|
زهقني هالكاسيكو .. شوفوا لي حل
السلام عليكم ورحمة الله وبركاته .. تحية طيبة للجميع وبعد :-
يالربع أنا عندي ببغاء كاسيكو الرمادي ... محجل .. عمره مابين الستة الى 8 شهور ... يعني عينه بدت تفتح بعد ما كانت سودا كامله ... الببغاء ممتاز ولا عليه كلام ... أليف ... يجي على اليد .. ياكل من يدي أو يد غيري ... متوالف مع الجميع ... مايجعر أبداً ... حتى صحته ماشاء الله تبارك الله ممتازه لكن فيه عيب واحد كبيييييييييييييييير .... وهو أنه مايتكلم :( تعبت وانا أعلمه لكن مافيه فايده .. :( شاطر لي في التصفير وبس :o شوفوا لي طريقة يتكلم فيها ... ولا ترى ببيعه باللي هو به ... مع أنه مشتراه علي غالي نوعاً ما .. شاكر لكم تجاوبكم مسبقاً .. :) |
رد: زهقني هالكاسيكو .. شوفوا لي حل
وعليكم السلام
طيب اخوي امكن الطير مايسمع اتاكد شوف يسمع ولا ورد علي اذى يسمع كرر الكلمات السهله والتكرر يعلم الشطار كل يوم ابدى بالكلمات السهله مثل ماما ياواد اعرف واحد من العيال اشترى الافريقي وليف ويطلع على اليد بس مايتكلم جلس خمسه سنوات ومانطق بكلمه طلع الطير مايسمع |
رد: زهقني هالكاسيكو .. شوفوا لي حل
هلا اخوي عمر
كم له الطير عندك بعدين ما انصحك تبيعه اصبر عليه هو ما بدا و اذا بدا ما يسكت انت حاول انك تكثر الكلام معا في وجه حاول انك تربط الكلام بالحركات زي اذا جيبت تروح و قوله باي مع تلويح اليد و اذا جيت قول مرحبا او سلام عليكم مع رفع اليد و هكذا و لا تصفره له الوقت هذا خل كل كلامك معه كلمات بسيطه تتكون من ثلاث او اربع حروف مثل الو-بابا - حتى يجيدها و بعدها غير حط له مقطع من الجوال او المسجله تكرر عليه الكلام في فتره الصباح الباكر و المغرب والصبر مفتاح الفرج |
رد: زهقني هالكاسيكو .. شوفوا لي حل
السلام عليكم
اخوي عمر الاخوان ماقصرو وعليك بالكلمات السهله وبعدين طيرك عمره يعتبر صغير على الكلام من بعد ال سنه اشره على الطير:) وبالتوفيق اخوي |
رد: زهقني هالكاسيكو .. شوفوا لي حل
كم صار للطير عندك
المهم هو ان شاء الله راح يتكلم بس ردد عليه كلمه ولاتغيرها وبصوووت عالي هذا اهم شي ردد الكلام بصوت عالي كأنك تنادي أحد من بعيد واصبر |
رد: زهقني هالكاسيكو .. شوفوا لي حل
يمكن طيرك اصمخ اتغشمر،، شوف اذا دخلت عليه الصباح حاول انك تشوفه ومن ثم تختبى عنه يعني انخش وكلمه من وراى باب او طوفه وكرر كلمه وبتشوف معا الايام راح يكرر الكلمه، وحاول تطلع وتنخش وانت تكرر الكلمه، وشكرا،
|
رد: زهقني هالكاسيكو .. شوفوا لي حل
اقتباس:
هلا بك والله .. الطير يسمع .. لأني لما أصفر له يرد التصفير ... ولما يجون عيال خواتي ويبدون يسولفون أو يلعبون وهو مايشوفهم يصير زي المجنون لأنه يبي يشوفهم ويلعب وياهم ... أنا متأكد إن شاء الله أن الطير سمعه مضبوط ... طيري وأعرفه وأنا ما أقول له غير السلام عليكم ... ولا اسم أخوي اللي هو علي ... فقط السلام عليكم وعلي |
رد: زهقني هالكاسيكو .. شوفوا لي حل
اقتباس:
الطير له عندي 4 شهور تقريباً ... وأنا صبرت لين زهقت والله ... لكن دامك تنصحني بالصبر باصبر ... والله يعين وجميع الخطط جربتها معه ... ولا فادت خطة الجوال جربتها اليوم وبنشوف النتايج ... والله يكتب اللي فيه الخير |
رد: زهقني هالكاسيكو .. شوفوا لي حل
اقتباس:
وبالنسبة لما بعد السنة .. اللي أعرفه أن غالب الببغاوات ينطقون قبل السنة .. |
رد: زهقني هالكاسيكو .. شوفوا لي حل
اقتباس:
صار له 4 شهور تقريباً .. تزيد ما تنقص :rolleyes: وانا ما أزيد على كلمتين ... وبصوت عالي والله :o حتى أهل البيت قلت لهم لا تقولون غير هالكلمتين ;) |
رد: زهقني هالكاسيكو .. شوفوا لي حل
اقتباس:
وخطتك حلوة وبجربها قريب ... شكراً لك :) |
رد: زهقني هالكاسيكو .. شوفوا لي حل
اقتباس:
السلام عليكم و رحمة الله انا من خبريتي للكاسكو والله تعملت شي و خصوصي بالكلام انك اذا تبي تعلم طيرك الكلام لازم تفاجئه يعني تخلي شوي بروحه و بعد شوي تمر من يمه و تقوله الكلمه يعني تخلي يتفاجىء عشان ترسخ بذهنه الكلمة و ع طول سوي هالطريقة وشوف النتيجه و الباقي على الله و انشاء الله بعد الخبراء يفيدونك ومع العلم اني مريت بالسالفة نفسه من قبل والحين عرفت شلون تخلي الطير يتكلم (فجاء طيرك يتعلم الكلام ) |
رد: زهقني هالكاسيكو .. شوفوا لي حل
اصبر عليه لا تبيعه توه صغير
انا طيري شريته عمره 8 شهور ما تكلم الا بعد ماصار عمره سنتين تقريبا الصبر ثم الصبر |
رد: زهقني هالكاسيكو .. شوفوا لي حل
اخوي على فكرة نسيت اذكر لك طريقتي في تعليم الببغاء
حطه في مكان مظلم تماما وجيب كشاف وولعه امامه وتكلم هو راح ينته لضوء الكشاف وبكذا راح يركز على الصوت .. والكلمة اللي تقولها له خليها مثلا اسم يعقوب ,, لانها سهلة عليه ولا تغيرها وكرر العملية كذا مرة لمدة اسبوعين ,, وان شاءالله تنفع معاه ,, |
رد: زهقني هالكاسيكو .. شوفوا لي حل
اقتباس:
فكرة جميلة ... بطبقها قريباً :) شكراً لك :) |
رد: زهقني هالكاسيكو .. شوفوا لي حل
مالنا غير الصبر يا فتفوته ... وبجرب هالطريقة وعسى يكون خير :)
|
رد: زهقني هالكاسيكو .. شوفوا لي حل
اقتباس:
|
رد: زهقني هالكاسيكو .. شوفوا لي حل
حرااااااااااااااااااااام يا عمر شو تبيعه طيرك مافيه شي بس انته مستعيل اصبر ان الله مع الصابرين
ردد له كلمات سهله شو بس كلمتين!! رددله اسمه عشان يعرف اسمه انا لي عندي تقريبن الحين 9 شهور او كملت 10 ماترمس تصفر بس تحاول تقول اسمها توتو بس تقول طوطو المهم تحاول الانه ما ازقرها الا توتو و ا اردد عليها القصور مني يمكن لاكن ماشاء الله تصفر تصفيرات هبااال :) و انته لا تستعيل على لي عندك مش كل طير يتوالف بسرعه معاك و مع العايله كلها و لا تحب اليهال و الله شي طيب انا لي عندي تغار منهم و لا تحبهم بس اذا مابتصبر عليها و بتبيعها انا بشتريها :) اذا انك مستغني عنها تراني قتلك اذا فكرت تبيعها طرشلي رساله انا اباااااااااااااااااااهاااااااااااااااااااااااااا |
رد: زهقني هالكاسيكو .. شوفوا لي حل
اقتباس:
واذا ما نفعت معه الطريقة الصحيحة نعلمه بطريقة ملتوية الين يهرج :D المهم لا يأس مع الحياة ولا حياة بدون يأس وكلمة لأخوي عمر لا تستعجل على بيعه اسمع كلام عمتك صدقني ما بتندم الافريقي يعمر الى 40 سنة تقريبا وطيرك توه صغير وعلى قولتهم توه طالع من بطن الارض :cool: ملاحظة بالنسبة للكشاف لا تحطونه على عين الطير مباشرة :) |
رد: زهقني هالكاسيكو .. شوفوا لي حل
والله يا غالي أتوقع السبب منك انت مو من الببغاء مسكين.
شوف ردود الأخوان كلها تدريب لك ولا أحد فيهم قال لك ان الببغاء هو المشكلة الا الشامخ وكلامه صح وكلام الشباب صح على العموم, دائما المشكلة فينا لأننا نسوي كل شي في نظرنا انه صحيح, لكنه في نظر الببغاء غير مقبول. فيا ليت تغير من سلوكك معاه واسلوبك, وتجرب طريقة ثانية. عندي لك اقتراح, بما انك طفشان منه, روح لأي حلاق سوري أو تركي يكون خويك وقول له انك بتخلي الببغاء عنده فتره. بشرط يبقى في المحل عند الحلاق مو يوديه بيته. واعطيه 50 ريال والا 100 واذا ما وافق دور غيره. وتعال بعد شهر وخذه من عنده وشوف كيف تلاقيه. هذا مجرد اقتراح. تحياتي يا قمر |
رد: زهقني هالكاسيكو .. شوفوا لي حل
ههههههههههههههههههههه
حلوه محل حلاق!!!!!!!!!!!!!!!! ليش؟؟؟؟؟؟؟؟؟؟ وش معنا حلاق ؟؟؟؟؟؟؟؟؟ يعني اودي ببغاءي عند الحلاق بس اخاف يتكلم تركي !!!!!!!!! |
رد: زهقني هالكاسيكو .. شوفوا لي حل
هههههههههه
لا لأن الحلاق في الغالب ما يقول لك لا, واللي يجونه تلاقيهم اللي داخل يقول السلام عليكم وعليكم السلام, وانت ماشي. وترى الطريقة مجربها مع الغيني (عمر المهنا) خخخخخ . |
رد: زهقني هالكاسيكو .. شوفوا لي حل
سماوي الجبه : شكراً لك ولمرورك العطر :)
لوتيه : رفعتي من معنوياتي كثيييير :) ولو تامرين عليه ألحين خذيه .. :) فتفوته : طريقتك تخوف بس بجربها :rolleyes: سكر : حطمتني في بداية كلامك :( لكن فكرتك الأخيرة خلتني اسامحك :o كاجو : زي ما قلت أخاف يتكلم تركي ونبتلش ;) |
رد: زهقني هالكاسيكو .. شوفوا لي حل
اخوي عمر
معليش والله ما أقصد ههههههههه بس انا عندي تمنة اسمه الأصلي سودان جنني أول. كنت أسميه عمر المهنا , هذا حكم سابق. لأنه واقف طول اليوم يطالع يمين ويسار, شوي ويدق لك تصفيره محترمه , كأنه يقول فاول, مو ناقص الا يطلع الكرت الأصفر. :D وخليته ثلاثه اسابيع عند خويي حلاق. ولما أخذته, تفاجئت انه يقول السلام عليكم, ويطلع أصوات غريبه في التصفير. وكل شوي يفحط هههههه (زي صوت التفحيط) عشان كذا تأكدت ان المشكلة فيني انا يا الغلا مو في عمر المهنا :D تحياتي |
رد: زهقني هالكاسيكو .. شوفوا لي حل
اخوي عمر اقرا الروابط اللي في توقيعي وان شاالله بتستفيد |
رد: زهقني هالكاسيكو .. شوفوا لي حل
سكر : هههههههههه والله منتب عاقل مع عمر المهنا حقك:D:D
وطريقتك بجربها ... بس المشكلة أن الحلاق اللي أمون عليه باكستاني ;) المري1 : شكراً جزيلاً للإفادة .. وماننحرمش منك ومن بقية الإخوان هنا :) |
| جميع الأوقات بتوقيت GMT +3. الساعة الآن 05:30 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو