|
كمن سؤال عن الكاسكو
السلام عليكم جمعة مباركه .. بسألكم كم سؤال عن الببغاء حقي احين هو بيكمل أسبوع .. يصفر ويطلع أصوت وكذا ويتحرك بحريه داخل القفص وياكل لكن لو اقرب تقل جاه الموت يجعر مايستوي بعد ابقي ساكته ماكو حل يعني .. الشي الـ 2 يفتح فمه كثير أيش يعني هو يتثاوب أو يحاول يصفر شنو يعني وو بعدين ريشه ماعجبني احسه مو منظم من تحت اللي لونه أحمر مدري شلون صاير .. ومتى اقدر اقص جناااحه ...؟ أبي اجابات ع اسألتي ومشكووووووورين واسفه ع الازعاااااااج |
رد: كمن سؤال عن الكاسكو
المشاهدات 7
ولا رد :/ |
رد: كمن سؤال عن الكاسكو
وعليكم السلام ورحمة الله وبركاته اختي مثل ماقلت لج سابقا ببغائج عود واسبوع فتره غير كافيه عشان يتعود اعطيه فتره من شهر-شهرين اختي ممكن توضحين يعني يعاني اسهال ياكل طبيعي ..! وعن ريشه لتحاتين اهو بروحه بيرتبه وفي امكانج تحممينه وراعي شروط التحميم وعن القص تقدرين تودينه لبيطري اوخبيير وصبري عليه وبالتوفيق |
رد: كمن سؤال عن الكاسكو
منووو قال في اسهال .. بعد يجعر وقلنا يالله يجيه اسهال من البدايه قسم طيرته مو بعته بعد
مششكوووووووووره أختي لكن الصبر هذى ماتقنعني .. لازم اكو احل للجعير بعدين نسيت اقول هووو وايد يحاول يفتح القفص من الزوايا |
رد: كمن سؤال عن الكاسكو
أختي و الله ما اقدر افيدك
بس ان شاء الله الباقين يفودونك وان شاء يتعود عليك وصوريه ونزليه يكون اوضح للخبرااء |
رد: كمن سؤال عن الكاسكو
فديتكـ
نزلت صوره من قبل :/ |
رد: كمن سؤال عن الكاسكو
خخخخ اختي انا مااقولج في اسهال انا الي اقصده وضحي قلتي انه يفتح منقاره زين انا اسألج اهو ياكل زين فيه اسهال مجرد سؤال :D وليش الصبر ماينفع نسيتي كلامج في ذاك الموضوع اختي حل الجعير اهو الصبر لان اساس الجعير خوفه وخوفه يعني انه للحين مب مطمأن فلطمئنان يبي له وقت وهالوقت يعني الصبر فصبري وقد اطول المده لان طيرج عود |
رد: كمن سؤال عن الكاسكو
ايه ياكل زين ماكو فيه اسهال
أنا اسأل هو يفتح فمه لكن ماكو صوت أسأل هو يتثاوب أو يبي يطلع صوتو مو قادر مع انه يصفر و يطقطق ويطلع صوت إذا كان بحاله بالغرفه ماقول الصبر ماينفع أقصد مو مقتنعه يعني لابد هناك طريقه ^^ |
رد: كمن سؤال عن الكاسكو
كلامك صح فيه حل , مع الصبر.
بس تقصد الأخت عاشقة, ان الصبر بيكون أكثر إذا كانت خبرتنا أقل. سؤال ( أم صوفي انتي حاطة الببغاء في المطبخ؟) لما يفتح فمه لما يشوفك ويطالع فيك وينزل راسه تحت, هذي معناها انه يحاول يخوفك, ويحذرك. ويمكن وقتها يعض الخشبة أو طرف القفص بشويش عشان يستعرض سلاحة. أما اذا يفتح فمه بدون ما ينتبه له هذي تثاؤب عادي. إذا كنتي ما تطلعي ببغائك من القفص فلازم من اليوم تبدأي تطلعيه شوي يرفرفر ويغير جو ويمد عظامه وعظلاته. لا تحاولي تروضيه وهو داخل القفص لأنه وقتها يحس بالتهديد بشكل أكبر. طلعيه فوق القفص وجربي تقربي منه اذا جعر وركزي على عيونه وانتي ثابته وبتلاقي انه شوي ويسكت مع شدة انتباهه لك. اذا تحركتي بيجعر مرة ثانية وبرضه بيسكت بعد شوي. كرري الحركة هذي ثلاث الى اربع مرات في نص ساعه وشوفي ايش يصير معاك. بس غيري مكان القفص وخلي أعلى نقطة في القفص على مستوى فمك. هذي جزء من الطريقة والباقي بعد ما تردي علينا وتقولي ايش صار لأنه احتمال تتغير اشياء في الأسلوب. أنتظر ردك بعد التجربة تحيااتي |
رد: كمن سؤال عن الكاسكو
أما المطبخ
سلاماااااااااات المطبخ هههههههههه لا بغرفتي معي لا اجل تثاوب لأنه اصلا بعيد عني لكن اشوفه من فتره لفتره يفتح فمه استغربت هو مايجعر إلا إذا قربت واهلي لا سمعوا صوته سوو سوالف بحاول اطلعه بكرا الصبح ماعندي شي ومحد من اهلي يعور راسي :) وبقلكم بعديييين |
رد: كمن سؤال عن الكاسكو
اليوم حاولت اطلعه وجي ماقدرت جلس يجعر ومدري شنووو
خليته من شوي جبت تفاح وحاولت اعطيه قرب شوي حط منقاره وبسرعه وخر بعيد خليت باب القفص مفتوح قلت يمكن يطلع من حاله ماكو فايده مع انه كثير يحاول يطلع بشوف بكرا شنو يستوى ..~ |
رد: كمن سؤال عن الكاسكو
اذا فتحتي القفص يا ام صوفي نزليه في الأرض تحت عشان يغريه بالصعود فوق القفص.
ولا تشيلي هم, الببغاء ما بيفهم بسرعة, بس المهم انه في الأخير بيفهم. كرري نفس الحركة بكرة ونشوف ايش بيصير التفاحة كل نص ساعه تقريبا تعالي من برى الغرفة او من آخرها وقولي كلمة معينة, مثلا (يالله أكل, أو أنا جاية) عشان نتبه لك, وتعالي عنده بالتفاحة ومديها له بس بينك وبينه مسافة نص متر تقريباً. أعطيه الفتاحة, اذا عظها اسحبيها وروحي, وارجعي كرري نفس الحركة بعد نص ساعه. في البداية بيفكر انك تهاجميه, وبعد كم حركة بيفهم انها لعبة لأنه ما حس بألم. وبعد كم يوم بيفهم انها أكل لأنه كل يوم يطعم طعم حلو. أنتظر ايش يصير معاك. |
رد: كمن سؤال عن الكاسكو
طيب ماقلت لي ليه تقول المطبخ ..؟
لأنو من جد سؤالك غريب والمكان اغرب |
رد: كمن سؤال عن الكاسكو
اقتباس:
اعتقد عشان كذا سال الغالي سكر اذا كان يصفر و بدء يفتح فمه و هكذا فهي محاوله للكلام باذن الله |
رد: كمن سؤال عن الكاسكو
أما طير بالمطبخ ..
مشكورررين ع المعلومه .. لكن ماهو بالمطبخ .. <<< إذا جا الليل جلس ينوع فـ التصفيرات والصبح لا حس ولا خبر :) |
رد: كمن سؤال عن الكاسكو
اليوم خليت باب القفص مفتوح .. المهم طلع بحاله من دون ماطلعه
شوي جيت لمه وكذا لكن جعيره زاااد خليته ماسويت له شي وطلعت من الغرفه ونام وهو بمكانه المهم رديت دخلته القفص وكذا المهم جبت قطعة تفاحه وزي ماقلت ماقربت لم القفص ماااره بس مديت يدي جلس يجعر وماااره خايف كنه مخوف /: قرب شوي وبعدين بعد حاولت ثاني قرب منقاره ووخره وجلس يجعر وخرت عنه تقرير اليوم :) |
رد: كمن سؤال عن الكاسكو
حلوة تقرير اليوم ههههه
تمام عليك هذا المطلوب كل يوم كرري نفس الحركة حتى يتعود عليها اذا طلع برى القفص اجلسي شوي مو شرط قريبه منه, بس أهم شي يشوفك, وانتي اعتبريه مو موجود. اذا قررتي تقربي منه لا تتراجعي وقت ما يجعر على طول. بالعكس اجلسي هادية قدامه واعتبريه اذا جعر يقول لك تكفين اجلسي. كرري كل يوم هذا الاسلوب ولو تقدري في اليوم أكثر من مرة يكون أفضل. المسألة مسألة تكرار الحدث, وبعدها يصير حدث مألوف, وبعدها يصير عادة مقبولة, وبعدين يصير فيه تطور وإبداع. تحياتي |
رد: كمن سؤال عن الكاسكو
اخوي سكر عندي سؤال بخصوص ردك السابق "أعطيه الفتاحة, اذا عظها اسحبيها وروحي, وارجعي كرري نفس الحركة بعد نص ساعه." احس ان هالحركه بطول من فترة الجعير .. يعني بدل ماتسحب التفاحه تخليه يعضض قد مايبي ولين كملت التفاحه تيه يوم ثاني وبجذي بعد يومين ولا 3 ان شاءالله بيبتدي ياكل من يدها << وانت شرايك؟ |
رد: كمن سؤال عن الكاسكو
كلامك منطقي اختي عاشقة
بس في الواقع يتصرف تصرف مختلف, لأنه يعضها كأنها جزء من اللي ايد اللي يقدمها. وبعد كم يوم يصير يتعود انه كل ما شاف تفاحه يعضها وبس. وفي نفس الوقت ما يجيه شعور انه هو بسلوكه المتوحش السبب في اختفاء التفاحة وانتهائها. الهدف من اننا ننسحب هو اننا نتركه يتطعم التفاحة في فمه وهو مركز. لأن الببغاء اذا كان يجعر, يكون أعطى مخه اجازة,,, يصير فعلاً غبي وما يفهم أي اشارة أو معنى غير الخطر وبس. وعلى فكرة الحركة هذي كل نص ساعة تخلي الجعير يخف بشكل ملحوظ في نفس اليوم لو استمرينا عليها بالطريقة الصحيحة. تحياتي |
رد: كمن سؤال عن الكاسكو
اوكـ راح اكرر ذا الشي ..
بس عندي سؤال إذا جاء الليل بدأ يطقطق ويصفر ويسوي حركات ليييه مو بالصبح ..؟ |
رد: كمن سؤال عن الكاسكو
هذا اوفر تايم :D
أي وقت يصفر ويطقطق. حتى لو تجي نص الليل وتشغلي النور وترفعي القفص شوي تلاقيه شغال تصفير. أنا في نظري إن أهم شي اننا ننقل مكان الببغاء في اليوم أكثر من مرة في نفس الغرفة عشان نغير له الجو وما يمل ويكسل. أنتظر تقرير اليوم :D تحياتي |
رد: كمن سؤال عن الكاسكو
القصه مو كذا .. الصبح ماله حس موليه :rolleyes: بس من المغرب وطالع اليوم سويت نفس امس جيته من بعيد مديت يدي بالتفاحه جعييييييييييييييييييييييره زااااااااااااااااااااااااااااااااااااااااااااااااااااااد عن من يوم جبته بس اليوم كنه يقول تقلعي مابي اتدرب :D تقرير اليوم :( |
رد: كمن سؤال عن الكاسكو
ماشاءالله عليك اخوي عيني عليك بارد والله لايحرمنا من معلوماتك القيمه ... واختي ام صوفي لاتيأسين وان شاءالله مثل ماقال اخوي سكر كل نص ساعه بيخف واهم شي الصبر |
رد: كمن سؤال عن الكاسكو
أشكرك عاشقة الطيور ربي يبارك فيك ويحفظك
أم صوفي, كأنك بديتي تكسلي؟ توكلي على الله وواصلي بنشاط. تقدري تستغني عن التفاحة اذا تحسي انه ما يطيقها حالياً أو صغري حجمها اذا كانت كبيرة. لكن واصلي انك تقربي منه وتمدي يدك حتى توصل لعند منقاره (تأكدي ان أصابعك مقبوضه أو نازلة لتحت). وخليك ثابته على هذا الشكل فترة دقيقتين أو أكثر بغض النظر عن ردة فعله (كل ما طولتي يكون أفضل). ولا تخافي ما بيعضك اذا كنتي ثابته. أنتظر تقرير بكرة ان شاء الله تحياتي |
رد: كمن سؤال عن الكاسكو
عاشقة اشكرك ع متابعتكـ :) والصبر معليه لا تخافين أنا وهو ربع :D سكر لا ما كسلت لكن عندي مشكله وهي العائق الكبير (أهـلي يطفشون من صوته ) :D و إن شاء الله بكرا بجيكم بـ تقرير |
رد: كمن سؤال عن الكاسكو
:D واصلووووو معاكم على الخط ,,,:D :rolleyes: يا أختي ممكن تسوي حركه عشان يبطل جعير ,,(مجربه) تقوليلو ونتي تطلي في عينو (لا) وتأشري بيدك ,,بس مو تصرخي فيه لأنو حساس عاشقة ميسووون |
رد: كمن سؤال عن الكاسكو
مااااااااااااااااااااااكو فايده الجعير احس كل ماله يزيد مو يخف
<< هذا تقرير حق يومين :D |
رد: كمن سؤال عن الكاسكو
شفتك ما تدخلي المنتدى قلت يمكن الببغاء أكلك :D
ايش صار معاكي يا ام صوفي بالضبط؟ ايش سويتي, عشان نفهم بس ايش صار. أوعدك اذا مر شهر من الحين وما روضتيه آخذه منك وأحاول أروضه ان شاء الله. لأن الحين وضعي شوي صعب ويبغاله ترتيب. تحياتي |
رد: كمن سؤال عن الكاسكو
أبد ياطويل العمر ماكو شي جديد ينذكر نفس العاده
لكن احين إذا جيت اغير اكله مايجعر بس ارد ابي اغير الماء يقوم يجعر وبزياااده ومشكور ع الخدمه مااتقصر |
رد: كمن سؤال عن الكاسكو
لو أقولك امسكيه بقطعة قماش متينه أو بطانية ( تكتفيه مثل الأطفال) تقدري؟؟
|
رد: كمن سؤال عن الكاسكو
امممم اي اكيد اقدر
لكن ايش الحكمه ..؟ أو ليييه ..؟!! |
رد: كمن سؤال عن الكاسكو
الحكمة طال عمرك انك تخلين الببغاء يواجه أكبر مخاوفه
وهي الإمساك به إذا مسكتيه وكتفتيه ومررتي يدك بحيث تلمسي راسه ولا توقفي إلا إذا وقف عن التجعير عشان يرتاح من التعب وقتها وقفي عن اللمس وخليك هادية وبدون أي حركة وبيرجع يجعر مرة ثانية وارجعي المسي راسه بهدوء لحد ما يسكت العملية هذي تآخذ منك نص ساعة وبعدها شوفي الفرق بإذن الله وصدقيني بتكون نص ساعة مثيرة وحماس بمعنى الكلمة أبغى منك تتشجعي وتعملي الطريقه هذي وأنا واثق انك تقدري بإذن المولى عز وجل تحياتي |
رد: كمن سؤال عن الكاسكو
الله يعطيك العافيه اخوي سكر وتراني متابع معكم واحاول اطبق على طيري
الله يوفقك |
رد: كمن سؤال عن الكاسكو
إن شاء الله بحااول .. وبقولكم
|
رد: كمن سؤال عن الكاسكو
إن شاء الله ترجعي وأصابعك كاملة :D
بإنتظارك أخوي كاسكو1 أتمنى لك متابعة ممتعة ونتائج ممتازة, وعلى فكرة يا غالي النتائج اللي تطلع مع الأخت ام صوفي مو شرط تكون هي نفسها النتائج معاك. يعني بعض الأساليب اللي طرحتها ممكن تنفع معاك وما تنفع معاها او العكس صحيح. أرجو انك ما تتأثر بالنتائج التي تحدث مع غيرك تحياتي |
رد: كمن سؤال عن الكاسكو
بصراااحه ماجربت الطريقه اللي قلت << الكرون عقدني بعد عضته وخفت يعضني هذا بعد
لكن في تغيرات بسيطه صرت اطلع صوت يوم اجي اغير له الاكل صاار يطلع صووت خفيف يعني مو بزياااده لكن المشكله لو جيته بوقت ثاني صار يجعر بصوووت عالي ويروح ويجي لكن هووو صار يغرد بزييااده ويطقطق ومدري ايش يسوي << هذا التقدم الوحيد ويسوي حركه مدري كيف اوصفها ووو أبي انزل الفيديووو مدري شنووو |
رد: كمن سؤال عن الكاسكو
هذا هووو الرابط بصيغة MP4 الحركه داايم يسويها بين فتره وفتره شنووو يعني !!! http://www.4shared.com/file/95822367...3/_online.html |
رد: كمن سؤال عن الكاسكو
شفت الفديو وشكل عند ببغائك قصيدة خاطره يلقيها :D
أختي أم صوفي واضح انه ينقص ببغائك نشاط. لازم يطلع برى القفص كل يوم ويتحرك ويلعب. قفصه عبارة عن سجن بالنسبة له. الترويش يساعده, والكلام بقربه يساعده وحتى لو تحطيه في الصالة وتشغلي التلفزيون على قناة أناشيد مثلا يساعدة كثير, بس لا تطولي خليه نص ساعه مثلا وبتلاحظين كيف يبدع ولو تقدرين تطلعينه السطوح أو الحوش وتفكينه هناك يكون شي ممتاز (إذا كان جناحه مقصوص) وفيه طريقة تضحك بقولك اياها بعدين. :D تحياتي |
رد: كمن سؤال عن الكاسكو
طيب مافهمت شنوو يعني الحركه هذى
<< كل هذا من الكبت والا في امل يحكي ويقول شي مشكله ماقدر اسوي شي كثير لأن أهلي يضجرو من صوته وقت مايطلعوا اجلس معاه أما عن اطلعه الصطوح إن شاء الله بقص جناحه عشان افرج عنه :) و أنا احين غيرت محله عشان اغير نفسيته أأأأيييش هي الطريقه اللي تضحكـ !!!! :D |
رد: كمن سؤال عن الكاسكو
طيب بسألك إذا هووو ناقصه نشاط ولازم اطلعه
مشكله هوو مايعطيني فرصه عشان اطلعه او اتفاهم معاه ماغير يجعر لو اجي لمه ..!!! وآت كآآآن آآآي دووو |
| جميع الأوقات بتوقيت GMT +3. الساعة الآن 07:10 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو