآ |
رد: محتارة اشتري هالكاسكو
شكرا لكم بارك الله فيكم
شو رايكم بالكاسكوا جمبو 4 شهور بسعر 2000 درهم 200 ريال هل مناسب |
رد: محتارة اشتري هالكاسكو
يخوي نصيحتي لاتشتريه
خذ لك هولندي عمره تحت السنه وبنفس السعر او اكثر شووي |
رد: محتارة اشتري هالكاسكو
اقتباس:
ليش يخوف؟؟؟؟؟؟؟؟؟؟ الموجود بالسوق اكثر شي هو صح وشو النوع الهولندي |
رد: محتارة اشتري هالكاسكو
هو يقصد بالهولندي يعني كاسكو تفريخ مزارع هولنديه
لكن ماقلتي وش مواصفات الجامبو اللي تقولين ؟ |
رد: محتارة اشتري هالكاسكو
اقتباس:
شكرا على تفاعلكم بس هو الكاسكو الجمبو اعتقد |
| جميع الأوقات بتوقيت GMT +3. الساعة الآن 06:29 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو